ໃນວັນທີ 25 ມິຖຸນານີ້, ຢູ່ໂຮງແຮມອ່າງຄຳ
ນະຄອນຫລວງວຽງຈັນ ໄດ້ມີກອງປະຊຸມຮ່ວມລະຫວ່າງຄະນະປະຈຳສະພາແຫ່ງຊາດ ກັບຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງ
ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ເພື່ອຕີລາຄາການຊີ້ນຳ-ນຳພາຂອງຄະນະປະຈຳສະພາແຫ່ງຊາດຕໍ່ຄະນະສະມາຊິກສະພາປະຈຳເຂດເລືອກຕັ້ງ
ແລະ ການປະສານງານລະ ຫວ່າງບັນດາກຳມາທິການກັບເຂດເລືອກຕັ້ງດັ່ງກ່າວ ເພື່ອແນໃສ່ເພີ່ມທະວີບົດບາດ
ແລະ ຄຸນນະພາບການເຄື່ອນໄຫວຂອງສະມາຊິກສະພາແຫ່ງຊາດປະຈຳເຂດເລືອກຕັ້ງ.
ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ
ໄດ້ລາຍງານຕໍ່ກອງປະຊຸມວ່າ: ໃນໄລຍະຜ່ານມາ ຄະນະປະຈຳສະພາແຫ່ງຊາດໄດ້ຖືສຳຄັນຕໍ່ການຍົກສູງຄຸນນະພາບການເຄື່ອນໄຫວຂອງຄະນະສະມາຊິກສະພາແຫ່ງຊາດ,
ເອົາໃຈໃສ່ປັບ ປຸງກົງຈັກການຈັດຕັ້ງ ແລະ ບຸກ ຄະລາກອນຂອງເຂດເລືອກຕັ້ງ ໂດຍສະເພາະການເພີ່ມຈຳນວນສະມາຊິກສະພາແຫ່ງຊາດປະຈຳ
ການ, ການປະຕິບັດນະໂຍບາຍຕໍ່ສະມາຊິກສະພາໃຫ້ມີຄວາມເໝາະສົມ ລວມເຖິງການບັນຈຸສະມາຊິກສະພາທີ່ປະຈຳການຢູ່ທ້ອງຖິ່ນປະກອບເຂົ້າໃນຄະນະຜູ້ແທນ
ເພື່ອເຄື່ອນໄຫວການຕ່າງ ປະເທດ ແລະ ອື່ນໆ. ອັນພົ້ນເດັ່ນໃນໄລຍະສອງປີຜ່ານມານີ້
ຄະນະປະຈຳສະພາໄດ້ລົງເລິກຊີ້ນຳຢ່າງໃກ້ຊິດໃນການກະກຽມ ແລະ ດຳເນີນກອງປະຊຸມຄົບຄະນະສະມາ
ຊິກສະພາແຫ່ງຊາດເປັນຕົ້ນແມ່ນລົງພົບປະຊຸກຍູ້ໃຫ້ຄະນະພັກ, ອຳນາດການປົກຄອງ
ແຂວງ, ນະຄອນຫລວງໄດ້ເຂົ້າໃຈ ແລະ ເຫັນໄດ້ຄວາມໝາຍສຳຄັນຂອງກອງປະຊຸມດັ່ງກ່າວ.
ນອກຈາກນີ້ ຄະນະສະມາ ຊິກສະພາແຫ່ງຊາດໄດ້ເອົາໃຈໃສ່ໃນການລົງພົບປະຜູ້ມີສິດເລືອກຕັ້ງ
ໂດຍສະເພາະແມ່ນພາຍຫລັງສຳເລັດກອງປະຊຸມສະພາແຫ່ງຊາດແຕ່ລະຄັ້ງແມ່ນໄດ້ນຳເອົາຜົນສຳເລັດກອງປະຊຸມລົງໄປເຜີຍແຜ່ໃຫ້ຜູ້ມີສິດເລືອກຕັ້ງໄດ້ຮັບຮູ້ເຊື່ອມຊຶມໄດ້ເຖິງ
2 ພັນກວ່າຈຸດ, ມີຜູ້ເຂົ້າຮ່ວມຫລາຍກວ່າ 2 ແສນຄົນ, ໄດ້ຕິດຕາມກວດກາແຜນພັດທະນາເສດຖະກິດ-ສັງ
ຄົມ, ແຜນງົບປະມານ ແລະ ການລົງທຶນຢູ່ພາຍໃນທ້ອງຖິ່ນ ໂດຍສະເພາະບັນຫາທີ່ມີຜົນກະທົບຕໍການດຳລົງຊີວິດຂອງປະຊາຊົນ,
ສິ່ງແວດລ້ອມ ແລະ ບັນຫາອື່ນໆ. ນອກຈາກນີ້ ສະມາຊິກສະພາແຫ່ງຊາດຍັງໄດ້ເປັນເຈົ້າການເສີມຂະ
ຫຍາຍປະຊາທິປະໄຕຂອງຕົນໃນຖານະທີ່ເປັນຕົວແທນໃຫ້ຜູ້ມີສິດເລືອກຕັ້ງປະກອບຄຳເຫັນດ້ວຍຄວາມຮັບຜິດຊອບ
ແລະ ມີເຫດຜົນຕໍ່ການເປັນເຈົ້າການຕົວແທນແຫ່ງສິດຜົນປະໂຫຍດຂອງປະຊາຊົນ.
No comments:
Post a Comment