ໃນສົກປີ 2012-2013, ລັດຖະບານໄດ້ຈັດແບ່ງງົບປະມານ
ຈຳນວນ 3.484 ຕື້ກີບ ເທົ່າກັບ 18,63% ຂອງງົບປະມານແຫ່ງຊາດ ເພື່ອສຸມພັດທະ ນາ
ແລະ ຍົກສູງຄຸນນະພາບວຽກງານສຶກສາ ແລະ ກິລາຂອງລາວເຮົາໃຫ້ດີຂຶ້ນກວ່າເກົ່າ.
ຂະນະທີ່ກະຊວງສຶກສາ ແລະ ກິລາ ເຫັນວ່າ: ງົບປະມານຈຳນວນດັ່ງກ່າວຍັງບໍ່ພຽງພໍຕໍ່ຄວາມຕ້ອງການຕົວຈິງຂອງວຽກງານ
ເມື່ອທຽບໃສ່ປະເທດໃກ້ຄຽງ. ແຕ່ເຖິງຢ່າງໃດກໍຈະໝູນໃຊ້ໃຫ້ເກີດປະໂຫຍດສູງສຸດ.
ຕົວເລກດັ່ງກ່າວໄດ້ມີການເປີດເຜີຍໃນກອງປະຊຸມຂອງຄະ
ນະກຳມາທິການປະຕິຮູບການສຶກສາແຫ່ງຊາດ ທີ່ໄດ້ຈັດຂຶ້ນເມື່ອວັນທີ 10-11 ມັງກອນນີ້
ຢູ່ສູນເຝິກອົບຮົມສາກົນ ລາວ-ຍີ່ປຸ່ນ (ITCT) ນະຄອນຫລວງວຽງຈັນ ໂດຍການເປັນປະທານຂອງທ່ານ
ດຣ. ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາ.
ກະຊວງສຶກສາໃຫ້ຮູ້ວ່າ: ສົກປີ 2012-2013 ເຖິງວ່າຈະໄດ້ງົບປະ
ມານຈາກລັດຖະບານສູງກວ່າຫລາຍປີຜ່ານ ມາ, ແຕ່ກໍຍັງບໍ່ພຽງ ພໍຕໍ່ຄວາມຕ້ອງການຕົວຈິງຂອງວຽກງານ
ເນື່ອງຈາກວ່າ ຖ້າຄິດໄລ່ເປັນເງິນເດືອນຂອງພະນັກ ງານ, ຄູອາຈານ ແລະ ນະໂຍບາຍຕ່າງໆແລ້ວກໍຈະຂາດດູນຢູ່ປະ
ມານ 384 ລ້ານກວ່າກີບ. ເຖິງຢ່າງໃດກໍຕາມ ເຊື່ອໝັ້ນວ່າ: ລັດຖະບານຈະພະຍາຍາມຫາຊ່ອງທາງຊອກງົບປະມານສະໜອງໃຫ້ຂະແໜງສຶກສາ
ແລະ ກິລາໃຫ້ຫລາຍກວ່າເກົ່າ ເພື່ອສຸມໃສ່ພັດທະນາວຽກງານນີ້ໃຫ້ມີຄຸນນະພາບສູງກວ່າເກົ່າ.
ໃນແຕ່ລະປີຜ່ານມາເຖິງວ່າລັດຖະບານໄດ້ເພີ່ມງົບປະມານໃຫ້ຂະແໜງການດັ່ງກ່າວຢ່າງລຽນຕິດ,
ແຕ່ກໍເຫັນວ່າບໍ່ສາມາດຕອບສະໜອງຄວາມຕ້ອງການຂອງການພັດທະນາຊັບພະຍາ ກອນມະນຸດໃຫ້ມີຄຸນນະພາບໄດ້
ຄືສົກປີ 2011-2012 ຜ່ານມາ, ລັດ ຖະບານໄດ້ສະໜອງງົບປະມານ 13,58% ຂອງລາຍຈ່າຍລັດຖະ
ານ, ແຕ່ທຽບໃສ່ບັນດາປະເທດອ້ອມຂ້າງ ຕົວຢ່າງໄລຍະປີ 2008-2011 ສະເພາະ ສສ ຫວຽດນາມ
ແມ່ນລັດຖະບານຈະອະນຸ ມັດງົບສູງເຖິງປະມານ 20% ຂອງ GDP, ໄທປະມານ 22%, ຮົງກົງປະມານ
20% ແລະ ມາເລເຊຍປະມານ 18%.
ກະຊວງສຶກສາໃຫ້ຮູ້ວ່າ: ງົບ ປະມານທີ່ໄດ້ຮັບຈາກລັດຖະບານສ່ວນໃຫຍ່ແມ່ນສະໜອງໃນພູດເງິນເດືອນ
ເຊິ່ງເຫັນວ່າງົບປະ ມານຮັບໃຊ້ບໍລິຫານ ແລະ ວິຊາການຍັງບໍ່ພຽງພໍ ແລະ ເປັນບັນຫາທ້າທາຍແກ່ຍາວໃນຂະແໜງສຶກສາໂດຍສະເພາະການປະຕິບັດຍຸດທະສາດການປະຕິຮູບການສຶກສາແຫ່ງຊາດ.
No comments:
Post a Comment