 |
| ພາບ-ຂ່າວ : ຫນັງສືພິມ ປກສ |
ນາງ ໂມະ ອາຍຸ
46 ປີຢູ່ບ້ານນາລ່ຽນ, ເມືອງນາຊາຍທອງ, ນະຄອນຫລວງວຽງຈັນ, ໄດ້ຖືກສານປະຊາຊົນນະຄອນຫລວງວຽງຈັນຕັດສີນລົງໂທດຈໍາຄຸກເປັນເວລາ 5 ປີ,
ພ້ອມປັບໃໝ 10 ລ້ານກີບໃນຂໍ້ຫາສໍ້ໂກງຊັບພົນລະເມືອງ, ຊຶ່ງຄະດີມີຢູ່ວ່າ:ໃນປີ
2014 ຜູ້ກ່ຽວໄດ້ໄປກູ້ຢືມເງິນນຳຄົນຮູ້ຈັກຫລາຍຄັ້ງຄື:
ຄັ້ງທໍາອິດຈຳນວນ 84 ລ້ານກີບ, ຄັ້ງທີສອງຈຳນວນ 17 ລ້ານກີບ ແລະ ຄັ້ງທີສາມຈຳນວນ 4,5 ລ້ານກີບ, ໂດຍອ້າງວ່າຈະເອົາເງິນໄປໃຊ້ໜີ້ທະນາຄານຕາມກຳນົດສັນຍາເພື່ອໃຫ້ມີເງື່ອນໄຂກູ້ຢືມເງິນຈາກທະນາຄານໄດ້ອີກງວດໃໝ່ແລ້ວຈຶ່ງຈະເອົາເງິນມາໃຊ້ແທນຄືນທັງຕົ້ນທຶນ ແລະ ດອກເບ້ຍ, ພາຍຫລັງໄດ້ເງິນມາແລ້ວຜູ້ກ່ຽວກໍເອົາໄປໃຊ້ຈ່າຍສ່ວນຕົວຈົນໝົດ ແລະ ບໍ່ເງິນມາໃຊ້ໜີ້ທີ່ກູ້ຢືມມາ, ຜູ້ເສຍຫາຍຈຶ່ງຮ້ອງຟ້ອງຕໍ່ເຈົ້າໜ້າທີ່ເພື່ອດຳເນີນຄະດີຕາມກົດໝາຍດັ່ງກ່າວ.
No comments:
Post a Comment