laophatthananewspaper

29 January 2015

ອະທິການບໍດີ ມະຫາວິທະຍາໄລ ແພດສາດ ໃຫ້ທັດສະນະ ກ່ຽວກັບຈັນຍາບັນຂອງແພດໝໍ

ໃນວັນທີ 28 ມັງກອນຜ່ານມາ, ທ່ານ ຮສ. ດຣ ນາງ ສົມຈິດ ບຸບຜາ ອະທິການບໍດີມະຫາວິທະຍາໄລ ວິທະຍາສາດສຸຂະພາບໄດ້ໃຫ້ສຳພາດຕໍ່ນັກ ຂ່າວຂອງພວກເຮົາກ່ຽວກັບການມີຈັນຍາ ບັນຂອງແພດໝໍໃນການບໍລິການ ຢູ່ໃນໂຮງໝໍແຕ່ລະແຫ່ງ, ໂດຍສະເພາະນະຄອນຫລວງວຽງຈັນ, ພາຍຫລັງ ມີຫາງສຽງຈາກສັງຄົມເປັນຈຳນວນບໍ່ ໜ້ອຍທີ່ວ່າ: ຄົນລວຍບໍ່ໄດ້ຕິດຄຸກ, ຄົນທຸກບໍ່ໄດ້ເຂົ້າໂຮງໝໍ. ຕໍ່ບັນຫາດັ່ງກ່າວນີ້ ທ່ານກ່າວວ່າ: ແພດໝໍທຸກຄົນຈະ ຕ້ອງໄດ້ດຳເນີນອາຊີບແພດດ້ວຍຄວາມຊື່ສັດສຸຈະລິດ, ຮັບໃຊ້ຄວາມທຸກ ທໍລະມານຂອງປະຊາຊົນໃຫ້ພົນໄພໄຂ້ ປ່ວຍຕ່າງໆຕະຫລອດການ, ໂດຍບໍ່ມີ ການຄິດຄ່າຕອບແທນໃດໆຕໍ່ຜູ້ທຸກຍາກຂາດເຂີນ, ຮັກສາຄວາມລັບທຸກປະ ການທີ່ຄົນເຈັບ ຫລື ຍາດພີ່ນ້ອງມອບໝາຍໃຫ້, ບໍ່ສວຍໃຊ້ອາຊີບແພດໄປໃນທາງທີ່ເຮັດໃຫ້ເຊື່ອມເສຍຮີດຄອງປະ ເພນີ ແລະ ສົ່ງເສີມອາສະຍາກຳຕ່າງໆ. ພ້ອມນັ້ນ ທ່ານໄດ້ໃຫ້ທັດສະນະວ່າ: ການສິດສອນໃຫ້ນັກສຶກສາທຸກຄົນມີ ຈັນຍາບັນຂອງແພດນັ້ນທາງມະຫາວິທະຍາໄລຂອງ ພວກເຮົາໄດ້ຈັດເຂົ້າໃນຫລັກສູດຂອງການສຶກສາຮ່ຳຮຽນຂອງທຸກໆປີ, ພ້ອມກັນນີ້ ຍັງໄດ້ເອົາຂໍ້ມູນຕົວຈິງມາເປັນບົດເຝຶກຫັດ, ເພື່ອໃຫ້ນັກສຶກສາທຸກຄົນໄດ້ຮຽນຮູ້ກ່ຽວກັບບົດ ທົດສອບຕ່າງໆກ່ອນຈະລົງຕົວຈິງໃນສະຖານທີ່ບໍລິການ. ນອກຈາກນີ້,

ອ່ານຂ່າວຕື່ມ...........

