ລາວຈະປັບປຸງນະໂຍບາຍຊຸກຍູ້ພາກທຸລະກິດໃຫ້ເຂັ້ມແຂງ

           ໃນໂອກາດພົບປະໂອ້ລົມຕໍ່ພາກທຸລະກິດໃນທົ່ວປະເທດຂອງທ່ານນາຍົກລັດຖະມົນຕີ ທອງລຸນ ສີສຸລິດ ໃນຕອນບ່າຍວັນທີ 27 ກໍລະກົດນີ້ຢູ່ໂຮງແຮມດອນຈັນພາເລດ, ນະຄອນລວງວຽງຈັນ ໄດ້ຢືນຢັນຢ່າງໜັກແໜ້ນວ່າ: ລັດຖະບານຈະເລັ່ງປັບປຸງນະໂຍບາຍຕ່າງໆ ເພື່ອສ້າງບັນຍາກາດທີ່ອໍານວຍ ແລະ ຊຸກຍູ້ສົ່ງເສີມໃຫ້ພາກທຸລະກິດມີຄວາມເຕີບໃຫຍ່ເຂັ້ມແຂງ,ພາຍຫລັງເຫັນວ່າພາກທຸລະກິດ,ຜູ້ປະກອບການເອກະຊົນຕ່າງໆ ລ້ວນແລ້ວແຕ່ແມ່ນໝໍ່ແໜງສໍາຄັນໃນການສ້າງພື້ນຖານເສດຖະກິດຂອງຊາດໃຫ້ໜັກແໜ້ນເຂັ້ມແຂງ.

              ທ່ານນາຍົກລັດຖະມົນຕີ ກ່າວວ່າ: ໃນຕໍ່ໜ້ານີ້, ເພື່ອຮັບປະກັນໃຫ້ແຜນພັດທະນາເສດຖະ ກິດ-ສັງຄົມແຫ່ງຊາດ 5 ປີຄັ້ງທີ VIII ບັນລຸຜົນເປັນຈິງນັ້ນ, ກ່ອນອື່ນໝົດພວກເຮົາຕ້ອງຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມຢ່າງໜັກ

ສະພາການຄ້າມອບລາງວັນໃຫ້ຫົວໜ່ວຍທຸລະກິດດີເດັ່ນປະຈຳປີ 2016

          ວັນທີ 27 ກໍລະກົດນີ້, ທີ່ນະຄອນຫລວງວຽງຈັນ, ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຈັດພິທີມອບ-ຮັບລາງວັນທຸລະກິດດີເດັ່ນຂອງ ສປປ ລາວ ແລະ ທຸລະກິດດີເດັ່ນອາຊຽນ ປະຈຳປີ 2016, ໂດຍມີທ່ານ ທອງລຸນ ສີສຸລິດ ນາຍົກ ລັດຖະມົນຕີ ແລະ ບັນ ດາທຸລະກິດຈາກຂະແໜງການຕ່າງໆເຂົ້າຮ່ວມເປັນຈຳນວນຫລາຍ.

          ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ກ່າວວ່າ: ລາງວັນນີ້ ແມ່ນມອບໃຫ້ຜູ້ທີ່ມີຜົນງານດີເດັ່ນ ໃນການປະ ກອບສ່ວນສ້າງສາພັດທະນາ ສປປ ລາວ ໃນໄລຍະ 40 ປີຜ່ານມາ ແລະ ທຸລະກິດດີເດັ່ນອາຊຽນຂອງລາວ, ໃນນັ້ນ ມີ 46 ຫົວໜ່ວຍໄດ້ຮັບລາງ  ວັນທຸລະກິດດີເດັ່ນຂອງລາວ ແລະ 19 ຫົວໜ່ວຍແມ່ນໄດ້ຮັບລາງວັນ

