ຖະແຫລງຂ່າວກອງປະຊຸມສຸດຍອດຊີແອວເອັມວີ-ແອກແມັກ-ຊີແອວວີ

          ສປປ ລາວ​ໄດ້​ຮັບ​ກຽດ​ເປັນ​ເຈົ້າພາບ​ຈັດກອງ​ປະຊຸມ​ສຸດ​ຍອດ​ສີ່​ປະ​ເທດ: ກຳປູ​ເຈຍ, ລາວ, ມຽນມາ ​ແລະ ຫວຽດ ນາມ (CLMV) ຄັ້ງທີ 6 ​ແລະ ກອງ​ປະຊຸມ​ສຸດ​ຍອດ ຂອບ ​ຍຸດ​ທະ​ສາດ​ການ​ຮ່ວມ​ມື​ດ້ານ​ເສດຖະກິດ ​ແມ່ນ້ຳ​ອີຣະວະ​ດີ-​ແມ່ນ້ຳ​ເຈົ້າ​ພະຍາ-​ແມ່ນ້ຳ​ຂອງ, ພ້ອມ​ນັ້ນຍັງ​ມີ​ກອງ​ປະຊຸມ​ສຸດ​ຍອດ 3 ຫລ່ຽມ ພັດທະນາ ກຳປູ​ເຈຍ-ລາວ-ຫວຽດນາມ (CLV) ​ໂດຍ​ການ​ເປັນ​ເຈົ້າພາບ​ຂອງ ສສ.ຫວຽດນາມ ​ໄດ້​ຈັດ​ຂຶ້ນ​​ແຕ່​ວັນ​ທີ 11-13 ມີນາ 2013 ທີ່​ນະຄອນ​ຫລວງ​ວຽງຈັນ.

         ທ່ານ ດຣ. ທອງ​ລຸນ ສີ​ສຸ​ລິດ ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ ການ​ຕ່າງປະ​ເທດ ​ໄດ້​ຖະ​ແຫລ​ງຂ່າວ​ຕໍ່ສື່​ມວນ​ຊົນ ​ໃນ​ວັນ​ທີ 11 ມີນາ 2013 ​ໂດຍ​ຍົກ​ໃຫ້​ເຫັນ​ຜົນສຳ​ເລັດ​ ​ແລະ ຄວາມ​ເປັນ​ມາ ຂອງ​ການ​ຮ່ວມ​ມື​ໃນ​ແຕ່ລະ​ຂົງ​ເຂດ ກໍ​ຄືການ​ຮ່ວມ​ມື​ຂອງ 4 ປະ​ເທດ​ສະມາ​ຊິກ​ອາຊຽນ​ໃໝ່ CLMV ຊຶ່ງ​ເກີ​ດຂຶ້ນ​ໃນ​ໂອກາດກອງ​ປະຊຸມ​ສຸດ​ຍອດ​ອາຊຽນ ຄັ້ງ ທີ 10 ທີ່​ນະຄອນຫລວງ​ວຽງຈັນ​ໃນ​ປີ 2004, ມີ​ຈຸດປະສົງ​ເພື່ອ​ພັດ ທະນາ​ອານຸພາກພື້ນ ​ໂດຍ​ການ​ເພີ່ມຄວາມ​ເຄົາລົບ​ນັບ ຖື​ຊິ່ງ​ກັນ ​ແລະ ກັນ, ພ້ອມ​ທັງ​ ເນັ້ນການ​ຮ່ວມ​ມື​ເພື່ອ​ພັດທະນາ​ຮອບດ້ານ; ນຳ​ໃຊ້​ທ່າ​​ແຮງ​ທາງ​ເສດຖະກິດ​ຂອງ​ແຕ່ລະ​ປະ​ເທດ​ ເຂົ້າ​ໃນ​ການ​ສົ່ງ​ເສີມ​ການ​ພັດທະ ນາ​ແບບ​ຍືນ​ຍົງ; ຍົກ​ສູງ​ລະດັບ​ຊີວິດ​ການ​ເປັນ​