ແພດລາວພ້ອມແລ້ວທີ່ຈະນຳໃຊ້ເຄື່ອງກວດທັນສະໄໝ MRI

ຕາມການໃຫ້ສຳພາດຂອງທ່ານ ຮອງສາດສະດາຈານ ດຣ ພູທອນ ເມືອງປາກ,ອຳນວຍການໂຮງໝໍມິດ ຕະພາບ 150 ຕຽງ,ຕໍ່ນັກຂ່າວພວກເຮົາໃນວັນທີ 27 ມັງກ່ອນນີ້ວ່າ: ໃນອາທິດຜ່ານມາທາງໂຮງໝໍຂອງຕົນໄດ້ເປີດສູນກວດພະຍາດດ້ວຍເຄື່ອງກວດແລະບົ່ງມະຕິພະຍາດດ້ວຍຄືນແມ່ເຫຼັກໄຟຟ້າ (MRI ) ຊຶ່ງເປັນສູນທຳອິດໃນ ສປປ ລາວ ແລະ ພາຍຫຼັງທີ່ເປີດນຳໃຊ້ມາຮອດປັດຈຸບັນຫຼາຍຄົນກໍເກີດຄວາມເປັນຫ່ວງກ່ຽວເກັບການຄຸ້ມ ຄອງນຳໃຊ້ເຄື່ອງດັ່ງກ່າວ, ລວມເຖິງລາຄາໃນການບໍລິການ,ເນື່ອງຈາກການກວດພະຍາດຜ່ານເຄື່ອງ MRI ຢູ່ຕ່າງປະຕ່າງເທດນັ້ນມີລາຄາແພງຫຼາຍ, ຊຶ່ງປັດຈຸບັນທາງໂຮງໝໍມິດຕະພາບ 150 ຕຽງໄດ້ມີທ່ານໝໍຜູ້ຊ່ຽວຊານໃນການນຳໃຊ້ເຄື່ອງກວດດັ່ງກ່າວ 3 ທ່ານ , ຊຶ່ງກ່ອນໜ້ານີ້ທີ່ໂຮງໜໍຈະສ້າງສູນດັ່ງກ່າວຂື້ນນັ້ນໄດ້ນຳສົ່ງພະນັກງານວິຊາການຂອງຕົນ 2 ທ່ານ ,ໄປຮຽນກ່ຽວກັບການນຳໃຊ້ເຄື່ອງນີ້ໂດຍກົງຢູ່ປະເທດຝຣັ່ງເປັນເວລາ 1 ປີ,ພ້ອມນັ້ນຍັງໄດ້ນຳສົ່ງພະ ນັກງານ 3 ທ່ານໄປເຝິກອົບກ່ຽວກັບການນຳໃຊ້ເຄື່ອງນີ້ຢູ່ປະເທດໂອຕຣິດອີກເປັນເວລາ 1 ເດືອນ,ຈົນມີຄວາມຊຳນິຊຳນານກ່ອນຈະເປີດໃຫ້ບໍລິການຢ່າງເປັນທາງການ,ພ້ອມດຽວກັນນັ້ນກໍຍັງຈະມີຜູ້

ອ່ານຂ່າວຕື່ມ...........

ນ້ຳປະປາຕັ້ງໜ່ວຍສະເພາະກິດກວດກາການລັກໃຊ້ນ້ຳ

ລັດວິສາຫະກິດນ້ຳປະປາະຄອນຫລວງ, ໄດ້ຕັ້ງໜ່ວຍງານສະເພາະກິດເພື່ອເຄື່ອນໄຫວຕິດຕາມກວດກາສະພາບ ການລັກຊົມໃຊ້ນ້ຳປະປາ, ພາຍຫລັງພົບເຫັນມີການລັກໃຊ້ນ້ຳເກີດຂື້ນຫລາຍກໍລະນີ,ເຊິ່ງສ້າງຄວາມເສຍຫາຍເປັນຈຳນວນບໍ່ໜ້ອຍຕໍ່ລະບົບເສດຖະກິດຂອງລັດ.

