ທະນາຄານແຫ່ງ ສປປ ລາວ ແລະ ທະນາຄານໂລກ ຫາລື ບັນຫາໂຕຊີ້ບອກຄວາມເຂັ້ມແຂງທາງການເງິນ

     ທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ (BOL) ໄດ້ໃຫ້ກຽດ ຕ້ອນຮັບຄະນະຊ່ຽວຊານ ທະນາ ຄານໂລກ (WB) ເຊິ່ງນຳໂດຍ ທ່ານ ໂຈເດລູນາ ມາຕິເນສ (Jose De Luna Martinez) ຊ່ຽວຊານ ອາວຸໂສດ້ານ ການເງິນ ແລະ ທ່ານນາງ ລັດສະດາ ອານັນທາ ລາສິປາ (Ratchada Anantavrasilpa) ຊ່ຽວຊານຂະ ແໜງການເງິນຈາກ WB ເພື່ອ ປຶກສາຫາລືລາຍລະອຽດຄວາມ ຕ້ອງການການຊ່ວຍເຫລືອທາງວິຊາການຈາກທະນາຄານໂລກ (WB) ໃຫ້ທະນາ ຄານແຫ່ງ ສປປ ລາວ (BOL) ໃນຂົງເຂດໂຕຊີ້ ບອກຄວາມເຂັ້ມແຂງທາງການ ເງິນ ແລະ ວຽກງານຕ້ານການ ຟອກເງິນ-ການຕ້ານສະໜອງທຶນ ໃຫ້ແກ່ການກໍ່ການຮ້າຍ ແລະ ການປຶກສາຫາລືດັ່ງກ່າວໄດ້ມີ ຂຶ້ນຢູ່ທະນາຄານແຫ່ງ ສປປ ລາວ ນະຄອນຫລວງວຽງຈັນ ໃນຕົ້ນອາທິດແລ້ວນີ້.

    ໃນການພົບປະລະຫວ່າງຮອງ ຜູ້ວ່າການ BOL ແລະ ຄະນະ ຊ່ຽວຊານທະນາຄານໂລກເທື່ອນີ້ ໄດ້ບັນລຸຄວາມເຫັນ ບາງບັນຫາທີ່ ຈະໄດ້ນຳໄປສູ່ການຈັດຕັ້ງປະຕິ ບັດໃນອະນາຄົດກ່ຽວກັບການລິ ເລີ່ມສ້າງໂຕຊີ້ບອກຄວາມເຂັ້ມ ແຂງທາງການ ເງິນ ໂດຍໄດ້ມີກົມ ທີ່ກ່ຽວຂ້ອງ ແລະ WB ໄດ້ປຶກສາ ຫາລືກັນລະອຽດກ່ຽວກັບຄວາມ ຕ້ອງການການຊ່ວຍເຫລືອຈາກ WB ໂດຍສະເພາະການສົ່ງຊ່ຽວຊານມາຊ່ວຍເຫລືອ ເພື່ອແນະນຳ ໃນການຈັດຕັ້ງປະຕິບັດໃນແຕ່ລະໜ້າວຽກເຊິ່ງອາດ ຈະກຳນົດ ລາຍລະອຽດຂອງການຊ່ວຍເຫລືອລວມເຖິງການຊ່ວຍເຫລືອ ບາງບັນຫາໃນວຽກງານຕ້ານການຟອກເງິນ.