ກ່ອນນີ້ຫລາຍປີ, ພວກເຮົາຈະສັງເກດເຫັນວ່າ:
ມາລະຍາດ ຫລື ຈັນຍາບັນຂອງຜູ້ຂັບຂີ່ ກໍຄືຜູ້ໃຊ້ລົດໃຊ້ຖະ ໜົນຢູ່ປະເທດເຮົາແມ່ນດີຫລາຍ
ຈົນປະເທດເພື່ອນບ້ານພວກເຮົາກໍໃຫ້ ການຍ້ອງຍໍ ແລະ ຄວນເອົາເປັນແບບ ຢ່າງ ນັບທັງສະຕິເຄົາລົບລະບຽບຈະ
ລາຈອນ, ຜູ້ຂັບຂີ່ທັງຫລາຍລ້ວນແຕ່ເປັນເຈົ້າການປະຕິບັດໄດ້ດີ. ແຕ່ມາຮອດປັດຈຸບັນ
ສິ່ງດັ່ງກ່າວໄດ້ມີການປ່ຽນແປງໄປຫລາຍ ໂດຍພວກເຮົາຈະສັງເກດເຫັນໄດ້ຜ່ານການຂັບຂີ່ຍານພາຫະນະຕ່າງໆເອົາແຕ່ຈະເຮັດ,
ຢາກແຊງໜ້າ, ແຊງຫລັງ ຫລື ຕັດຊ້າຍ, ຕັດຂວາແນວໃດກໍບໍ່ຄ່ອຍຈະເອົາຫົວຊາ, ບາງຄັ້ງທາງຍິ່ງຄັບແຄບຢູ່ແລ້ວ
ແຕ່ຜູ້ຂັບຂີ່ບາງຄົນກໍບໍ່ສົນໃຈຂັບລົດຫມົ້ນເຂົ້າໄປໂດຍບໍ່ຄຳນຶງເຖິງລະບຽບຈະລາ
ຈອນແຕ່ຢ່າງໃດຂໍແຕ່ຕົນໄດ້ແຊງ ໄປກ່ອນກໍແລ້ວກັນ ເຊິ່ງຍັງບໍ່ໄດ້ເວົ້າເຖິງມາລະຍາດ
ກໍຄືຄຸນສົມ ບັດຂອງຜູ້ຂັບຂີ່ກໍມີການປະພຶດທີ່ບໍ່ຄ່ອຍດີເກີດຂຶ້ນເຊັ່ນ:
ແກ້ເສື້ອ ຂັບລົດ ຫລື ເວົ້າຈາຕ່າງໆນາໆອອກມາຢ່າງບໍ່ສຸພາບໃນເວລາເກີດອຸປະຕິເຫດ
ຫລື ເວລາຖືກເຈົ້າໜ້າທີ່ກວດກາ ແລະ ຮ້າຍແຮງກວ່ານັ້ນ ກໍແມ່ນ
ເລື່ອງມາ ລະຍາດ
ເຫັນຄົນຈະຂ້າມທາງກໍບໍ່ໄດ້ເອົາຫົວຊາວ່າຈະຢຸດລົດໃຫ້ຄົນຂ້າມທາງໄປກ່ອນ,
ຈຸດນີ້ເປັນສິ່ງສຳຄັນທີ່ສຸດ ເພາະໜ້ອຍບໍ່ຫລາຍມັນກໍສະແດງໃຫ້ເຫັນໃບໜ້າໃບຕາຂອງຄົນລາວເຮົາ.