ຢູ່​ຂອງ​ປະຊາຊົນໃຫ້​ດີ​ຂຶ້ນເລື້ອຍໆ ​ເລັ່ງລັດ​ການ​ເຊື່ອມ​ໂຍງ​ດ້ານ​ເສດ ຖະກິດ​ຂອງ 4 ປະ​ເທດ ​ເພື່ອ​ກ້າວ​ສູ່​ການ​ເປັນ​ປະຊາ​ຄົມ​​ເສດຖະກິດ ອາຊຽນ. ຄວາມ​ຄືບໜ້າ ​ແລະ ຜົນ ສຳ​ເລັດ​ຂອງ​ການ​ຮ່ວມ​ມື 4 ປະ​ເທດ, ສປປ ລາວ ​ໃນ​ຖານະ​ປະ​ເທດ​ປະສານ  ​ໄດ້​ນຳ​ສົ່ງ 16 ​ໂຄງການ​ບູລິ​ມະ​ສິດໃຫ້​ປະ​ເທດ​ລະ 4 ​ໂຄງການ​ໃນ​ປີ 2011, ປັດຈຸ​ບັດ​ມີ 8 ​ໂຄງການ​ສຳ​ເລັດ ​ແລະ ກຳລັງ​ປະຕິບັດ; ສສ ຫວຽດນາມ ​ໄດ້​ສະໜອງທຶນ​ການ​ສຶກ ສາ 20 ທຶນ​ໃຫ້​ແຕ່ລະ​ປະ​ເທດຕໍ່ປີ, ລວມທັງ ​ສປປ ລາວ ​ທີ່​ຈະ​ໄດ້​ຮັບ​ໃນ​ແຕ່ລະ​ປີ; ການ​ຮ່ວມ​ມື​ຂະ​ແໜງການ​ຕ່າງໆມີ​ຄືບໜ້າ ດີໂດຍ​ສະ​​ເພາະ​ຂະ​ແໜງທ່ອງ​ທ່ຽວມີ​ນັກ​ທ່ອງ​ທ່ຽວ​ເຂົ້າ​ມາ​ທ່ຽວຢູ່ 4 ປະ​ເທດ​ຫລາຍ​ກວ່າ 14,8 ລ້ານ​ຄົນ, ສຳ ລັບ ​ສປປ ລາວ ​ໄດ້​ຮັບ​ຕ້ອນ​ນັກ​ທ່ອງ​ທ່ຽວ ປະມານ 3,3 ລ້ານ​ຄົນ ຕາມ​ແຜນການ​ຈະ​ໃຫ້​ບັນລຸ 25 ລ້ານ​ຄົນ; ປີ 2008 ຍີ່ປຸ່ນ​ປະກາດ​ໃຫ້​ທຶນ 20 ລ້ານ​ໂດ​ລາ​ສະຫະລັດ ​ເພື່ອ​ຊ່ວຍ​ເຫລືອ​ປັບປຸງ​ລະບົບພະ ລາທິການ ​ແລະ ຂົນ​ສົ່ງ​ຕາມ​ແລວ​ເສດຖະກິດ ຕາ​ເວັນ​ອອກ-ຕາ​ເວັນ​ຕົກ ​ແລະ ​ແລວ​ເສດ ຖະກິ​ດໃຕ້, ​ໃນ​ນັ້ນ ມີ 2 ​ໂຄງການຫລາຍ​ຝ່າຍ​ໄດ້​ຮັບ​ການຈັດຕັ້ງປະຕິບັດ​ສຳ​ເລັດ​ຢູ່ ສປປ ລາວ ​ຄື: ​ໂຄງການ​ປັບປຸງ​ດ່ານ​ຊາຍ​ແດນ​ ແດນສະ ຫວັນ-ລາວ​ບາ​ວ ມູນ​ຄ່າ 1 ກວ່າ​ໂດ​ລາ​ສະຫະລັດ, ​ໂຄງການ​ກໍ່ ສ້າງ​ຈຸດ​ພັກ​ລົດ ເມືອງ​ພະ​ລານ​ໄຊມູນ​ຄ່າ 5 ​ແສນ​ກວ່າ​ໂດ​ລາ​ສະຫະລັດ. ສຳລັບ​ໂຄງການ​ສອງ​ຝ່າຍ ສປປ ລາວ​ໄດ້​ຮັບ​ທຶນ 2,3 ລ້ານ​ໂດ​ລາ​ສະຫະລັດ ​ເພື່ອ​ປະຕິບັດ 3 ​ໂຄງການ​ຄື: ​ກໍ່ຈຸດ​ພັກ​ລົດ​ສາມ​ແຍກ​ເຊ​ໂນ, ​ໂຄງການ​ຄວາມ​ປອດ​ໄພ​ຕາມ​ເສັ້ນທາງ​ເລກ 9 ​ແລະ ສ້າງໜ່ວຍ ງານ​ຮັບຜິດຊອບ​ວຽກງານ​ຂົນ​ສົ່ງ​ຜ່ານ​ແດນທັງ 3 ​ໂຄງການ​ກຳລັງ​ປະຕິບັດ.

