ທ່ານ ສຈ. ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະ
ຊວງສາທາລະນະສຸກ ໄດ້ໃຫ້ສຳພາດຕໍ່ສື່ມວນຊົນໃນໂອກາດເຂົ້າຮ່ວມກອງປະຊຸມເປີດກວ້າງຂອງລັດຖະບານປະຈຳ
6 ເດືອນ ຕົ້ນ ສົກປີ 2012-2013 ເຊິ່ງຈັດຂຶ້ນແຕ່ ວັນທີ 8-11 ເມສານີ້ ຢູ່ຫ້ອງປະ ຊຸມລັດຖະບານ
ໂດຍທ່ານໄດ້ໃຫ້ຮູ້ກ່ຽວກັບການປະຕິບັດນະໂຍ ບາຍການເກີດລູກ ແລະ ການປິ່ນ
ປົວເດັກນ້ອຍອາຍຸລຸ່ມ 5 ປີ ໂດຍບໍ່ເສຍຄ່າ ເຊິ່ງເປັນນະໂຍບາຍໜຶ່ງທີ່ມີປະສິດທິຜົນ
ໂດຍໄດ້ປະຕິບັດຢູ່ຫລາຍທ້ອງຖິ່ນ ແລະ ຈະຂະຫຍາຍໄປທົ່ວປະເທດ. ທັງນີ້ກໍເພື່ອເປັນການຮັບປະກັນ
ເຮັດໃຫ້ອັດຕາການຕາຍຂອງແມ່ ແລະ ເດັກຫລຸດລົງເປັນກ້າວໆ.
ລັດຖະມົນຕີວ່າການກະຊວງສາທາລະນະສຸກ ຍັງໃຫ້ຮູ້ອີກວ່າ:
ປະຕິບັດຕາມມະຕິກອງປະຊຸມໃຫຍ່ ຄັ້ງທີ IX ຂອງພັກ, ຂະແໜງສາທາລະນະສຸກໄດ້ຜັນຂະ ຫຍາຍມະຕິດັ່ງກ່າວ
ທາງສາທາ ລະນະສຸກ ໂດຍສືບຕໍ່ຖືເອົາການກັນພະຍາດ ແລະ ສົ່ງເສີມສຸຂະ ພາບເປັນຕົ້ນຕໍ,
ຖືເອົາການປິ່ນ ປົວທີ່ມີຄຸນນະພາບ ແລະ ຂະ ຫຍາຍຕາໜ່າງສາທາລະນະສຸກໃຫ້ທົ່ວເຖິງເປັນສຳຄັນ,
ໃນນັ້ນ ໄດ້ເອົາໃຈໃສ່ 4 ບຸກທະລຸ ເພື່ອໃຫ້ບັນລຸເປົ້າໝາຍສະຫັດສະວັດການພັດທະນາໃນປີ
2015 ແລະ ປະ ກອບສ່ວນແກ້ໄຂຄວາມທຸກຍາກ, ນຳພາປະເທດຊາດຫລຸດພົ້ນອອກຈາກສະຖານະປະເທດດ້ອຍພັດ
ທະນາໃນປີ 2020. ຕໍ່ສະພາບດັ່ງ ກ່າວ, ຂະແໜງສາທາລະນະສຸກ ໄດ້ວາງຍຸດທະສາດປະຕິຮູບສາ
ທາລະນະສຸກ, ໃນນັ້ນ ວຽກງານແມ່ ແລະ ເດັກເປັນບັນຫາທີ່ຈະຕ້ອງໄດ້ເອົາໃຈໃສ່
ເພື່ອບັນລຸເປົ້າໝາຍໃນການຫລຸດຜ່ອນອັດຕາການຕາຍຂອງແມ່ ແລະ ເດັກໃຫ້ໄດ້ນັ້ນ,
ຍັງ
ມີຫລາຍບັນຫາທີ່ຈະຕ້ອງໄດ້ປະຕິບັດ ເປັນຕົ້ນເພີ່ມຈຳນວນຜູ້ຊ່ວຍການເກີດລູກທີ່ຊຳນານ,
ຢູ່ທຸກສຸກສາລາໃຫ້ມີຜູ້ຊ່ວຍຜະດຸງ ຄັນຢ່າງໜ້ອຍ 50% ຂອງກໍລະນີ. ສ່ວນກອງທຶນຜູ້ທຸກຍາກ
ລວມທັງນະໂຍບາຍການເກີດລູກບໍ່ເສຍຄ່ານັ້ນ ຈະໄດ້ພະ ຍາ ຍາມໃຫ້ປະຊາຊົນໄດ້ເຂົ້າ
ຮ່ວມ ແລະ ມາເກີດລູກຢູ່ໂຮງໝໍ ຫລື ສຸກສາລາໂດຍບໍ່ໄດ້ເສຍຄ່າ ທັງນີ້ເພື່ອຫລຸດຜ່ອນອັດຕາການຕາຍຂອງແມ່
ແລະ ເດັກລົງເທື່ອລະກ້າວ.
ທ່ານຍັງກ່າວອີກວ່າ: ໄປຄຽງ ຄູ່ກັບນະໂຍບາຍດັ່ງກ່າວນັ້ນ,
ຂະແໜງສາທາລະນະສຸກກໍມີແຜນ ການຂະຫຍາຍຄັງປະກັນສຸຂະ ພາບ ໂດຍຈະລວມເອົາຄັງປະກັນສຸຂະພາບຕ່າງໆ
ມາລວມຢູ່ຄັງປະກັນສຸຂະພາບແຫ່ງຊາດເປັນ ອັນດຽວກັນ ໃນນີ້ ປະກອບມີ ການປະກັນສຸຂະພາບພາກລັດຖະ
ກອນ, ພາກວິສາຫະກິດ ແລະ ປະ ກັນສຸຂະພາບສຳລັບປະຊາຊົນທົ່ວໄປ.
No comments:
Post a Comment