ລັດຈະເປີດກວ້າງການພັດທະນາວຽກງານໄອຊີທີ

         ແຜນພັດທະນາເສດຖະກິດ-ສັງຄົມຫ່ງຊາດ 5 ປີຄັ້ງທີ VIII (2016-2020) ລະບຸວ່າ: ລັດຖະບານຈະເປີດກວ້າງໃຫ້ເອກະຊົນເຂົ້າມາປະກອບສ່ວນພັດທະນາວຽກງານເຕັກໂນໂລຊີສື່ສານ ແລະ ຂໍ້ມູນຂ່າວສານຫລາຍກວ່າເກົ່າ, ພາຍຫລັງໄດ້ຕັ້ງຄາດໝາຍໄວ້ຄື: ສ້າງປ່ອງບໍລິການໄປສະນີແບບອັດຕະໂນມັດໃຫ້ສໍາເລັດໃນທຸກແຂວງທົ່ວປະເທດ, ສ້າງສູນອິນເຕີເນັດແຫ່ງຊາດສຳຮອງຢູ່ພາກເໜືອ ແລະ ພາກກາງ, ສົ່ງເສີມການນໍາໃຊ້ດາວທຽມລາວແທນຂອງສາກົນໃຫ້ຫລາຍຂຶ້ນ, ສ້າງລະບົບປະຊຸມທາງໄກໃນອົງການລັດ, ເຮັດໃຫ້ປະຊາຊົນຮູ້ນໍາໃຊ້ຄອມພິວເຕີບັນລຸຫລາຍກວ່າ 30%, ອິນເຕີເນັດ 40%, ອັດຕາສ່ວນການນໍາໃຊ້ໂທລະສັບມືຖືກວມ 100% ຂອງປະຊາກອນທັງໝົດທົ່ວປະເທດ ແລະ ຂະຫຍາຍສະຖານີຮັບສົ່ງສັນຍານລະບົບ 3G ແລະ 4G ໃຫ້ກວມທຸກພື້ນທີ່ທົ່ວປະ

ເປີດໂຮງແຮມເມືອງແທງ ລັກເຊີຣີ ວຽງຈັນໂຮງແຮມມາດຕະຖານ 5 ດາວ

    ພິທີເປີດການນຳໃຊ້ໂຮງແຮມ ເມືອງແທງ ລັກເຊີຣີ ວຽງຈັນ ເຊິ່ງເປັນໂຮງແຮມລະດັບມາດຖານ 5 ດາວແຫ່ງທຳອິດໃນຕະຫລາດສາກົນຂອງກຸ່ມໂຮງແຮມ ເມືອງແທງ ສສ ຫວຽດນາມ ໄດ້ມີຂຶ້ນໃນແລງວັນທີ 28 ກໍລະກົດນີ້ ທີ່ນະຄອນຫລວງວຽງຈັນ ໂດຍການໃຫ້ກຽດເຂົ້າຮ່ວມຂອງທ່ານ ສິນລະວົງ ຄຸດໄພ ທູນ ເຈົ້າຄອງນະຄອນຫລວງ ວຽງຈັນ, ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດ ສາຫະກຳ ແລະ ການຄ້າ, ທ່ານ ສຸບັນ ແກ້ວມີໄຊ ລັດຖະມົນຕີກະ ຊວງແຜນການ ແລະ ການລົງ ທຶນ, ທ່ານ ຫງວຽນ ແມ໋ງຮຸງ ເອກ ອັກຄະລັດຖະທູດ ສສ ຫວຽດ ນາມປະຈຳລາວ, ຄະນະບໍລິຫານ ພ້ອມດ້ວຍຕາງຫນ້າຈາກກຸ່ມທຸ ລະກິດໂຮງແຮມ ແລະ ທະນາ ຄານ ເຂົ້າຮ່ວມຈຳນວນຫລາຍ.