      ສຳລັບ​ຂອບ​ຍຸດ​ທະ​ສາດ​ການ​ ຮ່ວມ​ມື​ດ້ານ​ເສດຖະກິດ ​ແມ່ນ້ຳ​ອີຣະວະ​ດີ-​ແມ່ນ້ຳ​ເຈົ້າ​ພະຍາ-​ແມ່ ນ້ຳ​ຂອງ ຫລື ​ແອັກ​ແມັກ ​ຜູ້ນຳ​ 4 ປະ​ເທດຄື: ສປປ ລາວ, ກຳປູ​ເຈຍ, ມຽນມາ ​ແລະ ​ໄທ ໄດ້​ຈັດ​ກອງ​ປະຊຸມ​ສຸດ​ຍອດຂຶ້ນ  ທີ່ບາ​ການ, ມຽນມາໃນ​ປີ 2003, ປີ 2004 ທີ່​ກະ​ບີ່ ປະ​ເທດ​ໄທ ພ້ອມ​ຮັບ​ເອົາ ສສ ຫວຽດນາມ​ເຂົ້າ​ເປັນ​ສະມາ ຊິກ​ປະ​ເທດ​ທີ 5 ​ເພື່ອ​ສຸມ​ໃສ່​ຫລຸດ ຜ່ອນ​ຄວາມ​ແຕກ​ໂຕນ​ທາງ​ດ້ານ​ການ​ພັດທະນາ ​ແລະດ້ານ​ເສດຖະ ກິດ​ຂອງ​ປະ​ເທດ​ສະມາຊິກໃໝ່ ຂອງອາຊຽນ; ສົ່ງ​ເສີມ​ຄວາມ​ເຕີບ​ໂຕ​ທາງ​ເສດຖະກິດ ​ໃຫ້​ມີ​ສະ ຖຽນ​ລະ​ພາບ ​ແລະ ຄວາມ​ສາມັກ ຄີ ​ແບບ​ບ້ານ​ໃກ້​ເຮືອນຄຽງຢູ່​ໃນ​ອະ​ນ ພາກພື້ນ; ພ້ອມ​ກັນ​ວາງ​ແຜນ, ຂຸດ​ຄົ້ນ ​ແລະ ນຳ​ໃຊ້​ຈຸດ​ພິ​ເສດ, ທ່າ​ແຮງ​ບົ່ມ​ຊ້ອນ​ຕົວ​ຈິງ​ຂອງ​ແຕ່ລະ​ປະ​ເທດ ​ໃຫ້​ກາຍ​ເປັນ​ກຳລັງ​ແຮງ​ໃນ​ການ​ພັດທະນາ​ເສດຖະ ກິດ-ສັງຄົມ; ວາງ​ແຜນ​ການ, ​ໂຄງການ ​ແລະ ມາດ​ຕະ ການ​ຕ່າງໆ​ໃຫ້​ແທດ​ເໝາ​ະກັບ​ກາລະ​ໂອກາດ ​ແລະ ສິ່ງ​ທ້າ​ທາຍ​ຕ່າງໆ ​ເພື່ອ​ສ້າງ​ຂີດ​ຄວາມ​ສາມາດ​ດ້ານ​ເສດຖະກິດ 5 ປະ​ເທດ ​ແລະ ​ເຊື່ອມ​ໂຍງ​ກັບ​ເສດຖະກິດ​ອະນຸ​ພາກ ພື້ນ, ພາກພື້ນ ​ແລະ ສາກົນ.

