ການຊື້-ຂາຍຄຳໃນຕະຫລາດມີບັນຍາກາດຄຶກຄັກຫລັງລາຄາຕົກຕ່ຳ

        ຫລັງປີໃໝ່ລາວມານີ້,ຮ້ານ ຂາຍຄຳຢູ່ຕະຫລາດເຊົ້າຫລາຍຮ້ານ ໄດ້ມີບັນຍາກາດຄືກຄັກຍ້ອນປະຊາຊົນຈຳນວນຫລາຍ ໄດ້ພາກັນໄປຊື້ຄຳຮູບປະພັນ, ຫລັງລາຄາຄຳໄດ້ຫລຸດລົງ ຫລາຍໃນໄລຍະນີ້.

     ທ່ານ ພູວົງ ພະມີສິດ ປະທານ ສະມາຄົມຊາວຄ້າຂາຍອັນຍະມະ ນີ ແລະ ເຄື່ອງປະດັບລາວ ເຈົ້າຂອງຮ້ານຄຳພູວົງ ໃຫ້ຮູ້ ໃນວັນທີ 22 ເມສານີ້ວ່າ: ລາຄາຄຳໃນມື້ ດັ່ງກ່າວຂາຍອອກປະມານ 5,4 ລ້ານກວ່າກີບຕໍ່ບາດ(4 ສະຫລຶງ), ແຕ່ກ່ອນໜ້ານີ້ ປະມານສອງເດືອນລາຄາຄຳຈະຢູ່ໃນລະດັບ 6 ລ້ານກວ່າກີບຕໍ່ບາດເຊິ່ງຖືວ່າ ເປັນການຫລຸດລົງຂອງລາຄາຄຳໃນຮອບຫລາຍ ສີບປີຢູ່ລາວ ແລະ ເຫັນວ່າຫລາຍວັນຜ່ານມາມີປະ ຊາຊົນຈຳນວນຫລາຍເຂົ້າມາຊື້ຄຳເພື່ອການສະສົມ ແລະການ ປະດັບເອ້.

       ປະທານສະມາຄົມອັນ ຍະມະນີ ແລະ ເຄື່ອງປະດັບລາວ ບອກວ່າ: ສາເຫດທີ່ພາໃຫ້ລາຄາຄຳຫລຸດລົງສ່ວນໜຶ່ງແມ່ນ ເກີດຈາກກະແສການເໜັງຕິງ ຂອງລາຄາຄຳໃນຕະຫລາດໂລກ ເມື່ອບໍ່ດົນມານີ້ ທີ່ມີຜົນມາຈາກບັນດາປະເທດໃນທະ ວີບເອີ ຣົບ ໂດຍສະເພາະແມ່ນປະເທດໄຊປຣັດ, ອີຕາລີ ທີ່ມີຄຳສະສົມ ຫລາຍເປັນອັນດັບຕົ້ນໆຂອງໂລກໄດ້ນຳຄຳອອກມາຂາຍ ເພື່ອເປັນທຶນໃນການຟື້ນຟູເສດຖະກິດຂອງປະເທດ.

    ແຕ່ແນວໃດກໍຕາມ, ທ່ານ ພູວົງ ກ່າວວ່າ: ຜູ້ທີ່ມາຊື້ຄຳໃນໄລຍະທີ່ລາຄາຄຳຫລຸດລົງນີ້ສ່ວນຫລາຍແມ່ນຊື້ເພື່ອການປະ ດັບ ເອ້ ໂດຍສະເລ່ຍຜູ້ໜຶ່ງຊື້ປະມານ 1-2 ບາດ ເທົ່ານັ້ນ, ແຕ່ບໍ່ແມ່ນຊື້ເພື່ອການເກັບມ້ຽນຂາຍເພື່ອເກງກຳໄລຄືກັບກະແສການ ຊື້ຄຳຢູ່ປະເທດໃກ້ຄຽງທີ່ຊື້ກັນເປັນຈຳນວນຫລາຍເພື່ອຫວັງຜົນາໄລ.