ຫລາຍບໍລິສັດໃຫ້ຄວາມສົນໃຈລົງທຶນເຂົ້າເຂດນິຄົມອຸດສາຫະກຳວຽງຈັນ-ໂນນທອງ

          ພາຍຫຼັງທີ່ລັດຖະບານໄດ້ອະ ນຸຍາດໃຫ້ບໍ ລິສັດ ໜຳເວ ພັດທະນາ ຈຳກັດ ນັກລົງທຶນຈາກໄຕ້ຫວັນ ເຂົ້າມາ ບຸກເບີກ ແລະ ພັດທະນາເຂດເສດຖະກິດ ພິເສດ ນິຄົມອຸດສາຫະກຳວຽງຈັນໂນນ ທອງ ໃນປີ 2010 ເປັນຕົ້ນມາ, ປັດຈຸບັນ ມີຫຼາຍບໍລິສັດໄດ້ໃຫ້ຄວາມສົນໃຈ ແລະ ເຂົ້າໄປຈົດທະບຽນລົງທຶນໃນເຂດດັ່ງກ່າວແລ້ວ 17 ບໍລິສັດ ໂດຍສະເພາະ ແມ່ນນັກລົງທຶນຈາກຕ່າງປະເທດ. ໃນຂະນະທີ່ການພັດ ທະນາພື້ນຖານໂຄງລາງໃນເຂດດັ່ງກ່າວສຳເລັດປະມານ 80 %.

            ທ່ານ ສີບຸນເຮືອງ ວຽນເຮືອງໄຜ່ ປະທານສະພາບໍລິຫານນິຄົມອຸດສາຫະກຳ ແລະ ການຄ້າວຽງຈັນ  ໂນນທອງ ໄດ້ໃຫ້ສຳ ພາດຕໍ່ນັກຂ່າວໜັງສືພິມ ລາວພັດ ທະນາວ່າ: ນິຄົມອຸດສາຫະກຳ  ການຄ້າ ວຽງຈັນ

 ໂນນທອງ ຖືກສ້າງຕັ້ງຂຶ້ນບົນພື້ນຖານເງື່ອນໄຂຂອງສັນຍາຮ່ວມມືລະຫວ່າງກະຊວງອຸດສາຫະ ກຳ ແລະ ການຄ້າ ຕາງໜ້າໃຫ້ລັດຖະບານ ສປປ ລາວ ກັບບໍລິສັດ ໜຳເວ ພັດທະ ນາ ທີ່ໄດ້ລົງນາມກັນໃນວັນທີ 30 ຕຸລາ 2010 ໂດຍລັດຖະບານລາວຖືຫຸ້ນ 30 % ແລະ ບໍລິສັດ ໜຳເວ ພັດທະນາ ຈຳກັດ ນັກລົງທຶນຈາກ ຈີນໄຕ້ຫວັນ ຖືຫຸ້ນ 70% ໃນເນື້ອທີ່ເບື້ອງຕົ້ນ 110 ເຮັກຕາ ຢູ່ຫຼັກ 22 ບ້ານ ໂນນທອງ ເມືອງ ໄຊທານີ ນະຄອນຫຼວງວຽງຈັນ ເພື່ອດຳເນີນການເຄື່ອນໄຫວທຸລະກິດການຜະລິດ, ການຄ້າ ແລະ ການບໍລິການ ແນ່ໃສ່ຈະສ້າງເຂດເສດຖະກິດພິເສດວຽງຈັນ  ໂນນທອງໃຫ້ກາຍເປັນເຂດອຸດສາຫະ ກຳທີ່ທັນສະໄໝ ໂດຍສອດຄອງກັບກົດໝາຍສົ່ງເສີມການລົງທຶນ ແລະ ດຳລັດວ່າດ້ວຍການສ້າງເຂດເສດຖະກິດສະເພາະ ແລະ ເຂດເສດຖະກິດພິເສດ.

