ພິທີເຊັນບົດບັນທຶກ ( MOU ) ສຶກສາຄວາມເປັນໄປໄດ້ໂຄງການຊົນລະປະທານນ້ຳຊັນ ເມືອງບໍລິຄັນ (ແຂວງບໍລິຄຳໄຊ)
ໄດ້ຈັດຂື້ນໃນວັນທີ 6 ພຶດສະພານີ້, ທີ່ກົມຊົນລະປະທານ,ກະຊວງກະສິກຳ ແລະ ປ່າໄມ້,ລະຫວ່າງທ່ານ ໄມກອງ ພອນພົມມະນີ ຫົວໜ້າກົມຊົນລະ ປະທານ ແລະ
ທ່ານ ຊາງຢູສິນ ຕາງໜ້າໂຮງງານຈັກກະພົງປຸງແຕ່ງໄມ້ສຳເລັດຮູບ ແລະບໍລິສັດ CHINA NATIONAL TECHNICAL IMPORT AND EXPORT
CORPORATION ໂດຍການເຂົ້າຮ່ວມຂອງທ່ານ ບຸນເສັງ ປະຖຳມະວົງ ຮອງເຈົ້າແຂວງບໍລິຄຳໄຊ ແລະ
ທ່ານ ທອງພັດ
ວົງມະນີ ຮອງລັດຖະ ມົນຕີກະຊວງກະສິກຳ ແລະ ປ່າໄມ້.
ທ່ານ ຫົວໜ້າກົມຊົນລະປະທານໃຫ້ຮູ້ວ່າ: ໂຄງການຊົນລະປະທານດັ່ງກ່າວ ເປັນໂຄງການຂະໜາດໃຫຍ່ກວ່າໂຄງການອື່ນໆ ທີ່ກົມຊົນລະປະທານເຄີຍຈັດຕັ້ງປະຕິບັນມາສະນັ້ນ, ຈຶ່ງຂໍແນະນຳໃຫ້ບໍລິສັດຜູ້ຈັດຕັ້ງປະຕິບັດຕົວຈິງຕ້ອງມີຄວາມຮັບຜິດຊອບສູງຕາມຂັ້ນຕອນເຕັກນິກວິຊາ ການ
(TOR) ທີ່ໂຄງການກຳນົດໄວ້ຢ່າງເຂັ້ມງວດ, ດັ່ງນັ້ນ ຕ້ອງເກັບກຳຂໍ້ມູນ ແລະ ສຶກສາໃຫ້ລະອຽດຊັດເຈນ ເພື່ອໃຫ້ມີຜົນສຳເລັດສູງ.
ທ່ານ ຫົວໜ້າກົມຊົນລະປະທານ ໃຫ້ຮູ້ອີກວ່າ:
ທົງພຽງບໍລິຄຳໄຊແມ່ນໜຶ່ງໜຶ່ງໃນ 7 ທົ່ງພຽງໃຫຍ່ ແລະ ກໍແມ່ນໂຄງການຈຸດສຸມບຸລິມະສິດທີ່ລັດຖະບານໄດ້ກຳນົດເອົາເຂດດັ່ງກ່າວເປັນພື້ນທີ່ຜະລິດເຂົ້າເພື່ອຄ້ຳປະກັນສະບຽງອາຫານແຫ່ງຊາດ ແລະ ໂຄງການຜະລິດກະສິກຳເປັນສິນຄ້າແຕ່ນີ້ຮອດປີ 2025 ,ໃນໄລຍະຜ່ານມາລັດຖະບານໄດ້ລົງທືນເຂົ້າໃນການພັດທະນາຊົນລະປະທານຫຼາຍສົມຄວນ, ສຳລັບໂຄງການນຳໃຊ້ລະບົບຈັກສູບນ້ຳຂະໜາດຕ່າງໆຈາກນ້ຳຊັນ ແລະ ນ້ຳຂອງ
ສະ ເພາະຢູ່ແຂວງບໍລິຄຳໄຊ ທີ່ມີຈຳນວນຫຼາຍກວ່າ 50 ສະຖານີ, ທີ່ສາມາດສະໜອງນ້ຳເພື່ອຕ້ານແລ້ງໄດ້ຫຼາຍກວ່າ 5 ພັນເຮັກຕາ ແລະ ສະໜອງນ້ຳໃນການຜະລິດລະດູແລ້ງໄດ້ຫຼາຍກວ່າ 6 ພັນເຮັກຕາ ແລະ ສາມາດສ້າງວຽກເຮັດງານທຳໃຫ້ປະຊາຊົນເຂດດັ່ງກ່າວຫຼາຍສົມຄວນ ແລະ ສາມາດສະໜອງນ້ຳເຂົ້າໃນການຜະລິດ ກວມເອົາ
20 % ຂອງເນື່ອທີ່ທັງໝົດ ອັນໄດ້ຊ່ວຍໃຫ້ແຂວງບໍລິຄຳໄຊ ສາ ມາດຜະລິດກະສິກຳໄດ້ດີຂຶ້ນ, ໂດຍສະເພາະ ຢູ່ເຂດທົ່ງພຽງບໍລິຄັນ ແລະ ເມືອງປາກກະດິງ ແລະ ຄາດວ່າ
ຖ້າຫາກໂຄງການດັ່ງກ່າວສ້າງສຳເລັດຈະສາມາດສະໜອງນ້ຳໃຫ້ເນື້ອທີ່ການຜະລິດໄດ້ຕື່ມອີກ 35 ພັນເຮັກຕາ.
No comments:
Post a Comment