ກົມປູກຝັງ ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ປັດຈຸບັນໜ່ວຍງານຂອງຕົນໄດ້ປະສານສົມທົບກັບບັນ ດາທ້ອງຖິ່ນທີ່ເຄີຍມີການລະບາດຂອງຕັກແຕນທຳລາຍຕົ້ນເຂົ້າ ແລະ
ຜົນລະປູກຕ່າງໆໃນເຂດພາກເໜືອໃຫ້ສຳເລັດ ໂດຍລັດຖະບານໄດ້ອະນຸມັດງົບປະມານແລ້ວຈຳນວນ 1,5 ຕື້ກວ່າກີບ ເພື່ອຈັດຕັ້ງປະຕິບັດແຜນປາບສັດຕູພືດດັ່ງກ່າວ ເພື່ອຮັບປະກັນບໍ່ໃຫ້ເກີດຄວາມເສຍຫາຍແກ່ຜົນຜະລິດ.
ກົມດັ່ງກ່າວໃຫ້ຮູ້ວ່າ: ຕັກແຕນແມ່ນສັດຕູພືດຊະນິດໜຶ່ງທີ່ເກາະກິນໃບພືດເປັນຫລັກແລ້ວສ້າງຄວາມເສຍຫາຍໃຫ້ແກ່ຜົນຜະລິດພືດຢ່າງຫລວງຫລາຍ, ພົບເຫັນການລະບາດຄັ້ງທຳອິດຂອງຕັກແຕນຊະນິດນີ້ແມ່ນຢູ່ພາກໃຕ້ປະເທດຈີນໄດ້ທຳລາຍພືດຫລາຍກວ່າ 25 ຊະນິດ ແຕ່ຫລັກໆກໍແມ່ນໃບໄມ້ປ່ອງ (ຕະກູນໄມ້ໄຜ່) ເມື່ອກິນໃບໄມ້ປ່ອງໝົດແລ້ວພວກມັນກໍຈະລົງໄປກັດກິນໃບເຂົ້າ, ສາລີ ແລະ ພືດອື່ນໆ, ພວກມັນມັກອາໄສຢູ່ຕາມລຽບແຄມແມ່ນ້ຳເຂດທີ່ມີຄວາອົງການອາຫານ
ແລະ ການກະເສດ (FAO) ລາຍງານໃຫ້ຮູ້ວ່າ: ໄດ້ມີການລະບາດຂອງຕັກແຕນຊະນິດນີ້ຄັ້ງໃຫຍ່ຢູ່ສາທາລະນະລັດມາລາກັດສະກາ ໃນປີ
2013 ສົ່ງຜົນເຮັດໃຫ້
ປະຊາກອນຈຳນວນ 60% ຫລື ປະມານ
22 ລ້ານຄົນຂອງປະເທດຜະເຊີນກັບສະພາບຂາດເຂີນອາຫານ. ສຳລັບບັນດາປະເທດໃກ້ຄຽງພວກເຮົາກໍເຄີຍມີການລະບາດ ເຊັ່ນຢູ່ປະເທດຫວຽດນາມ 2 ຄັ້ງ ຄືປີ
2008, 2012 ແລະ ປີ
2015 ຢູ່ປະເທດຈີນ.
ສຳລັບ ສປປ ລາວ
ມີການລາຍງານການລະບາດຄັ້ງທຳອິດໃນເດືອນຕຸລາ 2014 ຢູ່ເມືອງໂພນທອງ ແຂວງຫລວງພະບາງ ແລະ ຄັ້ງທີສອງແມ່ນເດືອນເມສາປີຕໍ່ມາຢູ່ເມືອງໂພນທອງ ແລະ ເມືອງວຽງຄຳ
ແຂວງຫລວງພະບາງ, ເມືອງຊອນ, ເມືອງຊຳເໜືອ ແລະ ເມືອງຫົວເມືອງ ແຂວງຫົວພັນ, ເມືອງໃໝ່ ແລະ ເມືອງຂວາ ແຂວງຜົ້ງສາລີ ເຮັດໃຫ້ການຜະລິດເຂົ້າໄຮ່, ເຂົ້ານາປີ, ສາລີ ແລະ ພືດສວນເສຍຫາຍຢ່າງໜັກໜ່ວງສົ່ງຜົນກະທົບຢ່າງໜັກຕໍ່ຜົຍຜະລິດຂອງປະຊາຊົນໃນຈຳນວນ 339 ບ້ານ, 3.359 ຄອບຄົວ ໂດຍມີເນື້ອທີ່ເສຍຫາຍທັງໝົດ 3.651 ເຮັກຕາ.
ຕໍ່ບັນຫາດັ່ງກ່າວ, ກະຊວງກະສິກຳ ແລະ ປ່າໄມ້ ກໍຄືກົມປູກຝັງ ໄດ້ສົມທົບກັບອຳນາດການປົກຄອງຂັ້ນແຂວງ, ຂັ້ນເມືອງມີມາດຕະການຕອບໂຕ້ຢ່າງຮີບດ່ວນ ໂດຍການຈັດຕັ້ງປະຕິບັດຕາມກົດໝາຍປ້ອງກັນພືດຢ່າງເຂັ້ມງວດ ແລະ ໄດ້ອອກແຈ້ງການໃຫ້ທ້ອງຖິ່ນເອົາໃຈໃສ່ກຳຈັດ
ແລະ ຄວບຄຸມການລະບາດຂອງຕັກແຕນດັ່ງກ່າວໃຫ້ໄດ້ ໂດຍການແຕ່ງຕັ້ງຄະນະກຳມະການສະເພາະກິດຂັ້ນທ້ອງຖິ່ນ ແລະ ສູນກາງ ພ້ອມສົ່ງພະນັກງານວິຊາການລົງປະຈຳຢູ່ພື້ນທີ່ລະບາດ.