ລັດວິສາຫະກິດນ້ຳປະປາໃຫ້ຮູ້ວ່າ:ໜ່ວຍສະເພາະກິດດັ່ງກ່າວ,ຈະມີປະຈຳຢູ່ທຸກຕົວເມືອງຂອງນະຄອນຫລວງ ວຽງຈັນ, ຊຶ່ງແມ່ນຫົວໜ້າຫ້ອງການສາຂານ້ຳປະປາແຕ່ລະເມືອງເປັນຫົວໜ້າໜ່ວຍ ເພື່ອເຮັດໜ້າທີ່ລົງກວດກາ

ໝໍ້ແທກນ້ຳຄືນໃໝ່ ແລະ ໄກ່ເກ່ຍບັນດາໜີ້ສີນຕ່າງໆ,ເນື່ອງຈາກວ່າປັດຈຸບັນລັດວິສາຫະກິດນ້ຳປະປາໄດ້ພົບເຫັນປະກົດການລັກໃຊ້ນ້ຳຂອງລູກຄ້າໃນຫລາຍກໍລະນີ ເຊັ່ນ:ລັກຕໍ່ນ້ຳໂດຍກົງຈາກທໍ່ນ້ຳພາຍນອກ,ລັກປີ້ນໝໍ້ແທກນ້ຳ,ເຮັດໝໍ້ແທກນ້ຳແຕກຫັກເປ່ເພ ແລະ ອື່ນໆ, ເພື່ອພະຍາຍາມເຮັດໃຫ້ໄດ້ໃຊ້ນ້ຳຫລາຍແຕ່ຈ່າຍຄ່ານ້ຳໜ້ອຍ, ນອກ ຈາກນີ້, ກໍມີລູກຄ້າຈຳນວນຫລາຍມີໜີ້ສີນຄຸມເຄືອຄ້າງຈ່າຍແກ່ຍາວມາດົນນານ, ເຊິ່ງຜິດຕໍ່ລະບຽບຫລັກການຂອງລັດວິສາຫະກິດນ້ຳປະປາ, ສ້າງຄວາມ

ອ່ານຂ່າວຕື່ມ...........

ຝາອັດຮ່ອງນ້ຳທາງດອນແດງແຕກຫລາຍມື້ສ້າງຄວາມສ່ຽງໃຫ້ຜູ້ທຽວທາງ

ພາບແຜ່ນຢາງຂະໜາດພໍປະມານທີ່ປັກລົງໃນຂຸມທໍ່ນ້ຳທີ່ທ່ານຜູ້ອ່ານເຫັນນີ້, ແມ່ນນັກຂ່າວພວກເຮົາຖ່າຍໃນຕອນເຊົ້າວັນທີ 28 ມັງກອນນີ້, ຢູ່ເສັ້ນທາງເຂດບ້ານດອນແດງ, ເມືອງຈັນທະບູລີ, ນະຄອນຫລວງວຽງຈັນ, ເຊິ່ງແມ່ນປະຊາຊົນທີ່ຢູ່ໃກ້ຄຽງໄດ້ເອົາມາປັກໃສ່ ເພື່ອເປັນເຄື່ອງໝາຍເຕືອນໃຫ້ຜູ້ຂັບຂີ່ລົດຜ່ານໄປມາໃນເສັ້ນທາງດັ່ງກ່າວໃຫ້ມີຄວາມລະວັງບໍ່ໃຫ້ຕົກລົງຂຸມທໍ່ດັ່ງກ່າວ ແລະ ເມື່ອຖາມປະຊາຊົນໃກ້ຄຽງ ບອກວ່າ: ຝາອັດທໍ່ຈຸດນີ້ແມ່ນຖືກລົດແກ່ດິນຢຽບແຕກມາໄດ້ 3 - 4 ມື້ແລ້ວ, ແຕ່ລົດແກ່ດິນທີ່ກະທຳນັ້ນກໍແລ່ນຜ່ານໄປເລີຍ, ເມື່ອເປັນ ສະພາບເຊັ່ນນັ້ນຈຶ່ງຢ້ານວ່າອາດຈະມີຜູ້ຂັບຂີ່ລົດຄັນອື່ນໆແລ່ນຜ່ານມາ ແລະ ບໍ່ເຫັນກໍຈະຕົກລົງໄປອາດເຮັດໃຫ້ໄດ້ ຮັບອັນຕະລາຍ ຫລື ບາດເຈັບ ແລະ ເສຍຊີວິດກໍເປັນກໍເປັນໄດ້, ໂດຍສະເພາະແມ່ນໃນຍາມຄ່ຳຄືນ ຍິ່ງມີຄວາມສ່ຽງເປັນອັນຕະລາຍສູງ, ເນື່ອງຈາກເສັ້ນທາງດັ່ງກ່າວຂ້ອນຂ້າງມືດ ແລະ ມັກມີຜູ້ຂັບຂີ່ລົດໄວ, ສະນັ້ນຖ້າພາກສ່ວນກ່ຽວຂ້ອງບໍ່ຮີບຮ້ອນມາແກ້ໄຂໂດຍໄວກໍຄວາມສ່ຽງເກີດອັນຕະລາຍຕໍ່ຜູ້ໃຊ້ລົດໃຊ້ຖະໜົນຫລາຍຂຶ້ນ.

