ວັນທີ 17
ມີຖຸນາຜ່ານມານີ້,
ທ່ານ ຄຳໄພ ສົມຊະນະ ປະທານສະມາຄົມເຟີນີເຈີລາວ, ປະທານກຸ່ມບໍລິສັດ ຄຳໄພ ຊະນະ ກໍ່ສ້າງ
ໄດ້ຕັດສິນໃຈໃຊ້ທຶນສ່ວນຕົວຫລາຍຕື້ກີບ ເພື່ອປູກໄມ້ 4 ລ້ານຕົ້ນ ໃນເນື້ອທີ່ 10 ເຮັກຕາ
ໃສ່ສະຖານທີ່ທ່ອງທ່ຽວທຳມະຊາດ ນ້ຳຕົກຕາດຊອນ ແດນຫົງພູສູງ ສວນພຶກສາສາດ ອຸທິ ຍານຊຸມຊົນ
ສະມາຄົມອາຊຽນ,
ເຂດບ້ານນາຍາງ, ເມືອງນາຊາຍທອງ ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານນາຍົກລັກຖະມົນຕີ ທອງລຸນ ສີສຸລິດ, ມີປະທານສະມາຄົມເຟີນີເຈີອາ ຊຽນ, ພ້ອມດ້ວຍຜູ້ຕາງໜ້າຈາກບັນດາສະມາຊິກອາຊຽນ, ມີການນຳພັກ-ລັດຈາກບັນດາກະຊວງ, ທະ ຫານ, ຕຳຫລວດ, ທູຕານຸທູດປະຈຳລາວ, ພະນັກງານ,
ນັກຮຽນ-ນັກສຶກສາ ແລະ
ພໍ່ແມ່ປະຊາຊົນເຂົ້າຮ່ວມເປັນຈຳນວນຫລວງຫລາຍ.
ທ່ານ ຄຳໄພ ສົມຊະນະ ກ່າວວ່າ: ເພື່ອເປັນການປະກອບສ່ວນຈັດຕັ້ງປະຕິບັດຕາມ
ວິໃສທັດຮອດປີ 2030 ທີ່ວ່າການພັດທະນາເສດຖະກິດຕາມທິດສີຂຽວ ແລະ
ຍືນຍົງທີ່ໄດ້ກຳນົດໄວ້ໃນມະຕິກອງປະຊຸມໃຫຍ່ຄັ້ງທີ 10 ຂອງພັກ, ພ້ອມທັງປະກອບສ່ວນຈັດຕັ້ງປະຕິບັດແຜນຍຸດທະສາດປ່າໄມ້ ຮອດປີ
2020 ທີ່ກຳນົດໄວ້ຄື: ຍົກລະດັບຄວາມປົກຫຸ້ມປ່າໄມ້ໃຫ້ໄດ້ 70% ໃນປີ 2020, ໂດຍການຟື້ນຟູປ່າທຳມະຊາດໃຫ້ໄດ້ 6 ລ້ານເຮັກຕາ ແລະ
ປູກໄມ້ໃຫ້ໄດ້ 5 ແສນເຮັກຕາ,
ແຜນການປູກໄມ້ ແລະ ຟື້ນຟູປ່າທົ່ວປະເທດປະ ຈຳປີ 2016
ທີ່ກະຊວງກະສິກຳ ແລະ ປ່າໄມ້ ໄດ້ວາງຄາດໝາຍສູ້ຊົນຄື: ປູກໄມ້ໃຫ້ໄດ້ 24 ພັນເຮັກຕາ, ຟື້ນຟູປ່າໄມ້ໃຫ້ໄດ້ 276 ພັນເຮັກຕາ ແລະ ປະຕິບັດຕາມຄຳຂວັນ ສ
ສີຂຽວ ແລະ ແຜນການປູກໄມ້ ແລະ ຟື້ນຟູປ່າ ປີ 2016 ທີ່ນະຄອນຫລວງວຽງຈັນວາງອອກຄື:
ປູກໄມ້ໃຫ້ໄດ້ 300 ເຮັກຕາ ແລະ ຟື້ນຟູປ່າໃຫ້ໄດ້ 800 ເຮັກຕາ ໃຫ້ທ່ວງທັນກັບລະດູການ, ສຳເລັດຕາມຄາດໝາຍ ແລະ ໄດ້ຮັບຜົນເປັນຢ່າງດີ. ສະນັ້ນ
ກຸ່ມບໍລິສັດ ຄຳໄພ ຊະນະ ກໍ່ສ້າງ ກໍຄືສະມາຄົມເຟີນີເຈີລາວ ໄດ້ນຳເອົາຕົ້ນໄມ້ ຈຳນວນ 4
ລ້ານຕົ້ນ,
ໃນນັ້ນ ມີໄມ້ຂະຍູງ 2 ລ້ານຕົ້ນ, ໄມ້ດູ່ 1,5 ລ້ານຕົ້ນ, ໄມ້ດູ່ລາຍ 1 ແສນຕົ້ນ,
ໄມ້ຄຳພີ 1ແສນຕົ້ນ, ໄມ້ຍາງ 1 ແສນຕົ້ນ,
ໄມ້ແດງ 50 ພັນຕົ້ນ, ໄມ້ແຄນເຮືອ 1 ແສນຕົ້ນ ແລະ ໄມ້ປະດັບ-ໄມ້ໃຫ້ໝາກ 50 ພັນຕົ້ນ
ມາປູກໃສ່ບໍລິເວນສະຖານທີ່ທ່ອງທ່ຽວທຳມະຊາດ ນ້ຳຕົກຕາດຊອນ ແດນຫົງພູສູງ ສວນພຶກສາສາດ
ອຸທິ ຍານຊຸມຊົນ ສະມາຄົມອາຊຽນ ລວມມີເນື້ອທີ່ 10 ເຮັກຕາ, ໃນນັ້ນ ປູກຕາມເຕັກນິກໄລຍະຫ່າງ 3x3 ແມັດ, ມີ 3 ເຮັກຕາ
ແລະ ປູກແບບຊຳໄລຍະ 1x1 ແມັດ ຈຳນວນ 7 ເຮັກຕາ
ເພື່ອລ້ຽງຕົ້ນໄມ້ໃຫ້ໃຫຍ່ແລ້ວຢອນໄປປູກເສີມກ້ອງປ່າ
ເພື່ອອະນຸລັກປ່າໄມ້ໃຫ້ມີຄວາມອຸດົມສົມບູນ.
ການຈັດກິດຈະກຳປູກໄມ້ຄັ້ງນີ້ ຖືວ່າເປັນຄັ້ງທຳອິດຂອງສະມາຄົມເຟີນີເຈີລາວ, ນອກຈາກຈະເປັນການຟື້ນຟູຄວາມອຸດົມສົມບູນຂອງທຳມະຊາດແລ້ວ
ຍັງເປັນການປົກປັກຮັກສາສະພາບແວດລ້ອມ ແລະ ສ້າງໃຫ້ເປັນສະຖານທີ່ທ່ອງທ່ຽວ, ພັກຜ່ອນຢ່ອນໃຈຂອງຄົນລາວ ແລະ ຕ່າງປະເທດໃຫ້ມາທ່ຽວຊົມທຳມະຊາດ, ພ້ອມທັງສ້າງໃຫ້ສະຖານທີ່ທ່ອງທ່ຽວນັ້ນ ກາຍເປັນປອດອັນສົດຊື່ນຂອງຊາວນະຄອນ
ຫລວງວຽງຈັນກໍຄືຂອງອາຊຽນນຳອີກ.
No comments:
Post a Comment