ແຫລງຂ່າວສໍານັກຂ່າວສານປະເທດລາວ ໃຫ້ຮູ້ວ່າ:
ໃນວັນທີ 29 ພະຈິກ ນີ້,
ຊຶ່ງເປັນມື້ທີສອງຂອງການຢ້ຽມຢາມ ສປຈີນ
ຂອງທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມຄະນະໄດ້ໄປຢ້ຽມຢາມແຂວງຫູໜານ
ບ້ານເກີດຂອງປະທານ ເໝົາເຈີຕົງ ໂດຍໄດ້ຮັບການຕ້ອນຮັບຢ່າງອົບອຸ່ນຂອງທ່ານ Du Jiahao ເລຂາພັກແຂວງຫູໜານພ້ອມຄະນະ ແລະ
ໄດ້ລາຍງານສະພາບການພັດທະນາເສດຖະກິດ-ສັງຄົມຂອງແຂວງຫູໜານໂດຍຫຍໍ້ວ່າ:
ແຂວງຫູໜານເຊິ່ງເປັນບ້ານເກີດເມືອງນອນຂອງປະທານເໝົາເຈີຕົງ.
ເປັນແຂວງໜຶ່ງຕັ້ງຢູ່ພາກກາງຂອງຈີນ ແລະ ມີພົນລະເມືອງຫລາຍກວ່າ 72 ລ້ານຄົນ.
ແຂວງຫູ
ໜານພາຍຫລັງເປີດປະຕູສູ່ໂລກພາຍນອກແລ້ວເຮັດໃຫ້ການພັດທະນາເສດຖະກິດ-ສັງຄົມມີການຂະຫຍາຍຕົວສູງສົມຄວນ, ໂດຍສະເພາະທາງດ້ານກະສິກຳ ແລະ ອຸດສາຫະກຳ ໄດ້ມີການຂະຫຍາຍ
ຕົວຢ່າງວ່ອງໄວ ຕົ້ນຕໍກໍແມ່ນການຜະລິດເຄື່ອງກົນຈັກທີ່ຫລາຍກວ່າໝູ່ຢູ່ ສປຈີນ, ຜະລິດອຸປະກອນໄຟຟ້າ ແລະ ເຄື່ອງໄອທີຕ່າງໆເປັນຈຳນວນຫລວງ ຫລາຍ
ແລະ ສົ່ງອອກຈຳໜ່າຍທົ່ວໂລກ. ໃນປີຜ່ານມາໂຮງງານຜະລິດລົດຂອງແຂວງກໍສາມາດຜະລິດລົດໄດ້ 1
ລ້ານຄັນ ແລະ ໃນອະນາຄົດຈະເພີ່ມການຜະລິດໃຫ້ໄດ້ 2-3 ລ້ານຄັນ, ສ່ວນພື້ນຖານການຜະລິດກະສິກຳໂດຍສະເພາະເຂົ້ານາປະສົມສາມາດຜະລິດເຂົ້າໄດ້
15 ໂຕນຕໍ່ເຮັກຕາ.
ນອກນີ້ກໍໄດ້ພັດທະນາໂຮງງານອຸດສາຫະກຳໜັກໃນເຂດເມືອງໃໝ່ຊ່າງຈ່ຽງຕື່ມອີກ.
ໃນໂອກາດດັ່ງກ່າວ, ທ່ານນາຍົກລັດຖະມົນຕີ ທອງລຸນ ສີສຸລິດ
ໄດ້ສະແດງຄວາມຊົມເຊີຍຕໍ່ຜົນສໍາເລັດອັນໃຫຍ່ຫລວງດັ່ງກ່າວ, ອັນໄດ້ຊ່ວຍໃຫ້ແຂວງຫູໜານມີການພັດທະນາຢ່າງວ່ອງໄວ, ມີຄວາມທັນສະໄໝ ແລະ ສັງຄົມມີຄວາມສີວິໄລ. ສ່ວນການພົວພັນ, ການຮ່ວມມືສອງຝ່າຍລາວ-ຈີນ. ຜູ້ນໍາ ສອງປະເທດ ໄດ້ເປັນເອກະພາບກັນວ່າ:
ນັບແຕ່ສອງປະເທດໄດ້ສ້າງສາຍພົວພັນແບບຄູ່ຮ່ວມຍຸດສາດກໍມີຄວາມເຊື່ອໜັ້ນເຊິ່ງກັນ ແລະ
ກັນ , ການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນແຕ່ລະຂົງເຂດໄດ້ຮັບໝາກຜົນເປັນໜ້າເພິ່ງພໍໃຈຕາມທິດນຳທີ່ວ່າ:
ໜັ້ນຄົງຍາວນານ,
ເພື່ອນບ້ານທີ່ເປັນມິດ,ໄວ້ເນື້ອເຊື່ອໃຈກັນ,
ຮ່ວມມືຮອບດ້ານ ແລະ ບົນຈິດໃຈ 4 ດີຄື: ບ້ານໃກ້ຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ.
ສປປ ລາວ ແລະ
ແຂວງຫູໜານມີອັນຄ້າຍຄືກັນທາງດ້ານພູມຊາດ
ເພາະວ່າດິນແດນບໍ່ຕິດທະເລແຕ່ກໍສາມາດຊອກຫາທ່າແຮງບົ່ມຊ້ອນມາພັດທະນາບ້ານເມືອງໃຫ້ມີຄວາມກ້າວໜ້າ, ສ່ວນ ສປປ ລາວ ບໍ່ມີຊາຍແດນຕິດທະເລ
ແຕ່ພັດທະນາປະເທດໃຫ້ເປັນທາງເຊື່ອມຕໍ່ລະຫວ່າງບັນດາປະເທດໃກ້ຄຽງ ແລະ ພາກພື້ນ.
ທ່ານນາຍົກລັດຖະມົນຕີຍັງໄດ້ເຊີນສວນບັນດານັກທຸລະ ກິດ, ນັກລົງທຶນແຂວງຫູໜານເຂົ້າໄປລົງທຶນຢູ່ ສປປ ລາວ
ເພື່ອຊ່ວຍພັດທະນາປະເທດລາວຫລາຍຂຶ້ນ.
No comments:
Post a Comment