ຈາກການລົງຕິດຕາມສະພາບລາຄາສິນຄ້າຢູ່ຕະຫຼາດຫຼາຍແຫ່ງໃນນະຄອນຫຼວງວຽງຈັນ ເຊັ່ນ:
ຕະຫຼາດສະພານທອງ,
ໂພນສະຫວ່າງ, ຂົວດິນ ແລະ ແຫ່ງອື່ນໆຂອງນັກຂອງພວກ ເຮົາໃນວັນທີ 8 ມິຖຸນານີ້, ເຫັນວ່າລາຄາສິນຄ້າປະເພດພືດຜັກຍັງມີທ່າອ່ຽງຖີບຕົວສູງຂຶ້ນເຊັ່ນ: ໝາກເຜັດລາຄາ 45 – 50 ພັນກີບ/ກິໂລ, ໜອມບົ່ວ 30
– 35 ພັນກີບ/ກິໂລ, ຫອມປ້ອມ 35
– 40 ພັນກີບ/ກິໂລ ແລະ ພືດຜັກອື່ນໆເປັນຕົ້ນ: ຜັກສະຫຼັດ, ໝາກນາວ, ໝາກເລັ່ນ, ຫອມລາບ, ໝາກຖົ່ວ, ຜັກບົ້ງ , ຂີງ, ຂ່າກໍເຫັນວ່າມີລາຄາແພງຂື້ນເຊັ່ນດຽວກັນ ,ໂດຍຊາວຄ້າຫຼາຍສ່ວນຫຼາຍໃຫ້ເຫດຜົນວ່າ:
ພໍຮອດໄລຍະກ້າວສູ່ລະດູຝົນຂອງທຸກໆປີພືດຜັກປະເພດຕ່າງໆຈະມີລາຄາສູງຂຶ້ນ, ຍ້ອນຊາວສວນຈຳນວນຫຼາຍໄດ້ຫັນເອົາເນື້ອທີ່ຜັກໄປປູກພືດຊະນິດອື່ນແທນ, ເຖິງຢ່າງໃດກໍຕາມຄາດວ່າລາຄາພືດຜັກຍັງຈະສືບຕໍ່ແພງຂຶ້ນຕື່ມອີກເລັກນ້ອຍຖ້າຫາກວ່າການຕອບສະໜອງບໍ່ພຽງພໍ
ກັບຄວາມຕ້ອງການຂອງຜູ້ບໍລິໂພກ. ແຕ່ກົງກັນຂ້າມລາຄາສິນຄ້າປະເພດຊີ້ນ
ພັດຢູ່ໃນເກນປົກກະຕິ ຄື: ຊີ້ນງົວ 70 – 75
ພັນກີບ/ກິໂລ,
ຊີ້ນໝູ 30 – 40
ພັນກີບ/ກິໂລ,
ເປັດ,ໄກ່ 35 – 45 ພັນກີບ/ກິໂລ,ຂະນະດຽວກັນລາຄາປະເພດປາ ແລະ ສັດນ້ຳພັດມີທ່າອ່ຽງຫຼຸດລົງເຊັ່ນ: ປານິນກະຊັງ - ປາດຸກພັນ 15-18 ພັນກີບ/ກິໂລ, ປາດຸກນາ ,
ອ່ຽງ , ກົບທຳມະຊາດ 60 – 70 ພັນກີບ/ກິໂລ ແລະ ປາທຳມະຊາດອື່ນໆກໍເຫັນວ່າມີລາຄາຫຼຸດລົງ, ຍ້ອນປັດຈຸບັນເປັນລະດູທີ່ຫາປາໄດ້ງ່າຍ.
No comments:
Post a Comment