ມີຜູ້ຊ່ຽວຊານຫລາຍຄົນໃຫ້ທັດ ສະນະວ່າ: ບັນຫາດັ່ງກ່າວມັນເກີດຂຶ້ນກໍຍ້ອນຫລາຍປັດໄຈຈະແມ່ນນອກຕົວຫລື
ໃນຕົວກໍມີ, ແຕ່ ຕົ້ນຕໍແລ້ວແມ່ນພວກເຮົາຍັງຂາດການເອົາໃຈໃສ່ສຶກສາອົບຮົມຈັນຍາບັນໃຫ້ຜູ້ຂັບຂີ່,
ຖ້າມີກໍແມ່ນສ່ວນໜ້ອຍ ເພາະຜູ້ຂັບຂີ່ໃນປັດ ຈຸບັນ ສ່ວນຫລາຍຈະແມ່ນຊາວໜຸ່ມ-ນັກຮຽນນັກສຶກສາ,
ບາງຄົນບໍ່ໄດ້ຜ່ານໂຮງຮຽນການຂັບຂີ່ ແລະ ກໍບໍ່ໄດ້ຮຽນຮູ້ກ່ຽວກັບລະ ບຽບຈະລາຈອນ
ແລະ ຈັນຍາບັນຂອງຜູ້ຂັບຂີ່ແຕ່ຢ່າງໃດ ແລະ ອີກສ່ວນໜຶ່ງກໍແມ່ນໄວຂະນອງ
ເມື່ອໄດ້ຂຶ້ນມາຂັບລົດແລ້ວກໍເບັ່ງຕົວເຂັງຂຶມ ເໝືອນກັບໄດ້ຂັບຍົນກໍບໍ່ປານ,
ຢາກເຮັດຫຍັງກໍເຮັດ ໂດຍບໍ່ເຄົາລົບນັບຖືລະບຽບກົດໝາຍແຕ່ຢ່າງໃດ, ຈຸດນີ້ເປັນຄວາມອັນ
ຕະລາຍທີ່ສຸດ ກໍດັ່ງພວກເຮົາຈະໄດ້ຍິນຂ່າວໃນເລື່ອງອຸປະຕິເຫດເກີດຂຶ້ນເລື້ອຍໆ
ໂດຍສະເລ່ຍມື້ ໜຶ່ງ 2-3 ກໍລະນີກໍມີ ແລະ ຜູ້ເສຍຊີວິດກໍເພີ່ມຂຶ້ນ, ແຕ່ອຸປະຕິເຫດເຫລົ່ານັ້ນສ່ວນໃຫຍ່ເກີດຂຶ້ນແມ່ນຍ້ອນການລ່ວງລະເມີດລະບຽບຈະລາຈອນ,
ຂັບຂີ່ລົດໄວເກີນຂອບເຂດ, ລ່ວງປ້າຍຫ້າມ, ຢາກແຊງໜ້າ-ແຊງຫລັງກໍແຊງ ໂດຍບໍ່ຄຳນຶງເຖິງລະບຽບກົດໝາຍແຕ່ຢ່າງໃດ.
ພ້ອມນັ້ນ ສ່ວນໜຶ່ງກໍອາດເນື່ອງມາຈາກລົດນັບມື້ເພີ່ມຂຶ້ນໄວ, ສະພາບການສັນຈອນແອອັດ
ແລະ ສິ່ງດັ່ງກ່າວຫາກບໍ່ໄດ້ຮັບການເອົາໃຈໃສ່ຂອງເຈົ້າໜ້າທີ່ຈະລາຈອນແລ້ວ
ຜູ້ຂັບຂີ່ກໍອາດເກີດອາລົມທີ່ບໍ່ເໝາະສົມປານໃດ ແລະ ບັນຫາສະພາບແວດລ້ອມໃນການນຳໃຊ້ລົດໃຊ້ຖະໜົນອື່ນໆອີກ.
ກໍອາດເປັນບັນຫາສົ່ງຜົນໃຫ້ຈັນຍາບັນຂອງຜູ້ຂັບຂີ່ມີການປ່ຽນໄປ. ແຕ່ເຖິງຢ່າງດີກໍຕາມ,
ຖ້າພວກເຮົາຫາກບໍ່ເປັນເຈົ້າການຮ່ວມກັນແກ້ໄຂ ໂດຍສະເພາະຂະແໜງການກ່ຽວຂ້ອງໃນການເອົາໃຈໃສ່ສຶກສາອົບຮົມຜູ້ຂັບຂີ່
ກໍຄືຜູ້ໃຊ້ລົດໃຊ້ຖະໜົນໃຫ້ດີຂຶ້ນກວ່າເກົ່າ ແລ້ວບັນຫາຂອງມັນກໍຈະບານປາຍ.
ດັ່ງນັ້ນ ສະຖາບັນຄອບຄົວ, ການສຶກສາ ແລະ ສັງຄົມ ກໍຕ້ອງເປັນເຈົ້າການຮ່ວມກັນໃນການອົບຮົມບົ່ມສອນລູກຫລານກໍຄືລູກສິດລູກຫາຂອງ
ຕົນໃຫ້ມີຄວາມຕື່ນຕົວເຄົາລົບນັບ ຖືລະບຽບຈະລາຈອນ ກໍຄືລະບຽບກົດໝາຍໃຫ້ດີຂຶ້ນ.
No comments:
Post a Comment