ລາວ-ໄທຮ່ວມລົງນາມສົ່ງເສີມການພັດທະນາສີມືແຮງງານ
ໃນໂອກາດເຂົ້າຮ່ວມຕິດຕາມທ່ານນາຍົກລັດຖະມົນຕີ
ທອງລຸນ ສີສຸລິດ ຢ້ຽມຢາມຣາຊະອານາຈັກໄທ
ໃນລະຫວ່າງວັນທີ 5-6 ກໍລະກົດນີ້,
ທ່ານລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມ ຄຳແພງ
ໄຊສົມແພງ,
ໄດ້ລົງນາມໃນບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານແຮງງານ ຮ່ວມກັບທ່ານ ພົນເອກ ສີວິໄຊ
ລັດຖະມົນຕີກະຊວງແຮງງານ ປະເທດໄທ,
ເພື່ອຮ່ວມມືທາງດ້ານວິຊາການ, ສົ່ງເສີມການພັດທະນາສີມືແຮງງານ, ການຈ້າງແຮງງານ,
ການຄຸ້ມຄອງແຮງງານ ແລະ ການປະກັນສັງຄົມ, ຊຶ່ງນັບຈາກນີ້ ທັງສອງຝ່າຍຈະສືບຕໍ່ເຈລະຈາການເຮັດບົດບັນທຶກຂໍ້ຕົກລົງວ່າດ້ວຍການຈ້າງງານໃຫ້ສຳເລັດພາຍໃນປີ 2016ນີ້, ເພື່ອຜົນປະໂຫຍດຮ່ວມກັນເປັນຕົ້ນ ການຈ້າງງານແບບຖືກກົດໝາຍ, ໂດຍສະເພາະ ສປປ ລາວ ແມ່ນເຮັດໃຫ້ຄ່າໃຊ້ຈ່າຍໃນການເດີນທາງໄປເຮັດວຽກຂອງແຮງງານຖືກລົງ, ພ້ອມທັງເຮັດໃຫ້ການເບິ່ງແຍງ, ກວດກາຈຳນວນແຮງງານ
ສະດວກສະບາຍຍິ່ງຂຶ້ນ, ຫລີກລ້ຽງການເອົາລັດເອົາປຽບ ແລະ ການແກ້ໄຂບັນຫາຈາກການຄ້າມະນຸດອີກດ້ວຍ, ສ່ວນການເຂົ້າສູ່ລະບົບປະກັນສັງຄົມນັ້ນ ທັງສອງຝ່າຍ ຈະຮ່ວມກັນປຶກສາຫາລືຕື່ມອີກໃນມໍ່ໆນີ້.
No comments:
Post a Comment