ມາເລເຊຍໃຫ້ຄວາມຮູ້ກ່ຽວກັບນ້ຳມັນປາມ

        ວັນທີ 28 ກໍລະກົດນີ້, ສະຖານທູດມາເລເຊຍປະຈຳລາວຮ່ວມກັບບໍລິສັດນ້ຳມັນປາມມາເລເຊຍໄດ້ຈັດກອງປະຊຸມສຳມະນາໃຫ້ຄວາມຮູ້ກ່ຽວກັບນ້ຳມັນປາມ ແລະ ແນະນຳຜະລິດຕະພັນຕ່າງໆຈາກນ້ຳມັນປາມຂຶ້ນທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ສົມຈິດ ອິນທະມິດ ຮອງລັດເຖະມົນຕີກະຊວງອຸດສາຫະກຳ ແລະ ການຄ້າ, ທ່ານເອກອັກຄະລັດຖະທູດມາເລເຊຍປະຈຳລາວ.

ທ່ານ ເອກອັກຄະລັດຖະທູດກ່າວໃນພິທີວ່າ: ງານສຳມະນາຄັ້ງນີ້ໄດ້ຈັດຂື້ນເປັນຄັ້ງທຳອິດຢູ່ ສປປ ລາວ, ໃນທາມກາງບັນຍາກາດທີ່ລາວ ແລະ ມາເລເຊຍພວມສະເຫຼີມສະຫຼອງວັນສ້າງຕັ້ງສາຍພົວພັນການທູດຄົບຮອບ 50 ປິ ແລະ ເຊື້ອ ໝັ້ນວ່າງານສຳມະນາຄັ້ງນີ້ຈະເຮັດໃຫ້ພາກສ່ວນທຸລະກິດຂອງລາວ ແລະ ພາກສ່ວນທຸກິດນ້ຳມັນປາມຂອງມາເລເຊຍມີໂອກາດໄດ້ພົວພັນຮ່ວມມືກັນແໜ້ນແຟ້ນຂື້ນຕື່ມ, ຕະຫຼອດໄລຍະ 50 ປີຜ່ານມາມາເລເຊຍ ແລະ ລາວໄດ້ມີການພົວພັນຮ່ວມມືກັນນັບມື້ກວ້າງ ຂວາງ, ໂດຍສະເພາະແມ່ນການພົວພົວຮ່ວມມືດ້ານ

ເຊັນສັນຍາກໍ່ສ້າງໂຄງການນ້ຳສະອາດຢູ່ແຂວງຜົ້ງສາລີ

          ພິທີເຊັນສັນຍາກໍ່ສ້າງໂຄງການນ້ຳສະອາດ, ບ້ານໂພນແກ້ວ, ເມືອງ ແລະ ແຂວງຜົ້ງສາລີ, ໄດ້ມີຂຶ້ນໃນວັນທີ 28 ກໍລະກົດນີ້, ທີ່ຫ້ອງການປະສານງານແຜນງານພັດທະນາເຂດເນີນສູງເຂດພາກເໜືອ ( NUOP ) ໃນແຂວງດັ່ງກ່າວ, ລະຫວ່າງພະແນກກະສິກຳ ແລະ ປ່າໄມ້ແຂວງຜົ້ງສາລີ, ທັງເປັນຜູ້ປະຕິບັດງານແຜນງານພັດທະນາເຂດເນີນສູງພາກເໜືອ ແລະ ບໍລິສັດຍອດບໍລິການເຄື່ອງກໍ່ ສ້າງ (ຜູ້ຮັບເໝົາສະໜອງອຸປະກອນ), ໂດຍມີອຳນາດການປົກ ຄອງເຂົ້າຮ່ວມເປັນສັກຂີພະຍານ.

