ການສຳຫລວດດັດສະນີໝາຍສັງຄົມລາວ
ຄັ້ງທີ II ປີ 2016-2017
ແມ່ນການສຳຫລວດຕົວແທນລະ ດັບຊາດ ທີ່ມີຂະໜາດຕົວແທນທັງໝົດ 24.300 ຄົວເຮືອນ ແລະ ມີ 1.170 ບ້ານ
ກວມເອົາໝົດທຸກແຂວງໃນຂອບເຂດທົ່ວປະເທດ. ກ່ອນການສຳຫລວດ ຈະໄດ້ຂຶ້ນບັນຊີຄົວເຮືອນ ແລະ
ແຕ້ມແຜນທີ່ເຂດສຳຫລວດ ຄາດວ່າຈະຈັດຕັ້ງປະຕິບັດໃນເດືອນສິງຫານີ້, ເຊິ່ງຜົນໄດ້ຮັບຂອງການສຳຫລວດຈະເປັນຂໍ້ມູນພື້ນຖານທີ່ສຳຄັນ
ໃຫ້ແກ່ການສ້າງແຜນນະໂຍບາຍຕ່າງໆຂອງລັດຖະບານ ເພື່ອແນ່ໃສ່ປັບປຸງພື້ນຖານຊີວິດການເປັນຢູ່
ຂອງປະຊາຊົນລາວໃຫ້ດີຂຶ້ນ, ກ້າວໄປສູການຫລຸດພົ້ນຈາກຄວາມທຸກຍາກ,
ໄພອຶດຫິວ, ມີຄວາມຢູ່ດີກິນດີ ແລະ
ມີສຸຂະພາບແຂງແຮງ ຕາມທິດການພັດທະນາແບບຍືນຍົງ.
ທ່ານ ສະໄໝຈັນ ບຸບຜາ
ຫົວໜ້າສູນສະຖິຕິແຫ່ງຊາດ ໄດ້ກ່າວໃນກອງປະຊຸມບັ້ນການສຳຫລວດ
ດັດສະນີໝາຍສັງຄົມລາວ ຄັ້ງທີ
II ວ່າ: ການສຳຫລວດດັດສະນີໝາຍສັງຄົມລາວ
ແມ່ນການສຳຫລວດໜຶ່ງທີ່ຈຳເປັນ ແລະ ມີຄວາມສຳຄັນທີ່ສຸດ
ໃນການສະໜອງຂໍ້ມູນສະຖິຕິດ້ານສັງຄົມ ເຊິ່ງໄດ້ລະບຸໄວ້ໃນກົດໝາຍວ່າດ້ວຍສະຖິຕິ ແລະ
ຍຸດທະສາດການພັດທະນາ ລະບົບສະຖິຕິແຫ່ງຊາດ 2010-2020. ໂດຍປະຕິບັດຕາມກົດໝາຍ
ແລະ ຍຸດທະສາດດັ່ງກ່າວ ການສຳຫລວດດັດສະນີໝາຍສັງຄົມລາວ
ຄັ້ງທຳອິດໄດ້ຈັດຕັ້ງປະຕິບັດໃນປີ 2011-2012
ສາມາດສະໜອງຂໍ້ມູນທາງດ້ານເສດຖະ ກິດ-ສັງຄົມທີ່ຫລາກຫລາຍ
ເຊິ່ງເປັນພື້ນຖານທີ່ສຳຄັນໃຫ້ແກ່ການຕິດຕາມ ແລະ ປະເມີນການ ຈັດຕັ້ງປະຕິບັດບັນດາໂຄງການ
ແລະ ແຜນງານຕ່າງໆຂອງລັດຖະບານ, ໂດຍສະເພາະແມ່ນການສະໜອງຂໍ້ມູນສຳລັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ
VII ແລະ ການຕິດຕາມຄວາມຄືບໜ້າ
ໃນການຈັດຕັ້ງປະຕິບັດເປົ້າໝາຍສະຫັດສະວັດແຫ່ງການພັດທະນາ, ພ້ອມທັງສາມາດສະໜອງຂໍ້ມູນກ່ຽວກັບ
ສະພາບເສດຖະກິດ-ສັງ ຄົມຂອງເດັກນ້ອຍ, ແມ່ຍິງ, ຜູ້ຊາຍ ແລະ ຄົວເຮືອນ ເຊິ່ງກວມເອົາຫລາຍຕົວຊີ້ບອກ ໂດຍສະເພາະ ດ້ານສຸຂະພາບ,
ໂພຊະນາການ, ການສຶກສາ, ນ້ຳ ແລະ ສຸຂະພິບານ, ການແຕ່ງງານ, ການມີເພດສຳພັນ, ການຈະເລີນພັນ-ການຕາຍ, ການຄຸມກຳເນີດ, (ພຕພ)ເອດສ, ການປົກປ້ອງເດັກ ແລະ
ການນຳໃຊ້ຂໍ້ມູນຂ່າວສານ-ເທັກໂນໂລຊີຕ່າງໆ. ເຊິ່ງການສຳຫລວດດັ່ງກ່າວ
ແມ່ນສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ
ຮ່ວມກັບກະຊວງສາທາລະນະສຸກ ແລະ ບັນດາຄູ່ຮ່ວມພັດທະນາຕາງໜ້າໂດຍ
ອົງການສະຫະປະຊາຊາດກອງທຶນສຳລັບເດັກ (UNICEF) ແລະ
ອົງການສະຫະປະຊາຊາດກອງທຶນສຳລັບປະຊາກອນ(UNFPA)ມີຄວາມມຸ້ງຫວັງ
ທີ່ຈະສືບຕໍ່ດຳເນີນການສຳຫລວດດັດສະນີໝາຍສັງຄົມລາວ ຄັ້ງທີ II ໃຫ້ສຳເລັດໃນປີ 2016-2018.
No comments:
Post a Comment