ທ່ານ ດຣ. ລຽນ ທິແກ້ວ ເຈົ້າແຂວງໄຊຍະບູລີ
ໄດ້ລາຍງານໃນກອງປະຊຸມຜູ້ບໍລິຫານການສຶກ ສາ ແລະ ກິລາທົ່ວປະເທດ ປະຈຳ
ປີ 2013 ໃນວັນທີ 25 ມິຖຸນານີ້ ໂດຍພາຍໃຕ້ການເປັນປະທານຂອງທ່ານ ດຣ. ພັນຄຳ
ວິພາວັນ ລັດຖະມົນຕີວ່າການກະຊວງສຶກ ສາທິການ ແລະ ກິລາ.
ເຈົ້າແຂວງໄຊຍະບູລີ ກ່າວວ່າ: ການພັດທະນາການສຶກສາ ແລະ ກິລາ
ໂດຍສະເພາະການລຶບລ້າງ ຄວາມບໍ່ຮູ້ໜັງສື, ລຶບລ້າງຊັ້ນປະ
ຖົມບຳລຸງໃຫ້ປະຊາຊົນ
ເປັນຕົ້ນເມືອງໄຊສະຖານໄດ້ຄາດໝາຍສູ້ຊົນປະຕິບັດແຜນການລຶບລ້າງຊັ້ນມັດ ທະຍົມບຳລຸງໃຫ້ໄດ້ໃນປີ
2015 ໂດຍປະຕິບັດຕາມແນວ ທາງດຳເນີນການປະຕິວັດ 3 ປະ ການ ເຊິ່ງໃນນັ້ນ
ມີການປະຕິວັດ ດ້ານແນວຄິດ-ວັດທະນະທຳ ໂດຍຖືເອົາການສຶກສາໄປກ່ອນບາດ
ກ້າວໜຶ່ງ ແລະ ປະຕິບັດຄຳຂວັນ ທີ່ວ່າ: ຮຽນໜັງສືແມ່ນຮັກຊາດ,
ການກືກໜັງສືແມ່ນໄພອັນຕະ ລາຍ ແລະ ແມ່ນຄວາມໂງ່ຈ້າຫລ້າຫລັງ.
ໄປຄຽງຄູ່ກັບການປະຕິບັດໜ້າທີ່ການສຶກສານອກໂຮງຮຽນນັ້ນ ແຂວງ ແລະ
ພະແນກ ສຶກສາທິການ ແລະ ກິລາແຂວງ
ກໍໄດ້ເອົາໃຈໃສ່ພັດທະນາການສຶກສາຢ່າງຮອບ ດ້ານຢູ່ ເມືອງໄຊສະຖານ.
ພ້ອມດຽວກັນນັ້ນ ກໍຊີ້ນຳເມືອງຕ່າງໆໃຫ້ສຶບຕໍ່ລຶບລ້າງຊັ້ນມັດທະຍົມບຳລຸງໃນທົ່ວແຂວງຢ່າງມີຈຸດສຸມ
ເພື່ອບັນ ລຸແຜນການທີ່ວາງໄວ້. ປັດຈຸບັນ
ທົ່ວເມືອງໄຊສະຖານມີຫ້ອງກຽມປະຖົມ 11 ແຫ່ງ, ເດັກນ້ອຍເກນອາຍຸ 3-5
ປີໄດ້ເຂົ້າຮຽນກວມເອົາ 40,95 %, ມີໂຮງຮຽນປະຖົມສົມບູນ 21 ແຫ່ງ,
ເດັກເກນອາຍຸ 6-10 ປີ ເຂົ້າຮຽນກວມເອົາ 94,6%, ມີໂຮງຮຽນມັດທະຍົມຕົ້ນ 3
ແຫ່ງ ແລະ ມີໂຮງຮຽນມັດ
ທະຍົມສົມບູນ 1 ແຫ່ງ, ປັດຈຸບັນ
ທົ່ວແຂວງໄດ້ຈັດຕັ້ງບຳລຸງມັດ ທະຍົມຕອນຕົ້ນໃຫ້ປະຊາຊົນຢູ່ 10 ເມືອງ,
ສອບເສັງຈົບຊັ້ນໄດ້ທັງໝົດ 192 ບ້ານ ເທົ່າກັບ 43,73% ທຽບໃສ່ຈຳນວນບ້ານໃນທົ່ວແຂວງ,
ມີຜູ້ເຂົ້າຮຽນທັງໝົດ 8.949 ຄົນ ,ຍິງ 5.709 ຄົນ,
ປະກາດຈົບຊັ້ນມັດທະຍົມຕອນຕົ້ນບຳລຸງເປັນທາງການໄດ້ 1 ເມືອງ
ຄືເມືອງທົ່ງມີໄຊ ແລະ ໃນສົກຮຽນ 2013-2014
ຈະໃຫ້ໄດ້ປະກາດຈົບຊັ້ນມັດທະຍົມຕອນຕົ້ນບຳລຸງຢູ່ 4 ເມືອງ ຄືເມືອງບໍ່ແຕນ,
ເມືອງແກ່ນທ້າວ, ເມືອງພຽງ ແລະ ເມືອງເງິນ ໂດຍເລີ່ມແຕ່ສົກຮຽນ 2013-2014
ແມ່ນໄດ້ລະດົມເອົາຄູອາຈານຊັ້ນ ມ.ຕົ້ນ ແລະ ມ.ປາຍທົ່ວແຂວງໄປປະຈຳຢູ່ 21
ບ້ານ ບ້ານລະ 3 ຄົນ ເພື່ອຈັດຕັ້ງບຳລຸງມັດທະຍົມຕອນຕົ້ນ
ໃຫ້ປະຊາຊົນໃນເກນອາຍຸ 15-30 ປີ ໃຫ້ສຳເລັດໃນສົກປີ 2014- 2015
ສ້າງເງື່ອນໄຂໃຫ້ທົ່ວແຂວງປະກາດຈົບຊັ້ນມັດທະຍົມບຳລຸງຢ່າງເປັນທາງການ
ໃນປີ 2015.
No comments:
Post a Comment