ລັດວິສາຫະກິດນ້ຳປະປານະຄອນ ຫລວງວຽງຈັນ
ພວມເລັ່ງດຳເນີນການປ່ຽນຖ່າຍທໍ່ນ້ຳປະປາໃໝ່ຕົວເມືອງຕ່າງໆຂອງນະຄອນຫລວງວຽງຈັນ,
ຫລັງຈາກຫລາຍປີຜ່ານມາ ລັດຕ້ອງເສຍເງິນເປັນຈຳນວນຫລາຍ ຍ້ອນບັນຫານ້ຳປະປາຮົ່ວໄຫລ
ເຊິ່ງເກີດຈາກທໍ່ນ້ຳເກົ່າມີອາຍຸໃຊ້ງານຫລາຍປີ.
ທ່ານ ສີສະໝອນ ກົງມະນີ ຫົວໜ້າໂຄງການຂະຫຍາຍຕາໜ່າງສະໜອງນ້ຳປະປານະຄອນຫລວງວຽງຈັນ
ໃຫ້ສຳພາດຕໍ່ນັກຂ່າວໜັງສືພິມລາວພັດທະ ນາ ໃນວັນທີ 4 ມີນານີ້ວ່າ: ລັດວິສາຫະ
ກິດນ້ຳປະປາລາວ ໄດ້ຮັບທຶນຈາກອົງ ການຝຣັ່ງເພື່ອການພັດທະນາ (AFD) ເພື່ອຂະຫຍາຍຕາໜ່າງແລະ
ຍົກລະດັບຄຸນນະພາບນ້ຳ ປະປາຢູ່ນະຄອນຫລວງວຽງຈັນ ເຊິ່ງໄລຍະທຳອິດເລີ່ມແຕ່ປີ
2000-2005 ແມ່ນການສ້າງອ່າງເກັບນ້ຳຂະໜາດ 1.000 ແມັດກ້ອນ, ຂະຫຍາຍທໍ່ສົ່ງໃນໄລຍະ
ຍາວ 100 ກິໂລແມັດ, ກໍ່ສ້າງເຮືອນໂປ້ມຊຸກສົ່ງນ້ຳຢູ່ເມືອງນາຊາຍທອງ ແລະ ເອົາກົງເຕີນ້ຳເຂົ້າເຮືອນປະມານ
3.500 ກົງເຕີ ໃນ 8 ເຂດຂອງ 5 ເມືອງ ມີມູນຄ່າປະມານ 6,5 ລ້ານເອີໂຣ ແລະ ໄລ
ຍະສອງ ແມ່ນເລີ່ມແຕ່ປີ 2007- 2009 ໂດຍໄດ້ຮັບການ
ຊ່ວຍເຫລືອທຶນຈາກອົງການ
AFD ເຊັ່ນດຽວກັນ ມູນຄ່າປະມານ 5,5 ລ້ານເອີໂຣ ເພື່ອປະຕິບັດການວາງທໍ່ນ້ຳປະປາໃໝ່ທີ່ມີຄວາມຍາວປະມານ
105 ກິໂລແມັດ, ຈັດຊື້ອຸປະກອນສ້ອມແປງຮັກສາລະ ບົບທໍ່ນ້ຳ, ປັບປຸງລະບົບວຽກບໍລິ
ຫານ ແລະ ຫລຸດຜ່ອນບັນຫານ້ຳ ສູນເສຍ.
ທ່ານ ສີສະໝອນ ກ່າວວ່າ: ສຳລັບວຽກງານຫລຸດຜ່ອນບັນ
ຫານ້ຳສູນເສຍແມ່ນການປ່ຽນຖ່າຍທໍ່ນ້ຳປະປາເກົ່າທີ່ມີຄວາມຍາວ 105 ກິໂລແມັດ
ໂດຍໄລຍະທຳອິດແມ່ນສຳເລັດການປ່ຽນຖ່າຍທໍ່ໄລຍະ 37 ກິໂລແມັດ ໃນທ້າຍປີ
2012 ແລະ ປັດຈຸບັນພວມ ເລັ່ງປ່ຽນຖ່າຍທໍ່ໃໝ່ຍາວ 26 ກິໂລແມັດ ແລະ ປ່ຽນກົງເຕີ້ແທກນ້ຳປະປາ
9 ພັນກວ່າໜ່ວຍ ໃຫ້ສຳເລັດໃນປີ 2013. ນອກຈາກນີ້ ນະຄອນຫລວງວຽງຈັນຍັງມີຄວາມຕ້ອງການປ່ຽນທໍ່ນ້ຳປະ
ປາໃໝ່ແທນທໍ່ເກົ່າຫລາຍກວ່າ 200 ກວ່າກິໂລແມັດ ໃຫ້ສຳເລັດໂດຍໄວ, ແຕ່ຍັງຂາດທຶນຮອນມາປະຕິບັດ.
ແຕ່ແນວໃດກໍຕາມ, ລັດ ຖະບານ ກໍພະຍາຍາມຊອກວິທີແກ້ໄຂ ເພາະວ່າທໍ່ທີ່ນຳໃຊ້ໃນປັດ
ຈຸບັນມີອາຍຸໃຊ້ງານຫລາຍສິບປີແລ້ວ ຈຶ່ງເຮັດໃຫ້ທໍ່ມີສະພາບຊຸດໂຊມ ແລະ
ເກດບັນຫານ້ຳຮົ່ວໄຫລຢ່າງຫລວງຫລາຍໃນແຕ່ລະວັນ ເຊິ່ງເຮັດໃຫ້ລັດຕ້ອງສູນເສຍລາຍຮັບເປັນຈຳນວນບໍ່ໜ້ອຍໃນແຕ່ລະປີ.
No comments:
Post a Comment