          ຜົນ​ປະ​ໂຫຍ​ດທີ່ ສປປ ລາວ ​ໄດ້​ຮັບ​ໃນ​ຂອບ​ແອັກ​ແມັກ ​ສະ​ເພາະ​ໄລຍະ 2010-2012 ປະກອບ​ມີ ການ​ເຊື່ອ​ມໂຍງ​ເສັ້ນທາງ​ຄົມ ມະນາຄົມ​ຂົນສົ່ງ, ການ​ພັດທະນາ​ຊັບພະຍາກອນ​ມະນຸດ, ການ​ອຳ​ນວນ​ຄວາມ​ສະດວກ​ດ້ານ​ການ​ຄ້າ ​ແລະ ການ​ລົງທຶນ ​ແລະ ຂະ​ແໜງ​ສາທາລະນະ​ສຸກ ​ໃນ​ນັ້ນປະ ກອບ​ມີ ​ໄດ້​ຮັບ​ການ​ຊ່ວຍ​ເຫລືອ​ລ້າ ຈາກ​ລັດຖະບານ​ໄທ ​ໃນ​ການ​ກໍ່ສ້າງ​ຂົວ​ຂ້າມ​ແມ່ນ້ຳ​ຂອງ ທ່າ​ແຂກ-ນະຄອນ​ພະນົມ, ການ​ສ້າງ​ຂົວ​ຂ້າມ​ນ້ຳຂອງ​ຫ້ວຍ​ຊາຍ-ຊຽງ​ຂອງ ທີ່​ໄທ​ຈະ​ໃຫ້​ທຶນ​ໃນ​ການ​ກໍ່ສ້າງ 50% ຂອງ​ມູນ​ຄ່າ​ກໍ່ສ້າງ, ​ໂຄງການ​ພັດທະນາ​ທາງ​ລົດ​ໄຟ​ຈາກ​ ໜອງ​ຄາຍ-ທ່າ​ນາ​ແລ້ງ; ​ໄດ້​ຮັບ​ທຶນ​ສະໜັບສະໜູນ​ຈາກ​ລັດຖະ ບານ​ໄທ ​ໃນ​ການຮັບ​ເອົາ​ພະນັກ ງານ​ຂອງ​ລາວ ​ໄປ​ຮຽນ​ຕໍ່​ໃນ​ລະ ດັບ​ປະລິນຍາ​ໂທ ​ແລະ ປະລິນຍາ​ເອກ ​ໃນ​ສາຂາ​ຕ່າງໆ​ທີ່ ສປປ ລາວ ມີ​ຄວາມ​ສົນ​ໃຈ ​ປະມານ 2-5 ທຶນ​ຕໍ່​ປີ. ນອກ​ນັ້ນຍັງ​ໄດ້​ຈັດ​ຝຶກ​ອົບ​ຮົມ​ແລະ ຍົກ​ລະດັບ​ຄວາມ​ ຮູ້​ໃນ​ຂະ​ແໜງ​ການ​ຮ່ວມ​ມື​ຕ່າງໆ​ພາຍ​ໃຕ້​ຂອບ​ແອັກ​ແມັກ; ​ໄດ້​ຮັບ​ນະ​ໂຍບາຍ​ໃນ​ການ​ຫລຸດຜ່ອນ​ມູນ​ຄ່າ​ການ​ຂົນ​ສົ່ງ​ສິນຄ້າ​ໄປ​ໄທ ​ແລະ ສິນຄ້າ​ຜ່ານ​ແດນ ພ້ອມ​ທັງ​ຄ່າ​ສິ້ນ​ເປືອງ​ຕ່າງໆ ທີ່​ຕິດ​ພັນ​ກັບ​ການ​ຂົນ​ສົ່ງ ບໍ່​ໃຫ້​ມີ​ຄວາມ​ແຕກ​ຕ່າງ​ກັນ​ຫລາຍ ​ໂດຍ​ອາ​ໄສ​ສັນ ຍາ​ທີ່​ມີ​ນຳ​ກັນ, ​ໄດ້​ຮັບ​ສິດທິ​ພິ​ເສດ​ທາງການ​ຄ້າ ​ໃຫ້​ແກ່​ສິນຄ້າ​ຂາ​ອອກ ຂອງ ສປປ ລາວ ຫລາ​ຂຶ້ນ ກວ່າ​ເກົ່າ ພ້ອມ​ກັນນັ້ນກໍ​ເປັນ​ການ​ສ້າງ​ຄວາມ​ໝັ້ນ​ໃຈ ​ແລະ ດຶງ​ດູດ​ນັກທຸລະກິດ​ຂອງ​ໄທ​ເຂົ້າ​ມາ​ລົງ ທຶນ​ໃນ​ດ້ານ​ຕ່າງໆ​ຢູ່ ລາວ ຫລາຍ​ຂຶ້ນ;ໄດ້​ຮັບ​ອຸປະກອນ ​ແລະ ​ເຄື່ອງ​ ຊ່ວຍ​ເຫລືອ ຈາກ​ລັດຖະ ບານ​ໄທ ​ເພື່ອ​ປະ​ກອບ​ສ່ວນ​ເຂົ້າ​ໃນ​ວຽກ​ງານ​ຕ້ານ ​ແລະ ຄວບ​ຄຸມພະ​ຍາດ​ໄຂ້ຫວັດ​ສັດ​ປີກ.