ຄຽງຄູ່ກັນນັ້ນ ຍັງໄດ້ຕອບໂຕ້ ໂດຍການຈູດໄຟຮົມຄວັນໄລ່, ເກັບຕັກແຕນມາເຜົາທຳລາຍ, ນຳໃຊ້ວິທີການພົ່ນຢາທີ່ມີຜົນກະທົບໜ້ອຍທີ່ສຸດ, ຈັດເຝິກອົບຮົມດ້ານເຕັກນິກວິຊາການຕ່າງໆທີ່ກ່ຽວຂ້ອງ ພ້ອມທັງປະສານສົມທົບກັບອົງການອາຫານ ແລະ ການກະເສດ (FAO) ແລະ ສປ ຈີນ
ໃນການສຳຫລວດ ແລະ ວາງແຜນກຳຈັດໃນໄລຍະສັ້ນ, ໄລຍະກາງ ແລະ ໄລຍະຍາວຕໍ່ໄປ.
ສຳລັບລະດູຝົນປີ 2016 ທີ່ຈະມາເຖິງນີ້, ລັດຖະບານໄດ້ເອົາໃຈໃສ່ເປັນພິເສດ ເພື່ອຄວບຄຸມຕັກແຕນບໍ່ໃຫ້ແຜ່ກະຈາຍອອກໄປເປັນວົງກວ້າງ ໂດຍການອະນຸມັດໃຫ້ນຳໃຊ້ງົບປະມານບ້ວງແກ້ໄຂໄພພິບັດຈຳນວນ 1,56 ຕື້ກີບ ເຂົ້າໃສ່ວຽກງານດັ່ງກ່າວໃຫ້ມີປະສິດທິຜົນ, ພ້ອມທັງການຮ່ວມມືຈາກອົງການອາຫານ ແລະ ການກະເສດ (FAO) ໃຫ້ ການສະໜັບສະໜູນທາງດ້ານວິຊາການ, ຊ່ຽວຊານ, ເຊົ່າລົດລົງພາກສະໜາມຈຳນວນ 24 ຄັນ ແລະ ສະໜອງວັດຖຸອຸປະກອນທີ່ຈຳເປັນຈຳນວນໜຶ່ງ ຄິດເປັນມູນຄ່າທັງໝົດ 328.811 ໂດລາສະຫະລັດ ແລະ ໄດ້ຮັບການຊ່ວຍເຫລືອບັ້ງສີດຢາ
ຈຳນວນ 200 ອັນ ແລະ ຢາປາບສັດຕູພືດ ຈຳນວນ
18 ພັນກິໂລ ຈາກ
ສປ ຈີນ.
ເພື່ອໃຫ້ໄປຕາມແຜນການທີ່ວາງໄວ້, ມາຮອດປັດຈຸບັນກົມປູກຝັງພວມຂຸ້ນຂ້ຽວເປີດຂະບວນການປາບປາມ ແລະ ຄວບຄຸມການລະບາດຂອງຕັກແຕນຝູງດັ່ງກ່າວຢ່າງເຂັ່ງຮ້ອນ ໂດຍການຈັດສົ່ງພະນັກງານລົງໄປປະສານສົມ ທົບກັບພະນັກງານວິຊາການຂັ້ນແຂວງ, ຂັ້ນເມືອງ ແລະ ອຳນາດການປົກຄອງບ້ານຕ່າງໆໃນເຂດມີການລະບາດຈຳນວນ 500 ກວ່າຄົນ ເພື່ອລະດົມຂົນຂວາຍປະຊາຊົນສີດຢາໃນຈຸດທີ່ຕັກແຕນວາງໄຂ່ ເຊິ່ງເປັນເຂດຄອຍຊັນຫຍຸ້ງ ຍາກຕໍ່ການເຂົ້າເຖິງ ໂດຍພື້ນທີ່ຕັກແຕນລະບາດໃນປີນີ້ລວມມີທັງໝົດ 11 ເມືອງໃນ 3 ແຂວງພາກເໜືອ ຄືເມືອງງອຍ, ວຽງຄຳ, ປາກແຊງ, ໂພນທອງ, ໂພນໄຊ, ປາກອູ ແຂວງຫລວງພະບາງ, ເມືອງໃໝ່ ແຂວງຜົ້ງສາລີ, ເມືອງຮ້ຽມ, ຊ່ອນ, ຫົວເມືອງ ແລະ ເມືອງຊຳເໜືອ ແຂວງຫົວພັນ. ປັດຈຸບັນສຳເລັດການສີດຢາໄປແລ້ວປະມານ 30% ຂອງແຜນ ການທັງໝົດ 140 ຈຸດ ແລະ ຄາດວ່າຈະໃຫ້ສຳເລັດທັງໝົດໃນທ້າຍເດືອນກໍລະກົດທີ່ຈະເຖິງນີ້.
No comments:
Post a Comment