ພິທີຈັບສະຫລາກມອບໂຊກໃຫ້ລູກຄ້າຂອງທະນາຄານຮ່ວມພັດທະນາ ໄດ້ຈັດຂຶ້ນໃນຕອນຄ່ຳວັນທີ 11 ພຶດສະພານີ້, ທີ່ສຳນັກງານໃຫຍ່ຂອງທະນາຄານດັ່ງກ່າວ ໃນນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ເອກກະພັນ ພະພິທັກ ປະທານສະພາຜູ້ບໍລິຫານ ທະນາຄານຮ່ວມພັດທະນາ, ພ້ອມດ້ວຍພະນັກງານ ແລະ ລູກຄ້າເຂົ້າຮ່ວມເປັນຈຳນວນຫລາຍ.
ໃນພິທີດັ່ງກ່າວ ຜູ້ໂຊກດີທີ່ໄດ້ຮັບລາງວັນທີ
1 ລົດໃຫຍ່ ເຊບໂລເລັດ ຄູສ
(Chevrolet Cruze) 1 ຄັນ ແມ່ນຜູ້ຖືບັນຊີ: Sam TIO Thierry ຫລື
Sam TIO, ລາງວັນທີ 2 ລົດຈັກ ສະກຸບປີ ໄອ
(Scopy I) 1 ຄັນ ແມ່ນທ່ານ ເຢີທາວ (Mr. Yerthao ຫລື
Mrs.
Khuxong), ລາງວັນທີ 3 ບັນຊີເງິນຝາກມູນຄ່າ 10 ລ້ານກີບ ແມ່ນທ່ານ ບົວລົມ ນຶກສົມພອນ, ລາງວັນທີ 4 ຄຳຮູບປະພັນ 1 ບາດ ແມ່ນທ່ານ ສຸວັນທອງ ຈັນທະບຸນໄຊ ແລະ ລາງວັນທີ 5 ບັນຊີເງິນຝາກມູນຄ່າ 3 ລ້ານກີບ ແມ່ນຜູ້ຖືບັນຊີ: ຮ່ວມໃຈສາມັກຄີ, ລວມມູນຄ່າ ທັງໝົດ 300 ລ້ານກີບ. ຊຶ່ງງານດັ່ງກ່າວໄດ້ຈັດຂຶ້ນທຸກໆປີ ເພື່ອເປັນການຄືນກຳໄລໃຫ້ລູກຄ້າ, ທີ່ເປີດບັນຊີນຳທະນາຄານຮ່ວມພັດທະນາ ແລະ ທັງເປັນການຍົກສູງວຽກງານການບໍລິການໃຫ້ເປັນທີ່ປະທັບໃຈທັນຍຸກທັນສະໄໝ
ໄດ້ມາດຕະຖານສາກົນ, ພ້ອມທັງສ້າງຄວາມເຊື່ອໝັ້ນໃຫ້ລູກຄ້າຜູ້ມາໃຊ້ບໍລິການດີຂຶ້ນ.
No comments:
Post a Comment