ກົມຕຳຫຼວດຈະລາຈອນ ຈັບມືກັບ ລາວໂທລະຄົມຈັດກິດຈະກຳ
ລະດົມ ການຂັບຂີ່ປອດໄພໃສ່ໝວກກັນກະທົບ ແລະ ໂຄສະນາປະຊາສຳພັນຕາມຄຸ້ມບ້ານເພື່ອໃຫ້ຜູ້ຂັບຂີ່ໄດ້ມີສະຕິໃນການຂັບຂີ່ຍານພາ
ຫະນະຕາມທ້ອງຖະໜົນ, ຊຶ່ງກິດ ຈະກຳດັ່ງກ່າວໄດ້ຈັດຂື້ນໃນຕອນເຊົ້າຂອງມື້ວານນີ້ໂດຍການເຂົ້າຮ່ວມເປີດພິທີຂອງທ່ານ
ພັນໂທ ຄຳຖະຫວາຍ ເພັດອຸໄທ ຫົວໜ້າ ກົມຕຳຫຼວດຈະລາຈອນ ແລະ ທ່ານ ທອງໃສ ຊານໄຊຍະ ຜູ້ອຳນວຍການລາວໂທລະຄົ,
ຊຶ່ງກິດຈະກຳດັ່ງກ່າວຄາດວ່າຈະ ດຳເນີນໄປຮອດວັນທີ 3 ເມສາ 2013.
ເປັນປີທີ 2 ທີ່ກົມຕຳຫຼວດ ຈະລາຈອນ ກັບ
ລາວໂທລະຄົມຮ່ວມກັນຈັດກິດຈະກຳ ຂັບຂີ່ປອດໄພຂຶ້ນໃນໄລຍະ ບຸນປີໃໝ່ລາວຂອງທຸກໆປີເພື່ອເປັນການເຕືອນສະຕິໂດຍສະເພາະຜູ້ທີ່ຈະເດີນ
ທາງໄປທ່ອງທ່ຽວຕາມສະຖານທີ່ຕ່າງໆໃນ ນະຄອນຫຼວງວຽງຈັນ ແລະ ຜູ້ທີ່ເດີນທາງໄປຕ່າງແຂວງ
ໃຫ້ມີຄວາມປອດໄພທັງຊີວິດ ແລະ ຊັບສິນ ແລະ ໃຫ້ຫຼິ້ນບຸນປີໃໝ່ດ້ວຍຄວາມເບີກບານມ່ວນຊື່ນ.
ຜູ້ອຳນວຍການລາວໂທລະຄົມ ກ່າວວ່າ: ການຈັດກິດຈະກຳຮ່ວມກັນໃນຄັ້ງນີ້
ກໍເປັນອີກສ່ວນ ໜຶ່ງໃນການຊ່ວຍເຫຼືອ ສັງຄົມ ຕ້ານອຸປະຕິເຫດທາງທ້ອງຖະໜົນທີ່ມັກເກີດຂື້ນໃນໄລຍະ
7 ມື້ອັນຕະ ລາຍໃນໄລຍະປີໃໝ່ລາວ ທີ່ໃກ້ຈະມາຮອດ ແລະ ເພື່ອເປັນການໂຄສະນາປຸກລະດົມໃຫ້ຜູ້ໃຊ້ລົດໃຊ້ຖະໜົນເວົ້າສະເພາະຢູ່ນະ
ຄອນຫຼວງວຽງຈັນທີ່ມີການຈະ ລາຈອນນັບມື້ໜາແໜ້ນໃຫ້ມີສະຕິລະວັງຕົວມີຄວາມຮັບຮູ້ເຂົ້າໃຈ
ກົດລະບຽບການສັນຈອນຢ່າງເຂັ້ມງວດ, ເພື່ອສະກັດກັ້ນການເກີດອຸປະຕິເຫດຫຼຸດລົງເທື່ອລະກ້າວ.ໄປຄຽງຄູ່ກັນນັ້ນຍັງໄດ້ມີກິດຈະກຳຖາມ-ຕອບກ່ຽວກັບກົດລະບຽບການສັນຈອນເພື່ອຮັບລາງວັນໝວກກັນກະທົບຈາກລາວໂທລະຄົມອີກດ້ວຍ.
ທ່າ ພັນໂທ ຄຳຖະຫວາຍ ເພັດອຸໄທ ກ່າວວ່າ:ປີ
2012:ທົ່ວປະເທດມີຍານພາຫະນະເພີ່ມຂື້ນ 1 ແສນກ່ວາຄັນ ແລະ ຜູ້ຂັບຂີ່ຈຳນວນໜຶ່ງຍັງຂາດສະຕິເຄົາລົບລະບຽບຈະລາຈອນ
ຊຶ່ງເຮັດໃຫ້ ການສັນຈອນມີຄວາມສັບສົນ ແລະ ພາໃຫ້ເກີດອຸປະຕິເຫດທາງຖະໜົນ ເຊິ່ງໄດ້ກາຍເປັນບັນຫາປາກົດການຫຍໍ້ທໍ້ໃນສັງຄົມຄື
ປີ 2012 ທົ່ວປະເທດມີອຸປະຕິເຫດເກີດຂຶ້ນ 6 ພັນກວ່າກໍລະນີ:ມີຜູ້ເສຍຊີວິດ
900 ກວ່າຄົນ, ສະເພາະປີໃໝ່ລາວ 2012 ທົ່ວປະເທດມີອຸປະຕິເຫດ ເກີດຂື້ນ 100 ກວ່າກໍລະນີ
ແລະ ມີຜູ້ເສຍຊີວິດ 20 ກວ່າຄົນ,ສາເຫດຕົ້ນຕໍທີ່ພາໃຫ້ເກີດອຸປະຕິເຫດກໍຍ້ອນຜູ້ຂັບຂີ່ລົດໃນຂະນະມຶນເມົາ,ຂີ່ລົດໄວເກີນກຳນົດ,ປ່ຽນທິດທາງເດີນກະທັນຫັນ,
ແຊງບໍ່ຮັບປະກັນຄວາມປອດໄພ,ບໍ່ປ່ອຍສິດເວລາອອກສູ່ທາງໃຫຍ່,ລ່ວງໄຟແດງ,ລ່ວງປ້າຍຫ້າມ
ແລະ ອື່ນໆ.ເພື່ອຢາກສະ ກັດກັ້ນ ແລະ ແກ້ໄຂບັນຫາດັ່ງ ກ່າວຫຼຸດລົງທຸກພາກສ່ວນໃນສັງ
ຄົມຈະຕ້ອງພ້ອມກັນ ແລະ ຮ່ວມກັນແກ້ໄຂ.
No comments:
Post a Comment