ໃນທ່າມກາງທີ່ປະເທດຊາດ ພວມຢູ່ໃນໄລຍະສ້າງສາພັດ
ທະນາທຸກດ້ານ, ບັນຫາການ ຈັດຊື້-ຈັດຈ້າງກໍກາຍເປັນໜ້າວຽກທີ່ສຳຄັນຫລາຍ ແລະ
ຕ້ອງມີຄວາມເດັດຂາດ-ເຂັ້ມ ງວດ, ມີລະບຽບວິໄນ ແລະ ປະຕິບັດຫລັກການທາງການເງິນອີ່ຫລີ
ທັງນີ້ກໍເພື່ອຮັບ ປະກັນຄວາມປອດໃສດ້ານທຶນຮອນ, ເຕັກນິກ, ຄວາມຄົງທົນ ແລະ ອື່ນໆທີ່ກ່ຽວຂ້ອງກັບໂຄງການ.
ສຳລັບການຈັດຊື້-ຈັດຈ້າງເຄື່ອງໃຊ້ຂອງສອຍໃນສຳນັກ
ງານ-ຫ້ອງການ ໃນຜ່ານມາຍັງເຫັນວ່າຫລາຍອັນຍັງຂາດຄວາມປອດໃສ. ຕົວຢ່າງການ ຈັດຊື້ຄອມພິວເຕີ້ຍີ່ຫໍ້ໜຶ່ງຈຳ
ນວນ 10 ເຄື່ອງ, ໜ່ວຍລະ 2,5 ລ້ານກີບ (ລາຄາຊື້-ຂາຍທາງອິນເຕີເນັດ ແລະ ໜ້າຮ້ານ),
ແຕ່ເຂົາພັດຕໍ່ລົງໜ່ວຍລະ 2,3 ລ້ານກີບ ພຽງເທົ່ານັ້ນເຂົາກໍຈະໄດ້ເງິນລ້າໆ
2 ລ້ານກີບ ບວກກັບການຕໍ່ລອງກັບເຈົ້າ ຂອງຮ້ານໃຫ້ເພີ່ມລາຄາຈາກ 2,5 ລ້ານກີບ
ຂຶ້ນເປັນ 2,9 ລ້ານກີບ ເຂົາກໍຈະໄດ້ຕື່ມ 4 ລ້ານກີບ ແລະ ໃນຂະນະດຽວກັນ, ເຂົາໄດ້ນຳເອົາອາໄຫລ່
(ຊິ້ນ ສ່ວນ) ທີ່ມີຄຸນນະພາບຕ່ຳ ເຂົາຍິ່ງໄດ້ກຳໄລໂດຍບໍ່ໄດ້ລົງທຶນແມ່ນແຕ່ກີບດຽວ.
ນີ້ຄືສ່ວນນ້ອຍໆ ຖ້າຫລາຍກວ່ານັ້ນ ຜົນບວກ-ຜົນຄູນຈະອອກມາຫລາຍຊ່ຳໃດ, ແຕ່ເບື້ອງລັດ
ຫລື ອົງການກໍໄດ້ນຳໃຊ້ເຄື່ອງທີ່ບໍ່ດີ,ເປັນອຸປະສັກຕໍ່ການເຮັດໜ້າທີ່
ແລະ ຍັງຈົກເງິນລັດເຂົ້າໃນການຖະໜຸບຳລຸງ- ສ້ອມແປງຕື່ມອີກ. ພ້ອມນັ້ນ ກໍຍັງເກີດມີປາກົດ
ການວິ້ງເຕັ້ນຊອກຫາບໍລິສັດ-ຫ້າງຮ້ານ ຫລື ຄົນທີ່ເປັນໃຈ ເພື່ອເຂົ້າມາເຮັດສັນຍາໃນໂຄງການ
ເພື່ອຫວັງຜົນກຳໄລກໍມີຫລາຍ ໂດຍສະເພາະແມ່ນໂຄງການກໍ່ສ້າງຕ່າງໆ.
ໃນປີ 2012,ພາກສ່ວນທີ່ກ່ຽວຂ້ອງກໍສາມາດດຳເນີນການສືບສວນ-ສອບສວນຕໍ່ບຸກຄົນທີ່ມີພຶດຕິກຳການສໍ້ລາດບັງຫລວງ
ລວມເຖິງການດຳເນີນການຕິດ ຕາມ-ກວດກາສະກັດກັ້ນ ແລະ ຕ້ານສິ່ງຫຍໍ້ທໍ້ດັ່ງກ່າວ
ກໍສາມາດເກັບກູ້ຄືນໃຫ້ລັດກ່ຽວກັບວັດຖຸເງິນຄຳໄດ້ເປັນຈຳນວນຫລາຍ ຄືເງິນກີບ
22,2 ຕື້ກີບ, ເງິນໂດລາ 2,8 ລ້ານໂດລາ, ເງິນບາດໄທ 3,8 ລ້ານບາດ, ຢຶດພາ ຫະນະ-ອຸປະ
ກອນຈຳນວນໜຶ່ງ ແລະ ໃນປັດຈຸ ບັນ ຍັງສືບຕໍ່ເກັບກູ້ວັດຖຸ-ຊັບສິນຄືນໃຫ້ລັດໃນຂັ້ນຕໍ່ໄປ.
ຕໍ່ບັນຫາດັ່ງກ່າວ ມັນຈຶ່ງເລັ່ງ ທວງໃຫ້ຄະນະນຳຂະແໜງການ-
ທ້ອງຖິ່ນ ລວມເຖິງປະຊາຊົນ ແລະ ສື່ມວນຊົນ ຈົ່ງພ້ອມກັນເຂົ້າຮ່ວມຕ້ານ ແລະ ສະກັດກັ້ນເຫດການດັ່ງກ່າວໃຫ້ມີປະສິດທິຜົນຫລາຍຂຶ້ນ.
ດັ່ງກົດໝາຍຕ້ານການສໍ້ລາດບັງຫລວງໃນມາດຕາ 27 ຫ້າມວ່າ: ຜູ້ມີຖານະຕຳແໜ່ງ,
ສິດອຳນາດ ແລະ ໜ້າທີ່ຫ້າມບໍ່ໃຫ້ບັນຈຸ, ສັບຊ້ອນ ຫລື ແຕ່ງຕັ້ງເມຍ ຫລື ຜົວ, ລູກ
ຫລື ຍາດໃກ້ ຊິດຂອງຕົນເຂົ້າໃນຕຳແໜ່ງນຳ ພາ, ຄຸ້ມຄອງໃນບາງຂົງເຂດວຽກງານທີ່ຕົນຮັບຜິດຊອບທີ່ຈະສ້າງເງື່ອນໄຂໃຫ້ມີການສໍ້ລາດບັງຫລວງເຊັ່ນ:
ວຽກງານຈັດຕັ້ງ, ວຽກງານກວດກາ, ການເງິນ-ການບັນຊີ, ຄັງເງິນ, ຮັກສາສາງ, ການຈັດຊື້-ຈັດຈ້າງ
ແລະ ອື່ນໆ.
No comments:
Post a Comment