ກອງປະຊຸມເຈົ້າໜ້າທີ່ອາວຸໂສແຮງງານອາຊຽນ ຄັ້ງທີ
12, ໄດ້ຈັດຂຶ້ນໃນວັນທີ 11 ພຶດສະພານີ້, ທີ່ນະຄອນ ຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີເຈົ້າໜ້າທີ່ອາວຸໂສແຮງງານ 10 ປະເທດອາຊຽນເຂົ້າຮ່ວມ.
ທ່ານລັດຖະມົນຕີມີຄຳເຫັນໃນກອງປະຊຸມວ່າ: ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມເຈົ້າໜ້າທີ່ອາວຸໂສແຮງງານອາຊຽນ ເປັນເທື່ອທີ 3 ແລ້ວ, ຊຶ່ງຄັ້ງທີ ໜຶ່ງຈັດຂຶ້ນ ໃນປີ
2002, ຄັ້ງທີສອງ ປີ 2011 ແລະ ຄັ້ງນີ້ກໍເປັນຄັ້ງທີ
3, ເຊິ່ງເປັນກອງປະຊຸມເຈົ້າໜ້າທີ່ອາວຸໂສແຮງງານອາຊຽນ ຄັ້ງທີ
12 ພາຍໃຕ້ຫົວຂໍ້: “ການຫັນປ່ຽນຈາກການຈ້າງງານນອກລະບົບໄປສູ່ການຈ້າງງານໃນລະບົບ ເພື່ອຫັນໄປສູ່ການສົ່ງເສີມວຽກທີ່ມີຄຸນຄ່າ ແລະ ເປັນທຳ
ໃນອາຊຽນ”, ໂດຍໄດ້ສືບຕໍ່ຈາກກອງປະຊຸມເຈົ້າໜ້າທີ່ອາວຸໂສແຮງງານອາຊຽນ ຄັ້ງທີ
11 ໃນເດືອນພຶດສະພາ 2015 ຢູ່ມານິລາ, ປະເທດຟີລີປິນ. ກອງປະຊຸມດັ່ງກ່າວ ຈັດຂຶ້ນເພື່ອເປັນການປຶກສາຫາລື ແລະ ປະຕິບັດພັນທະຕາມທີ່ໄດ້ລະບຸໄວ້ໃນເອກະສານຂອງ
ປະຊາຄົມວັດທະນະທຳ-ສັງຄົມ ທີ່ເຮັດບົດບາດເປັນເສນາທິການໃນການຄົ້ນຄວ້າບັນ ດາເອກກະສານສຳຄັນຕ່າງໆ ເພື່ອລາຍງານຂໍການພິຈາລະນາຈາກອງປະຊຸມລັດຖະມົນຕີແຮງງານອາຊຽນໃນແຕ່ລະຄັ້ງ. ດັ່ງນັ້ນ ກອງປະຊຸມຄັ້ງທີນີ້, ຈະໄດ້ປຶກສາຫາລືບັນຫາຕົ້ນຕໍຂອງວຽກແຮງງານທີ່ພົວພັນເຖິງວຽກງານເສດຖະກິດ ແລະ ສັງຄົມ,
ວ່າດ້ວຍການສ້າງຄວາມເຂັ້ມແຂງການປົກປ້ອງສັງຄົມ, ສົນທິສັນຍາອາຊຍນ ວ່າດ້ວຍການຕ້ານການຄ້າມະນຸດ, ໂດຍສະເພາະແມ່ຍິງ ແລະ ເດັກນ້ອຍ. ຂອບວຸດທິການສຶກສາອາຊຽນ, ແຜນງານລັດຖະມົນຕີແຮງງານອາຊຽນ 2016-2020, ແຜນງານຂອງຄະນະກຳມະການຈັດຕັ້ງປະຕິບັດຖະແຫລງການອາຊຽນວ່າດ້ວຍການປົກປ້ອງ ແລະ ຄຸ້ມຄອງສິດທິຂອງແຮງງານເຄື່ອນຍ້າຍ 2016-2020, ແຜນປະຕິບັດງານສຸຂະພາບ ແລະ ຄວາມປອດໄພອາຊຽນ 2016-2020 ແລະ
ແຜນປະຕິບັດງານຂອງໜ່ວຍງານເຈົ້າໜ້າທີ່ອາວຸໂສແຮງງານອາຊຽນ ແລະ
ບັນຫາສຳຄັນຫນຶ່ງອີກຂອງກອງປະຊຸມຄັ້ງນີ້ ແມ່ນການພິຈາລະນາຮ່າງຖະແຫລງການວຽງຈັນ ວ່າດ້ວຍການຫັນປ່ຽນຈາກການຈ້າງງານນອກລະບົບໄປສູ່ການຈ້າງງານໃນລະບົບ ເພື່ອສົ່ງເສີມວຽກງານທີ່ມີຄຸນຄ່າ ແລະ ເປັນທຳ ໃນອາຊຽນ ໂດຍຈະໄດ້ລາຍງານຕໍ່ກອງປະຊຸມລັດຖະມົນຕີແຮງງານອາຊຽນ ຄັ້ງທີ
24 ເພື່ອພິຈາລະນາຕໍ່ໄປ.
No comments:
Post a Comment