ກອງປະຊຸມລັດຖະມົນຕີແຮງງານ
ແລະ ຈັດຫາງານຂອງບັນດາປະເທດ ຈີຊາວ (G20) ໄດ້ຈັດຂື້ນລະຫວ່າງວັນທີ 12-13 ກໍລະກົດນີ້, ທີ່ນະຄອນຫຼວງປັກກິງ, ສປ ຈີນ, ໂດຍການເຂົ້າຮ່ວມຂອງທ່ານ ມາໄຄ (MA Kai) ຮອງນາຍົກລັດຖະມົນຕີ
ແຫ່ງ ສປ ຈີນ ເພື່ອປຶກສາຫາລືກ່ຽວກັບບັນຫາແຮງງານຜເ
ໂດຍສະເພາະແມ່ນການໃຫ້ໂອກາດແກ່ການຈ້າງງານ, ສົ່ງເສີມການຈັດຫາວຽກ
ເຮັດງານທໍາ ແລະ ວຽກທີ່ມີຄຸນຄ່າເປັນທໍາອື່ນໆອີກ.
ໃນກອງປະຊຸມທ່ານ ຄຳແພງ ໄຊສົມແພງ
ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ໄດ້ປະກອບຄໍາເຫັນຕໍ່ກອງຊຸມ,
ເພື່ອແຈ້ງຜົນສຳເລັດຂອງ ກອງປະຊຸມລັດຖະມົນຕີແຮງງານອາຊຽນຄັ້ງທີ 24,
ທີ່ສປປ ລາວເປັນເຈົ້າພາບວ່າ: ກອງປະຊຸມດັ່ງກ່າວ
ໄດ້ຮັບຮອງເອົາແຜນງານລັດຖະມົນຕີແຮງງານອາຊຽນແຕ່ 2016-2020, ທີ່ກວມເອົາ
ວຽກການສົ່ງເສີມວຽກເຮັດງານທຳ, ການຄຸ້ມຄອງແຮງງານ, ການພັດທະນາສີມືແຮງງານ, ການຄຸ້ມຄອງ-ບໍລິຫານຕະຫຼາດແຮງງານ,
ການສົ່ງເສີມວຽກທີ່ມີຄຸນຄ່າ ແລະ ເປັນທຳ, ຮັບຮອງເອົາຮ່າງຖະແຫຼງການວຽງຈັນ
ວ່າດ້ວຍການຫັນປ່ຽນຈາກການຈ້າງງານນອກລະ ບົບໄປສູ່ການຈ້າງແຮງງານໃນລະບົບ, ເພື່ອກ້າວສູ່ການສົ່ງເສີມວຽກທີ່ມີຄຸນຄ່າ ແລະ ເປັນ ທຳໃນອາຊຽນ, ເຂົ້າສູ່ຕ່ອງໂສ້ຂອງການຜະລິດ ແລະ ບໍລິການ, ໂດຍສະເພາະແມ່ນທຸລະກິດຈຸນລະພາກ,
ທຸລະກິດຂະໝາດນ້ອຍ ແລະ ກາງ.
ທ່ານລັດຖະມົນຕີ
ຍັງໄດ້ຖືໂອກາດນີ້ແລກປ່ຽນນະໂຍບາຍຂອງລາວ ແລະ ຈີນ
ກ່ຽວກັບການຈັດຫາງານການສ້າງວຽກເຮັດງານທຳ,
ໂດຍເນັ້ນໃສ່ການຕອບສະໜອງຕໍ່ການລຶບລ້າງຄວາມທຸກຍາກຂອງປະຊາຊົນ ແລະ
ກໍາລັງແຮງງານ ດ້ວຍການພັດທະນາສີມືແຮງງານ, ການປົກປ້ອງສັງຄົມ,
ສາຍພົວພັນແຮງງານ, ການພັດທະນາເສດຖະກິດຢູ່ທ້ອງຖິ່ນ,
ການ ປຶກສາຫາລືສາມຝ່າຍ ແລະ ການຄຸ້ມຄອງ-ບໍລິຫານຕະຫຼາດແຮງງານ ແລະ
ການປັບປຸງ ນິຕິກຳ ໂດຍສະເພາະ ແມ່ນການປັບປຸງກົດໝາຍແຮງງານ ໃນປີ 2013. ໃນຕອນທ້າຍ,
ກອງປະຊຸມຍັງໄດ້ຮັບຮອງເອົາຖະແຫຼງການຂອງລັດຖະ ມົນຕີຂອງປະເທດ G20 ວ່າດ້ວຍວິວັດທະນາການ ແລະ ການເຕີບໂຕແບບມີສວ່ນຮ່ວມ, ວຽກທີ່ມີຄຸນຄ່າ-ເປັນທຳ, ສົ່ງເສີມການມີວຽກເຮັດງານທຳ
ແລະ ການສະໜອງໂອກາດດ້ານອາຊີບຢ່າງພຽງພໍ.
ທ່ານລັດຖະມົນຕີແຮງງານລາວ
ຍັງໄດ້ຖືໂອກາດສໍາຄັນນີ້ ພົບປະສອງຝ່າຍ ກັບ ຮອງລັດຖະ ມົນຕີ
ກະຊວງພັດທະນາຊັບພະຍາກອນມະນຸດ ແລະ ປະກັນສັງຄົມ ແຫ່ງສປ ຈີນ, ເພື່ອເພີ່ມທະວີການຮ່ວມມືທາງດ້ານວຽກງານແຮງງານ
ແລະ ພົບປະກັບລັດຖະມົນຕີ ກະຊວງແຮງງານ ແລະ ຈັດຫາງານເກົາຫຼີ, ເພື່ອການກະກຽມບົດບັນທຶກ ຄວາມເຂົ້າໃຈ ວ່າດ້ວຍການຮ່ວມມືດ້ານແຮງງານລະ
ຫວ່າງ ສປປ ລາວ ແລະ ສ.ເກົາຫຼີ, ໂດຍທັງສອງຝ່າຍໄດ້ເຫັນດີເອກະພາບກັນໃຫ້ມີການລົງນາມຮ່ວມກັນໃນເດືອນກັນຍາ
2016 ທີ່ ສປປ ລາວ.
No comments:
Post a Comment