ກອງປະຊຸມເຈົ້າໜ້າທີ່ອາວຸໂສອາຊຽນ ໄດ້ຈັດຂຶ້ນໃນວັນທີ 6 ພຶດສະພານີ້, ທີ່ແຂວງຫລວງພະບາງ ສປປ ລາວ,
ພາຍໃຕ້ການເປັນປະທານຂອງ ທ່ານ ອາລຸນແກ້ວ ກິດຕິຄຸນ ລັດຖະ
ມົນຕີປະຈຳສຳນັກງານນາຍົກລັດຖະມົນຕີ, ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງສປປລາວ, ມີຄະນະຜູ້ແທນຈາກ 10 ປະເທດສະມາຊິກອາຊຽນ ແລະ ຜູ້ຕາງໜ້າຈາກກອງເລຂາອາຊຽນ ເຂົ້າຮ່ວມ.
ກອງປະຊຸມໄດ້ສືບຕໍ່ປຶກສາຫາລືຫລາຍບັນຫາກ່ຽວກັບ ການຈັດຕັ້ງປະຕິບັດວິໄສທັດປະຊາຄົມອາຊຽນ 2025 ໂດຍສະເພາະແມ່ນແຜນແມ່ບົດ ສຳລັບເສົາຄ້ຳປະຊາຄົມການເມືອງ-ຄວາມໝັ້ນຄົງອາຊຽນ 2025 ທີ່ບັນດາຜູ້ນຳອາຊຽນ ໄດ້ຮັບຮອງເອົາໃນກອງປະຊຸມສຸດຍອດອາຊຽນຄັ້ງທີ 27 ໃນເດືອນພະຈິກ 2015 ຜ່ານມາ ໃຫ້ມີປະສິດທິຜົນ. ນອກນັ້ນ ກອງປະຊຸມຍັງໄດ້ປຶກສາຫາລື ກ່ຽວກັບການຈັດຕັ້ງປະຕິບັດບັນດາຂໍ້ສະເໜີແນະ ຂອງໜ່ວຍງານສະເພາະກິດລະດັບສູງ ເພື່ອສົ່ງເສີມຄວາມເຂັ້ມແຂງກອງເລຂາອາ
ຊຽນ, ພ້ອມທັງທົບທວນອົງກອນຕ່າງໆຂອງອາຊຽນ, ການສະໝັກເຂົ້າເປັນພາຄີສົນທິສັນຍາໄມຕີຈິດ ແລະ ການຮ່ວມມືຢູ່ອາຊີຕາເວັນອອກ, ການຂະຫຍາຍການຮ່ວມມືກັບພາຍນອກ, ບັນຫາການທົບທວນກົດບັດອາຊຽນ, ຄວາມເປັນແກນກາງຂອງອາຊຽນ ແລະ ບັນຫາອື່ນໆ ທີ່ກ່ຽວຂ້ອງກັບປະຊາຄົມອາຊຽນ.
ສຳລັບການຮ່ວມມືກັບພາຍນອກ, ກອງປະຊຸມໄດ້ປຶກສາຫາລືກ່ຽວກັບການກະກຽມ ໃຫ້ແກ່ກອງປະ ຊຸມສຸດຍອດສະເຫລີມສະຫລອງການຮ່ວມມືອາຊຽນ-ຣັດເຊຍ ຄົບຮອບ 20 ປີ ທີ່ຈະຈັດຂຶ້ນໃນວັນທີ 19-20 ພຶດສະພາ 2016 ຢູ່ໂຊຈີ, ຣັດເຊຍ, ກອງປະຊຸມສຸດຍອດສະເຫລີມສະຫລອງການຮ່ວມມືອາຊຽນ-ຈີນ ຄົບຮອບ 25 ປີ, ກອງປະຊຸມສຸດຍອດອາຊຽນ ກັບຄູ່ເຈລະຈາໃນຂອບ +1 , +3 ແລະ ກອງປະຊຸມສຸດຍອດອາຊີຕາເວັນອອກ ທີ່ຈະຈັດຂຶ້ນ ໃນເດືອນກັນຍາ 2016 ຢູ່ ສປປ ລາວ.
ນອກຈາກນີ້, ກອງປະຊຸມຍັງໄດ້ປືກສາຫາລືກ່ຽວກັບ
ການກະກຽມສຳລັບກອງປະຊຸມລັດ ຖະມົນຕີຕ່າງປະເທດ ຄັ້ງທີ
49, ບັນດາກອງປະຊຸມລັດຖະມົນຕີຕ່າງປະເທດອາຊຽນ +1, ກັບຄູ່ເຈລະຈາອາຊຽນ, ກອງປະຊຸມລັດຖະມົນຕີຕ່າງປະເທດອາຊຽນ +3 ຄັ້ງທີ 23 ທີ່ ສປປ ລາວ ຈະເປັນປະທານ ແລະ ເປັນປະທານຮ່ວມ ເຊິ່ງຈະຈັດຂຶ້ນໃນວັນທີ 21-26 ກໍລະກົດ
2016 ທີ່ນະຄອນຫລວງວຽງຈັນ.
ໃນວັນດຽວກັນ, ຍັງໄດ້ມີກອງປະຊຸມເຈົ້າໜ້າທີ່ອາວຸໂສ ສຳລັບການຮ່ວມມືໃນຂອບແມ່ນ້ຳ ຂອງ-ແມ່ນ້ຳຄົງຄາ ເຊິ່ງເປັນກອງປະຊຸມຮ່ວມມື ລະຫວ່າງ 5 ປະເທດລຸ່ມແມ່ນ້ຳຂອງ (ກຳປູເຈຍ, ສປປ ລາວ, ມຽນມາ,
ໄທ, ຫວຽດນາມ ແລະ ອິນເດຍ) ເພື່ອຮັດແໜ້ນໃນບັນດາຂົງເຂດການຮ່ວມມື ໄດ້ແກ່ການ ທ່ອງທ່ຽວ, ວັດທະນະທຳ,
ການສຶກສາ ແລະ ຂົນສົ່ງ.
No comments:
Post a Comment