ນັບຖອຍຫຼັງກ້າວເຂົ້າສູ່ການສະຫຼອງບຸນປີໃໝ່ລາວ
2013 ເພື່ອສ້າງບັນຍາ ກາດໃຫ້ມີຄວາມເບີກບານມ່ວນຊື່ນເຕັມໄປດ້ວຍຄວາມສາມັກຄີ ແລະ
ຫຼຸດຜ່ອນບັນຫາອຸປະຕິເຫດທາງຖະໜົນ, ເຈົ້າໜ້າທີ່ຕຳຫຼວດຈະລາຈອນ ນະຄອນຫຼວງ ໄດ້ເພີ່ມຄວາມເຂັ້ມ
ງວດບັນຈຸກຳລັງໃນການກວດ ກາຜູ້ຂັບຂີ່ຕາມທ້ອງຖະໜົນ ແລະ ໂຄສະນາການປ້ອງກັນອຸປະຕິເຫດຕາມຄຸ້ບ້ານ
ໃຫ້ມີຄວາມຮັບຮູ້ເພື່ອປະຕິບັດລະບຽບຈະລາ ຈອນເປັນຕົ້ນແມ່ນຈະເຂັ້ມງວດຕໍ່ຜູ້ດື່ມສິ່ງມືນເມົາຂັບລົດພາໃຫ້ເກີດອຸປະຕິເຫດໄລຍະບຸນ.
ຕາມການຖະແຫຼງຂ່າວຕໍ່ສື່ມວນຊົນຂອງທ່ານ
ພັນໂທ ພົມ ມະຈັນ ສວນບຸນມາ ຮອງຫົວໜ້າຫ້ອງຕຳຫຼວດ, ຫົວໜ້າ ພະແນກຈະລາຈອນນະຄອນຫຼວງ
ໃນວັນທີ 3 ເມສາ 2013 ນີ້ ວ່າ: ໃນ ໄລຍະສະຫຼອງບຸນປີໃໝ່ລາວ 2013 ນີ້ ໄດ້ເນັ້ນໃຫ້ເຈົ້າໜ້າທີ່ທຸກເມືອງໃຫ້ເອົາໃຈໃສ່ໃນການຄວບຄຸມບັນດາ
ຜູ້ຂັບຂີ່ທ່ີ່ດື່ມສິ່ງມືນເມົາ ໂດຍຈະມີການຕັ້ງຈຸດກວດກາ ແລະ ປະ ສານສົມທົບກັບພະແນກ
ຍທຂ ນະຄອນຫຼວງ ເພື່ອໂຄສະນາຕາມເສັ້ນທາງຕ່າງໆທັງນີ້ກໍເພື່ອເປັນການສະກັດກັ້ນການເກີດອຸ
ປະຕິເຫດໃນໄລຍະດັ່ງກ່າວໃຫ້ຫຼຸດລົງ.
ທ່ານພັນໂທ ພົມມະຈັນ ກ່າວວ່າ: ສະພາບອຸປະຕິເຫດຕາມທ້ອງຖະໜົນມາຮອດໄລຍະ
ນີ້ຍັງເກີດຂຶ້ນເປັນຈຳນວນ ຫຼາຍໂດຍສ່ວນໃຫຍ່ສາເຫດແມ່ນເກີດ ຍ້ອນຜູ້ຂັບຂີ່ດື່ມສິ່ງມຶນເມົາ
ສະ ນັ້ນ ໃນການສະຫຼອງບຸນປີໃໝ່ ລາວ ນີ້,ປະຊາຊົນລາວຈະມີການ ຈັດງານສ້າງສັນ ໂດຍຈະມີການ
ດື່ມສິ່ງມຶນເມົາ ຊຶ່ງອາດເຮັດໃຫ້ເກີດອຸປະຕິເຫດຕາມທ້ອງຖະໜົນ ແລະ ເພື່ອ
ຮັບປະກັນອຸປະຕິເຫດໃນໄລຍະດັ່ງກ່າວໃຫ້ຫຼຸດລົງ,ເຈົ້າ
ໜ້າທີ່ຈຶ່ງໄດ້ດຳເນີນ 5 ແຜນວຽກ ຄື ຈັດກຳລັງເຈົ້າໜ້າທີ່ລົງໂຄສະ ນາຕາມສາຍທາງຕ່າງໆພ້ອມທັງແຈກຢາຍແຜ່ນພັບໃນການປຸກລະ
ດົມການຂັບຂີ່ປອດໄພ ໂດຍສະເພາະຜູ້ຂັບຂີ່ລົດໃຫຍ່ແມ່ນຫ້າມດື່ມສິ່ງມຶນເມົາ,
ຜູ້ຂັບຂີ່ລົດຈັກແມ່ນຕ້ອງໃສ່ໝວກກັນກະທົບເພື່ອເປັນການຮັບປະກັນຄວາມປອດໄພຈາກອຸປະຕິເຫດ,
ນຳໃຊ້ກຳລັງປະຈຳຈຸດເສັ້ນທາງທີ່ມີ ການສັນຈອນໜາແໜ້ນໂດຍສະເພາະແມ່ນເສັ້ນທາງ
13 ເໜືອ, 13 ໃຕ້, ເສັ້ນທາງທ່າເດື່ອ ແລະ ເສັ້ນທາງໄກສອນ ໂດຍຈະເຮັດ ໜ້າທີ່ຕິດຕາມກວດກາຄວາມໄວ,