ສະພາການຄ້າ ແລະ ອຸດສະຫະກຳແຫ່ງຊາດມີບົດບາດສຳຄັນ ຊຸກຍູ້ການຂະຫຍາຍຕົວຂອງເສດຖະກິດ

ທ່ານ ດາວອນ ພະຈັນທະວົງ ຮອງປະທານສະພາການຄ້າ ແລະ ອຸດສະຫະກຳ ແຫ່ງຊາດ ໄດ້ໃຫ້ສຳພາດນັກຂ່າວ ພວກເຮົາເມື່ອບໍ່ດົນນີ້ວ່າ: ປີ 2015 ນີ້,ແມ່ນປີທີ່ມີ ຄວາມໝາຍສຳຄັນຍິ່ງຂອງຊາດລາວເຮົາຄື: ວັນສ້າງຕັ້ງພັກປະຊາ ຊົນປະຕິວັດລາວ ຄົບຮອບ 60 ປີ( 22 ມີນາ 1955 - 22 ມີນາ 2015) ແລະ ວັນສະຖາປານາສາ ທາລະນະລັດ ປະ ຊາທິປະໄຕ ປະຊາຊົນລາວ ຄົບຮອບ 40 ປີ ( 2 ທັນວາ 1975 - 2 ທັນວາ 2015) ແລະ ໃນໂອກາດສຳຄັນດັ່ງ ກ່າວນີ້, ທຸກຂະແໜງການ, ທຸກພາກ ສ່ວນຂອງພັກ ແລະ ລັດ, ພ້ອມດ້ວຍຜູ້ປະກອບການຫົວໜ່ວຍທຸລະກິດທັງ ພາຍໃນ ແລະ ຕ່າງປະເທດລວມເຖິງປະຊາຊົນລາວບັນດາເຜົ່າທົ່ວປະເທດຈະໄດ້ພ້ອມພາກັນຈັດ ຕັ້ງສະເຫລີມສະ ຫລອງສອງວັນດັ່ງກ່າວໃຫ້ມີບັນຍາກາດ ແລະ ຂະບວນການຟົດຟື້ນດ້ວຍການນຳເອົາບັນດາຜົນງານການ ເຄື່ອນໄຫວ ວຽກງານທາງດ້ານການເມືອງ, ວັດທະນາທຳ, ສັງຄົມ, ເສດຖະກິດ ແລະ ການຜະລິດເປັນສີນຄ້າຕ່າງໆ. ເວົ້າສະ ເພາະໃນພາກສ່ວນຂອງສະພາການຄ້າ ແລະ ອຸດສະຫະກຳແຫ່ງຊາດນີ້, ແມ່ນພວມມີການກະກຽມຈັດວາງສະແດງ

ອ່ານຂ່າວຕື່ມ...........