ປກສ ຄໍາມ່ວນສາມາດຈັບຜູ້ຄ້າຢາເສບຕິດຕົວອັນຕະລາຍມາດໍາເນີນຄະດີ

ພາບ-ຂ່າວ : ຫນັງສືພິມ ປກສ

          ແຫລ່ງຂ່າວທ້ອງຖິ່ນ ໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ ປກສ ແຂວງ ຄໍາມ່ວນ ສາມາດຈັບຜູ້ຄ້າຢາເສບຕິດຕົວອັນຕະລາຍມາດໍາເນີນຄະດີຄື: ທ້າວ ແສງສະຫວັນ ອາຍຸ 39 ປີຢູ່ບ້ານນາເຮືອງ, ເມືອງຄໍາເກີດ, ແຂວງບໍລິຄໍາໄຊ ແລະ ທ້າວ ເລີດໃຈ ອາຍຸ 30 ປີ ຢູ່ບ້ານດົງດໍາດວນ, ເມືອງໄກສອນ, ແຂວງສະຫວັນນະເຂດ ພ້ອມຂອງກາງຢາບ້າຈໍານວນ 1.994 ເມັດ ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

            ເຈົ້າໜ້າທີ່ໃຫ້ຮູ້ວ່າ: ການມ້າງຄະດີຢາເສບຕິດລາຍນີ້, ມີຂຶ້ນພາຍຫລັງໄດ້ຮັບແຈ້ງຈາກພົນລະເມືອງດີວ່າຈະມີການເຄື່ອນໄຫວຊື້-ຂາຍຢາເສບຕິດໃນເຂດບ້ານໃໝ່ໂພສີ ຫາບ້ານໂພນສູງ, ເມືອງທ່າແຂກ, ເຈົ້າໜ້າທີ່ຈຶ່ງໄດ້ຈັດກໍາລັງລົງຕິດຕາມເປົ້າໝາຍ ແລະ ໃນທີ່ສຸດກໍສາມາດຈັບຕົວພວກເຂົາໄດ້ ແລະ ນໍາຕົວໄປສືບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການ ເພື່ອມາດໍາເນີນຄະດີຕາມກົດໝາຍໂດຍໄວ.

ພະອາຈານວັດມະຫາພຸດທະວົງສາປ່າຫລວງມອບເຄື່ອງບໍລິໂພກໃຫ້ທະຫານເມືອງຮົ່ມ

           ເມື່ອມໍ່ໆມານີ້, ພະອາຈານ ຊ່ອງແກ້ວ ວໍລະກຸມມານ ເຈົ້າອະທິການວັດມະຫາພຸດທະວົງສາປ່າຫລວງ ໄດ້ຕາງໜ້າໃຫ້ພະອາຈານໃນວັດດັ່ງກ່າວ ໄດ້ນຳເອົາເຄື່ອງບໍລິໂພກ ແລະ ອຸປະໂພກຈຳ ເປັນຈຳນວນໜຶ່ງເຊັ່ນ: ປ໋ອງປາ, ໝີ່ແຫ້ງ, ນ້ຳດື່ມ, ຢາຖູແຂ້ວ, ກາເຟ, ສະບູຝຸ່ນ ແລະ ອື່ນໆອີກ ລວມເປັນມູນຄ່າຫລາຍກວ່າ 13 ລ້ານກີບ ໄປມອບໃຫ້ອ້າຍນ້ອງທະຫານເມືອງຮົ່ມ ແຂວງໄຊສົມບູນ ເພື່ອເປັນກຳລັງໃຈໃຫ້ເຂົາເຈົ້າສຸມໃສ່ເຮັດໜ້າທີ່ປົກປັກຮັກສາຄວາມສະຫງົບຂອງບ້ານເມືອງ.

           ໃນໂອກາດນີ້, ທ່ານເຈົ້າເມືອງດັ່ງກ່າວ ກໍໄດ້ສະແດງຄວາມຂອບໃຈຢ່າງເລິກເຊິ່ງຕໍ່ກາຊ່ວຍ ເຫລືອດັ່ງກ່າວ ແລະ ຫວັງວ່າຈະເປັນຜົນດີທີ່ສຸດໃຫ້ອ້າຍນ້ອງນັກຮົບຜູ້ປະຕິບັດງານຢູ່ເຂດຫ່າງໄກສອກຫລີກດັ່ງກ່າວ.