ກວດທາດເຫຼົ້າຂອງຜູ້ທີ່ສັນຈອນ ຕາມເສັ້ນທາງຫາກພົບເຫັນກໍຈະມີການຢຸດກັກໄວ້ຊົ່ວຄາວເພື່ອໃຫ້ຫາຍເມົາກ່ອນຈະປ່ອຍໄປ,
ເນັ້ນເຈົ້າໜ້າທີ່ທຸກຄົນ ລົງປະຈຳ ການຕາມປ້ອມຕ່າງໆ ເພື່ອເຮັດ ໜ້າທີ່ປ້ອງກັນວົງໃນເຂດເສັ້ນ
ທາງພ້ອມທັງມີພາກສ່ວນຈັດລະບຽບອອກເຄື່ອນໄຫວຕິດຕາມແຕ່ລະເສັ້ນ ທາງເພື່ອໂຄສະນາ
ແລະ ກວດກາການຈອດລົດເພື່ອ ບໍ່ໃຫ້ເກີດມີຄວາມແອອັດຕາມ ທ້ອງຖະໜົນ ແລະ ໃຫ້ໜ່ວຍງານ
ເຈົ້າ ໜ້າທີ່ປະຈຳເພື່ອຕິດຕາມສະ ພາບການເກີດອຸປະຕິເຫດ ແລະ ແກ້ໄຂໃຫ້ທ່ວງທັນ
ຊຶ່ງຄາດວ່າຈະມີການນຳໃຊ້ກຳລັງ 600 ກວ່າສະຫາຍ.ສຳລັບການກຽມ ປ້ອງກັນໃນຄັ້ງນີ້ຈະເລີ່ມແຕ່ວັນທີ
12 ຫາ 17 ເມສາ 2013 ຊຶ່ງເປັນມື້ສະຫຼອງປີໃໝ່ລາວ.
ທ່ານພັນໂທ ພົມມະຈັນ ສວນບຸນມາ ກ່າວວ່າ:
ຈາກການ ສະຫຼອງປີໃໝ່ລາວໃນປີຜ່ານມາ ພົບວ່າມີສະພາບອຸປະຕິເຫດເກີດຂື້ນຫຼາຍກວ່າ
50 ກໍລະນີ ໂດຍມີຜູ້ເສຍຊີວິດ 7 ຄົນ ໂດຍສ່ວນໃຫຍ່ແມ່ນ ຍ້ອນຜູ້ຂັບຂີ່ດື່ມສິ່ງມຶນເມົາ.
ແນວໃດກໍຕາມຍັງພົບວ່າສະ ພາບອຸປະຕິເຫດແມ່ນຈະມັກເກີດຂຶ້ນຢູ່ເຂດຊານເມືອງ,
ເສັ້ນທາງ 13 ເໜືອ ແລະ 13 ໃຕ້ ຍ້ອນປະຊາ ຊົນມີການເດີນທາງອອກໄປທ່ຽວ ຫຼິ້ນເຂດຫ່າງໄກ
ແລະ ສະຖານທີ່ທ່ອງທ່ຽວຕ່າງໆ. ສະນັ້ນ ຈຶ່ງມັກເກີດອຸປະຕິເຫດໃນໄລຍະຂາກັບມາໂດຍສະເພາະໃນເວລາ
16 ໂມງຂຶ້ນໄປ.ນອກນີ້ຍັງພົບເຫັນຜູ້ຂັບຂີ່ຝ່າຝືນກົດລະບຽບຂໍ້ຫ້າມ ຄື ໃຊ້ສາຍທໍ່ນ້ຳອອກມາຈາກເຮືອນ
ເພື່ອຫົດນ້ຳຕາມທ້ອງຖະໜົນ, ນຳໃຊ້ລົດບັນຈຸຖັງນ້ຳ,ຄຸນ້ຳເລາະຫົດຕາມເສັ້ນທາງ
ແລະ ມີການແກວ່ງຖົງນ້ຳໃສ່ກັນຊຶ່ງເປັນອັນຕະລາຍເຮັດໃຫ້ແວ່ນລົດແຕກ ລວມທັງເກີດອຸປະຕິເຫດຕາມມາ.
ດັ່ງນັ້ນໃນການຫຼິ້ນບຸນປີໃໝ່ປີນີ້,ເຈົ້າໜ້າທີ່ຈະລາຈອນຈະເພີ່ມທະວີເຂັ້ມງວດຕໍ່ຜູ້ທີ່ລະເມີດຂໍ້ຫ້າມໂດຍຈະມີການປັບໃໝ
ແລະ ຖ້າຫາກກໍລະນີຮ້າຍແຮງກໍຈະມີການກັກພ້ອມທັງດຳເນີນ ຄະດີຕາມລະບຽບກົດໝາຍ,
ຈຶ່ງຢາກໃຫ້ປະຊາຊົນລາວ ຮ່ວມກັນສະເຫຼີມສະຫຼອງ ບຸນປີໃໝ່ລາວໃຫ້ ມີຄວາມເບີກບານມ່ວນຊື່ນ
ແລະ ໃຫ້ຖືກຕ້ອງຕາມຮີດຄອງວັດທະນະທຳປະເພນີຂອງລາວເຮົາ.
No comments:
Post a Comment