ໃນວັນທີ 27 ກຸມພານີ້, ສະຖານທູດຍີປຸ່ນປະຈໍາລາວ,
ໄດ້ຈັດງານລ້ຽງສົ່ງຊາວໜຸ່ມລາວຈໍານວນ 28
ຄົນທີ່ຈະເດີນທາງໄປທັດສະນະສຶກສາຮຽນຮູ້ກ່ຽວກັບວັດທະນະທຳ ແລະ
ຂ່າວສານທີ່ປະເທດຍີ່ປຸ່ນພາຍໃຕ້ການສະໜັບສະໜູນຈາກໂຄງການ JENESYS ຮ່ວມກັບປະເທດມາເລເຊຍ, ຕີມໍເລດ ແລະ ມຽນມາ. ການທັດສະນະຄັ້ງນີ້ຈະໄດ້ທ່ຽວຊົມສະຖານທີ່ສຳຄັນຫລາຍແຫ່ງຂອງຍີ່ປຸ່ນ
ເຊັ່ນ: ເມືອງຊີງະ, ໂອຊາກະ, ກຽວໂຕ ແລະ
ແຂວງນາຣະ, ເຊິ່ງຕັ້ງຢູ່ເຂດຄິງຄິ ແລະ ຄັງໄຊ
ເປັນສູນກາງທາງດ້ານການເມືອງ ແລະ ວັດທະນະທໍາຂອງຢີ່ປຸ່ນທີ່ມີອາຍຸຫລາຍສັດຕະວັດ.
ທ່ານ ທາເຄຊິ ຣິກິຣາຣະ
ເອກອັກຄະຣາຊະທູດຢີ່ປຸ່ນປະຈຳລາວ ກ່າວວ່າ:
ການທັດສະນະຄັ້ງນີ້ຈະເຮັດຜູ້ເຂົ້າຮ່ວມສາມາດຍົກສູງຄວາມຮູ້ ແລະ
ເກັບກ່ຽວຂໍ້ມູນສຳລັບການພັດທະນາການທ່ອງທ່ຽວ, ໂດຍອີງໃສ່ພື້ນຖານການຮຽນນະໂຍບາຍ
ແລະ ລະບຽບກ່ຽວກັບການທ່ອງທ່ຽວຈາກຢີ່ປຸ່ນ. ນອກຈາກນີ້, ຍັງສາມາດເຖິງຄວາມເຂົ້າໃຈໃນວັດທະນະທຳ
ແລະ ສັງຄົມຢີ່ປຸ່ນນຳອີກ.
ໂຄງການ JENESYS 2016 ແມ່ນໂຄງການແລກປ່ຽນລະຫວ່າງຢີ່ປຸ່ນ ແລະ ຄົງເຂດອາຊີ-ປາຊີຟິກ ແລະ
ໄດ້ສືບຕໍ່ຈາກໂຄງການ JENESYS 2015.
ລັດຖະບານຢີ່ປຸ່ນຈະເຊື້ອເຊີນໄວໜຸ່ມລາວປະມານ 340 ຄົນໄປຢີ່ປຸ່ນ ໃນສົກປີນີ້.
ເຊິ່ງຫວັງວ່າຈະເປັນການສົ່ງເສີມສາຍພົວພັນທີ່ດີລະຫວ່າງລາວ ແລະ ຍີ່ປຸ່ນ
ເພື່ອສ້າງພື້ນຖານໃຫ້ແກ່ການຮ່ວມມື ແລະ ມິດຕະພາບໃນອະນາຄົດ.
No comments:
Post a Comment