ເກີດເຫດໄຟໃໝ້ເຮືອນ 3 ຫລັງ ຢູ່ແຂວງຈຳປາສັກ

ເຈົ້າໜ້າທີ່ ກົມມອດໄຟ ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ໃນເວລາ ທ່ຽງຄືນຂອງວັນທີ 28 ມັງກອນ ນີ້, ໄດ້ເກີດເຫດໄຟໃໝ້ເຮືອນ 3 ຫລັງ, ຢູ່ບ້ານ ທ່າບາກ, ເມືອງປາກເຊ, ແຂວງຈຳປາສັກຄື: ຫລັງທີໜຶ່ງເປັນເຮືອນ ໄມ້ 2 ຊັ້ນ (ເຮືອນຕົ້ນເພີງ), ຫລັງທີສອງເປັນເຮືອນວິນລາຊັ້ນດຽວ. ສ່ວນຫລັງທີສາມຖືກໄຟ ລວບພຽງຂ້າງໜຶ່ງ. ຜ່ານການສອບຖາມຜູ້ເຫັນເຫດການຂອງເຈົ້າໜ້າມອດໄຟ ເມືອງປາກເຊ ໃຫ້ຮູ້ວ່າ: ກ່ອນເກີດເຫດ ໄດ້ມີສຽງດັງຂຶ້ນ ໃນອາຄານ, ຫລັງຈາກນັ້ນ ກໍມີແປວໄຟລຸກລາມຢ່າງໄວວາ, ໂດຍ ໄດ້ໃຊ້ລົດດັບເພິງ 3 ຄັນ ແລະ ເຈົ້າໜ້າທີ່ 19 ຄົນ ສຸມເຂົ້າສະກັດກັ້ນໄຟບໍ່ໃຫ້ໄຟແຜ່ລາມໄປຫາເຮືອນໄກ້ຄຽງ, ໂດຍໃຊ້ເວ ລາປະມານ 1 ຊົ່ວໂມງກວ່າ ຈຶ່ງສາມາດຄວບ ຄຸມໄຟໄວ້ໄດ້ ແລະ ໂຊກດີບໍ່ມີຄົນໄດ້ຮັບບາດເຈັບ ແລະ ເສຍຊີວິດລວມ ມູນຄ່າເສຍຫາຍໃນເບື້ອງຕົ້ນອາດຫລາຍ ກວ່າ 300 ລ້ານກີບ. ສ່ວນສາເຫດໄຟໃໝ້ຄັ້ງນີ້ແມ່ນພວມຢູ່ໃນຂັ້ນຕອນສືບສວນ-ສອບສວນຂອງເຈົ້າໜ້າທີ່.

ຕຳຫລວດຢືນຢັນໜຸ່ມແຂວນຄໍຕາຍຢູ່ບ້ານໜອງພະຍາ ເປັນການຂ້າຕົວຕາຍ

ພາຍຫລັງມີພາບຊາຍໜຸ່ມຄົນໜຶ່ງແຂວນຄໍຕາຍຢູ່ຖຽງນາໃນວັນທີ 25 ມັງກອນຜ່ານມານີ້ ປາກົດຂຶ້ນ

ຢູ່ຕາມສື່ອອນລາຍໂດຍສະເພາະເຟສບຸກກໍເປັນທີ່ສົນໃຈຂອງສັງຄົມອອນລາຍທັນທີ ພ້ອມທັງມີການສະແດງຄວາມ ຄິດເຫັນກ່ຽວກັບສາເຫດຂອງການເສຍຊີວິດຂອງຊາຍດັ່ງກ່າວໄປໃນຫລາຍມູມມອງ, ແນວໃດກໍຕາມ, ຕໍ່ເຫດການ ນີ້ເຈົ້າໜ້າທີ່ພະແນກສືບສວນ-ສອບສວນນະຄອນຫລວງວຽງຈັນ ໄດ້ຢັນຢັນຕໍ່ສື່ມວນຊົນວ່າ: ແມ່ນຜູ້ກ່ຽວແຂວນຄໍຂ້າຕົວຕາຍເອງ,ເຊິ່ງຜ່ານການສືບສວນຜູ້ຕາຍຊື້ທ້າວ ສົມບູນ ອາຍຸ 20 ປີຢູ່ບ້ານໜອງ