           ປະທານສະພາບໍລິຫານນິ ຄົມອຸດສາຫະກຳ ແລະ ການຄ້າ ກ່າວອີກວ່າ: ນັບແຕ່ໄດ້ຮັບອະນຸ ຍາດ ສ້າງຕັ້ງນິຄົມອຸດສາຫະກຳ ຢູ່ເຂດດັ່ງກ່າວ ທາງບໍລິສັດໄດ້ໂຄ ສະນາເຜີຍແຜ່ນະໂຍບາຍສະ ເພາະຂອງນິ ຄົມອຸດສາຫະກຳ ເຂດດັ່ງກ່າວ ເພື່ອດຶງດູດ ແລະ ຍາດແຍ້ງເອົາຄວາມສົນໃຈຈາກ ບໍລິສັດຕ່າງໆເຂົ້າມາ ລົງທຶນ ແລະ ກໍໄດ້ຮັບການຕອບຮັບທີ່ດີ ຈາກຫຼາຍບໍລິສັດຕ່າງປະເທດ ເຊັ່ນ: ສປ ຈີນ, ຍີ່ປຸ່ນ, ຝຣັ່ງ, ມາ ເລເຊຍ, ໄທ, ດານມາກ ແລະ ນັກ ທຸລະກິດອື່ນໆ ເຊິ່ງມາຮອດປັດ ຈຸບັນມີຜູ້ມາຈັບຈອງ ແລະ ລົງທະ ບຽນໄປແລ້ວ 17 ບໍລິສັດໃນ 50 % ຂອງເນືອທີ່ດິນສຳປະທານທັງ ໝົດ. ໃນນັ້ນ ມີ 4 ບໍລິສັດ ໄດ້ມີ ການກໍ່ສ້າງໂຮງງານ ແລະ ນຳ ເຂົ້າວັດຖຸອຸປະກອນ ເພື່ອການກໍ່ ສ້າງລວມມູນຄ່າຫຼາຍກວ່າ 3 ລ້ານ ໂດລາສະຫະລັດ ແລະ 1 ຕື້ ກວ່າເຢນ. ນອກນັ້ນ ຍັງມີ 2 ບໍລິ ສັດ ໄດ້ມີການພັດທະນາ ແລະ ສົ່ງ ອອກສິນຄ້າໄປປະເທດຍີ່ປຸ່ນ ແລະ ເຢຍລະມັນໄດ້ແລ້ວ ລວມມູນຄ່າ ການສົ່ງອອກໃນຜ່ານມາຫຼາຍ ກວ່າ 1 ລ້ານໂດລາສະ ຫະລັດ ນອກຈາກບັນດາບໍລິສັດ ແລະ ນັກລົງທຶນຂອງປະເທດຕ່າງໆທີ່ ກ່າວ ມາຂ້າງເທິງນັ້ນແລ້ວ ຍັງມີ ອີກຫຼາຍບໍລິສັດທີ່ຢູ່ໃນຂັ້ນຕອນ ຂອງການສຶກສາຂໍ້ມູນຄວາມເປັນ ໄປໄດ້ທີ່ຈະມາລົງທຶນໃນເຂດ ດັ່ງ ກ່າວຕື່ມອີກ.

        ສຳລັບການກໍ່ສ້າງພື້ນຖານ ໂຄງລ່າງເປັນຕົ້ນເສັ້ນທາງ, ການ ບຸກເບີກພື້ນທີ່, ຄອງລະບາຍນ້ຳ ແລະ ວຽກງານອື່ນໆ ປັດຈຸບັນ ສຳເລັດໄປແລ້ວປະມານ 80 %, ສ່ວນການສະໜອງ ໄຟຟ້າ ແລະ ນ້ຳປະປານັ້ນ ຄາດຈະລຳເລັດ ໃນທ້າຍປີ 2013 ນີ້.

           ປະທານສະພາບໍລິຫານນິ ຄົມອຸດສາຫະກຳດັ່ງກ່າວຢ້ຳວ່າ: ຫາກໂຄງການນີ້ສຳເລັດສົມບູນ ກໍຈະ ນຳຜົນປະໂຫຍດມາສູ່ພາກ ລັດ ແລະ ປະຊາຊົນລາວ ຈາກ ການແບ່ງປັນຜົນຂອງການ ຖືຫຸ້ນ 30 % ແລະ ຈະຊ່ວຍສ້າງວຽກ ເຮັດງານທຳຈາກການ ຈ້າງງານ ໂດຍທາງບໍລິສັດຈະເປັນຜູ້ໃຫ້ ການເຝິກອົບຮົມ ແລະ ສອນ ວິ ທີ ການເຮັດວຽກໃຫ້ປະຊາຊົນຜູ້ເຂົ້າປະກອບການໃໝ່ໃຫ້ສາມາດດຳເນີນງານໄດ້ປົກກະຕິ ແລະ ລັດຖະບານຈະມີ ລາຍຮັບຈາກການເກັບຄ່າພາສີອາກອນຕ່າງໆອີກດ້ວຍ.