ກົມອຸຕຸນິຍົມ ແລະ
ອຸທົກກະສາດ
ໃຫ້ຮູ້ວ່າ: ເລີ່ມແຕ່ວັນທີ
13-15 ພຶດສະພານີ້, ບໍລິເວນຄວາມກົດດັນອາກາດຮ້ອນຍັງຈະມີກຳລັງປານກາງປົກຄຸມຢູ່ທົ່ວທຸກພາກຂອງລາວ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ເຊິ່ງຈະເຮັດໃຫ້ອາກາດຍັງຈະສືບຕໍ່ຮ້ອນເອົ້າຢູ່ບັນດາແຂວງພາກເໜືອດ້ານຕາເວັນຕົກລົງຫາພາກກາງ ແລະ ພາກໃຕ້, ພ້ອມມີໝອກແຫ້ງປົກຫຸ້ມຢູ່ທົ່ວໄປ
ແລະ ຈະມີຝົນຕົກຟ້າຄະນອງ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ. ໂດຍສະເພາະພາກເໜືອດ້ານຕາເວັນອອກ: ອາກາດຈະເຢັນ, ພ້ອມມີໝອກແຫ້ງປົກຫຸ້ມໃນຕອນເຊົ້າ ແລະ ຈະມີຝົນຕົກຟ້າຄະນອງ, ພ້ອມລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 15-17 ອົງສາ ແລະ ສູງສຸດ 28-30 ອົງສາ.
ພາກເໜືອດ້ານຕາເວັນຕົກ: ອາດຈະມີຝົນຕົກຟ້າຄະນອງ ແລະ ລົມພັດແຮງຢູ່ບາງທ້ອງຖິ່ນ. ອຸນຫະພູມຕ່ຳສຸດ 16-18 ອົງສາ ແລະ ສູງສຸດ 36-38 ອົງສາ. ນະຄອນຫລວງວຽງຈັນ: ຈະມີຝົນຕົກຟ້າຄະນອງ, ມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 36-38 ອົງສາ. ສ່ວນພາກກາງ: ຈະມີຝົນຕົກຟ້າຄະນອງ, ພ້ອມມີລົມພັດແຮງຢູ່ບາງທ້ອງຖິ່ນແຂວງວຽງຈັນ, ບໍລິຄຳໄຊ,
ຄຳມ່ວນ
ແລະ ສະຫວັນນະເຂດ. ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 35-37 ອົງສາ ແລະ ພາກໃຕ້: ຈະມີຝົນຕົກຟ້າຄະນອງ, ມີລົມພັດແຮງຢູ່ຫລາຍທ້ອງຖິ່ນ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 35-37 ອົງສາ.
ດັ່ງນັ້ນ ຈຶ່ງເຕືອນມາຍັງປະຊາຊົນທີ່ຢູ່ໃນເຂດດັ່ງກ່າວ ຈົ່ງມີສະຕິລະມັດລະວັງຕໍ່ສະພາບອາ ກາດຮ້ອນເອົ້າທີ່ຈະສົ່ງຜົນກະທົບຕໍ່ສຸຂະພາບຂອງຄົນ, ສັດລ້ຽງ ແລະ ໃຫ້ກວດກາເບິ່ງອຸປະກອນໄຟຟ້າພາຍໃນເຮືອນຂອງຕົນ ເພື່ອຫລີກລ້ຽງບໍ່ໃຫ້ເກີດອັກຄີໄພ,
ພ້ອມມີສະຕິຕໍ່ສະພາບລົມແຮງໃນໄລຍະນີ້.
No comments:
Post a Comment