ພະຍາ,ເມືອງໄຊທານີ,ນະຄອນຫລວງວຽງຈັນ,ຜູ້ຕາຍໄດ້ໃຊ້ເຊືອກນິລົງມັດໃສ່ຂື່ຖຽງນາສູງປະມານ 2,5 ແມັດແລ້ວໂດດລົງໃຫ້ເຊືອກຮັດຄໍຈົນເສຍຊີວິດມາໄດ້ປະມານ 5-6 ຊົ່ວໂມງກ່ອນມີຄົນມາພົບເຫັນ,ສ່ວນ

ສາເຫດ ຫລື ແຮງຈູງໃຈພາໃຫ້ຂ້າຕົວຕາຍນັ້ນຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່ຕໍ່

ໄປ.

ອຸຕຸແຈ້ງ ! ອາກາດຈະເຢັນລົງຕື່ມອີກ 1-3 ອົງສາ

ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ນັບແຕ່ວັນທີ 28 ມັງກອນຫາ 3 ກຸມພາ 2015, ບໍລິເວນຄວາມ ກົດດັນສູງຂອງອາກາດໜາວຈະມີທ່າອ່ຽງເພີ່ມຂຶ້ນປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນ ອອກ-ຕາເວັນອອກສ່ຽງເໜືອພັດປົກຄຸມ, ເຮັດໃຫ້ອຸນຫະພູມອາກາດໂດຍທົ່ວໄປໜາວລົງ 1-3 ອົງສາ ຢູ່ໃນແຕ່ລະ ພາກພ້ອມມີໝອກໜາປົກຫຸ້ມເປັນສ່ວນຫລາຍໃນຕອນກາງຄືນຫາຕອນເຊົ້າ ແລະ ສະພາບອາກາດຈະໜາວເຢັນ ຫລາຍ, ໂດຍສະເພາະແຂວງພາກເໜືອ, ແຂວງໄຊສົມບູນ, ເຂດພູພຽງບໍລະເວນປາກຊ່ອງ, ເມືອງທ່າແຕງ ແລະ ເມືອງດາກຈຶງ.

ອຸນຫະພູມໃນລະຫວ່າງວັນທີ 29 ມັງກອນຫາ 3 ກຸມພານີ້, ສະພາບອາກາດໂດຍທົ່ວໄປຈະໜາວເຢັນລົງ 1 ຫາ 3 ອົງສາ ໃນແຕ່ລະພາກ, ພ້ອມມີໝອກໜາປົກຫຸ້ມໃນຕອນກາງຄືນຫາຕອນເຊົ້າ, ໂດຍສະເພາະຢູ່ແຂວງ ພາກ ເໜືອດ້ານຕາເວັນອອກ, ເຂດພູສູງ, ພູດອຍ, ໄຊສົມບູນ, ພູພຽງບໍລະເວນປາກຊ່ອງ, ທ່າແຕງ ແລະ ເມືອງດາກ ຈຶງ. ດັ່ງນັ້ນ ຈຶ່ງເຕືອນໃຫ້ປະຊາຊົນໃນແຕ່ລະປີເຂດດັ່ງກ່າວມີສະຕິ ແລະ ເອົາໃຈໃສ່ຮັກສາສຸຂະພາບໃຫ້ດີ, ໂດຍສະ ເພາະແມ່ນການປະຕິບັດຫລັກການອະນາໄມ 3 ສະອາດ ໃຫ້ເຂັ້ມງວດຄື: ກິນດື່ມໃຫ້ສະອາດ, ນຸ່ງຫົ່ມໃຫ້ອົບອຸ່ນ ແລະ ຮັກສາສະພາບແວດລ້ອມໃຫ້ດີ.