          ໃນ​ໂອກາດ​ດັ່ງ​ກ່າວ ກອງ​ປະຊຸມ ສຸດ​ຍອດ ກຳປູ​ເຈຍ-ລາວ- ຫວຽດນາມ (CLV)  ຄັ້ງທີ 7 ທີ່​ຈະ​ຈັດ​ຂຶ້ນທີ່ ສປປ ລາວ ​ໂດຍ​ການ​ເປັນ​ປະທານ​ຂອງ ສສ ຫວຽດນາມ ​ແມ່ນ​ມີ​ຈຸດປະ​ສົ່ງ ​ເພື່ອສ້າງ​ໃຫ້​ຂົງ​ເຂດ​ຊາຍ​ແດນ 3 ປະ​ເທດ ມີ​ຄວາມ​ສະຫງົບ ​ແລະ ພັດ​ທະ​ນາ​ດ້ານ​ເສດຖະກິດ​ໃຫ້​ໄວ​ຂຶ້ນ; ເພີ່​ມທະວີ​ການ​ພົວພັນ​ຮ່ວມ​ມື​ຊ່ວຍ​ເຫລືອ ​ເຊິ່ງກັນ ​ແລະ ກັນ ​ເພື່ອ​ພ້ອມ​ກັນ​ເລັ່ງລັດ​ການ​ພັດທະ ນາ​ເສດຖະກິດ-ສັງຄົມ ​ໂດຍ​ນຳ​ໃຊ້​ທ່າ​ແຣງ ​ແລະ ຊັບພະຍາກອນ​ທຳ​ມະ​ຊາດ​ທີ່​ມີ​ຢູ່​ໃຫ້​ເກີດ​ຜົນ​ປະ​ໂຫຍ​ດ ສູງ​ສຸດ; ສຶກສາ​ຄົ້ນຄວ້າ​ນຳ​ສະ​ເໜີ​ນະ​ໂຍບາຍ ​ແລະ ບັນ ດາ​ກົນ​ໄກ​ຮ່ວມ​ມື​ທີ່​ສອດຄ່ອງ ​ແລະ ​ເໝາະ​ສົມ ​ເພື່ອ​ດຶງ​ດູດ​ການ​ລົງທຶນ​ຈາກ​ຂົງ​ເຂດ​ອື່ນ ​ເຂົ້າ​ມາ​ເຂດ​ສາມຫລ່ຽມພັດທະນາ, ຊອກ​ແຫ​ລ່ງທຶນ ​ແລະ ການ​ຊ່ວຍ​ເຫລືອ​ດ້ານ​ເຕັກນິກ ວິຊາ​ການ​ຈາກ​ປະ​ເທດ​ອາຊຽນ ​ແລະ ບັນດາ​ປະ​ເທດ​ຄູ່​ເຈລະຈາ​ອາຊຽນ ພ້ອມ​ດ້ວຍ​ປະ​ເທດ​ຄູ່​ພັດທະນາ​ຕ່າງໆ ​ເພື່ອ​ຈັດ ຕັ້ງປະຕິບັດ​ໂຄງການ​ບູລິ​ມະ​ສິດ ​ໃຫ້​ເປັນ​ການ​ພັດທະນາ​ແບບ​ຍືນ​ຍົງ.