ພະແນກສາທາລະນະສຸກແຂວງຈຳປາສັກ
ໃຫ້ຮູ້ເມື່ອວັນທີ 25 ມິຖຸນານີ້ວ່າ: ພະຍາດໄຂ້ເລືອດອອກຍັງສືບຕໍ່ແຜ່ລະບາດໜັກຢູ່ແຂວງດັ່ງກ່າວປັດຈຸບັນມີຜູ້ຕິດເຊື້ອ
2.235 ກໍລະນີ ແລະ ເສຍຊີວິດແລ້ວ 18 ຄົນ ເຮັດໃຫ້ເກີດສະພາບຄົນເຈັບລົ້ນໂຮງໝໍຈົນໂຮງໝໍບາງແຫ່ງໄດ້ນຳໃຊ້ຫ້ອງປະຊຸມຈັດເປັນບ່ອນນອນປິ່ນປົວຕໍ່ສະພາບດັ່ງກ່າວອຳນາດການປົກຄອງ
ແລະ ເຈົ້າໜ້າທີ່ພະແນກສາທາລະນະສຸກແຂວງ ກໍໄດ້ ເພີ່ມທະວີ ຄວາມຮັບຜິດຊອບຂອງຕົນເຂົ້າໃນການປິ່ນປົວຄົນເຈັບໃຫ້ໄດ້ຮັບຜົນ.
ຄຽງຄູ່ກັນນັ້ນ ກໍໄດ້ຈັດ ຕັ້ງໜ່ວຍງານສະເພາະກິດເພື່ອລົງເຄື່ອນໄຫວໂຄສະ ນາປຸກລະດົມໃຫ້ປະຊາຊົນຢູ່ແຕ່ລະເຂດເອົາໃຈໃສ່ການປ້ອງກັນພະຍາດໄຂ້ເລືອດອອກ
ໂດຍການຈັດຕັ້ງຂະບວນການທຳລາຍແຫລ່ງເພາະພັນຂອງຍຸງລາຍ ເປັນຕົ້ນພາຊະນະທີ່ມີນ້ຳຂັງ,
ຖາງປ່າຮົກເຮື້ອ, ອະນາໄມຕາມບໍລິເວນອ້ອມຮອບເຮືອນຊານ,
ສຳນັກງານຕ່າງໆໃຫ້ມີຄວາມສະອາດ ແລະ ສີດຢາຂ້າຍຸງລາຍທີ່ເປັນພາຫະນະ
ນຳເຊື້ອພະຍາດດັ່ງກ່າວໃຫ້ຫລຸດ ຜ່ອນລົງ.
No comments:
Post a Comment