ການພົບປະລະຫວ່າງຄະນະຜູ້ແທນຂັ້ນສູງຂອງກະ
ຊວງປ້ອງກັນປະເທດ ສປປ ລາວ ແລະ ສສ ຫວຽດນາມ ໄດ້ມີຂຶ້ນໃນວັນທີ 25 ມິຖຸນານີ້
ຢູ່ເມືອງມໍລະດົກໂລກຫລວງພະບາງ, ຝ່າຍລາວນຳໂດຍ ສະຫາຍ ພົນຕີ ແສງນວນ ໄຊຍະລາດ
ຄະ ນະເລຂາທິການສູນກາງພັກ, ລັດຖະມົນຕີຊ່ວຍວ່າການກະຊວງປ້ອງກັນປະເທດ, ຜູ້ຊີ້ນຳກົມໃຫຍ່ການເມືອງກອງທັບປະຊາ
ຊົນລາວ ແລະ ຝ່າຍຫວຽດນາມນຳໂດຍ ສະຫາຍ ພົນໂທ ໂງຊວນລິກ ຄະນະເລຂາທິການສູນກາງພັກ,
ຫົວໜ້າກົມໃຫຍ່ການ ເມືອງກອງທັບ ເຊິ່ງພວມດຳເນີນການເຄື່ອນໄຫວຢ້ຽມຢາມ ແລະ ເຮັດວຽກຢູ່ລາວ
ລະຫວ່າງວັນທີ 24-27 ມິຖຸນານີ້, ຕາມຄຳເຊີນຂອງກະຊວງປ້ອງກັນປະເທດລາວ.
ໃນການພົບປະຫາລື, ທັງສອງຝ່າຍຕ່າງກໍໄດ້ແຈ້ງໃຫ້ກັນ
ຊາບສະພາບການສາກົນ ແລະ ພາຍໃນ ກໍຄືຂົງເຂດທີ່ມີຄວາມສົນໃຈ, ຈາກນັ້ນກໍໄດ້ພ້ອມກັນຕີລາຄາຄືນໝາກຜົນການພົວພັນຮ່ວມມືຊ່ວຍເຫລືອເຊິ່ງກັນ
ແລະ ກັນໃນໄລຍະຜ່ານມາ ແລະ ເຫັນວ່າຕ່າງຝ່າຍໄດ້ເຮັດສຳເລັດວຽກງານໂຄສະນາສຶກສາອົບຮົມພະ
ນັກງານນັກຮົບມີຄວາມຮັບຮູ້ ແລະ ເຂົ້າໃຈເລິກເຊິ່ງມູນເຊື້ອການພົວພັນແບບພິເສດລະຫວ່າງສອງປະເທດ
ແລະ ໄດ້ມີການເຄື່ອນໄຫວຈັດຕັ້ງກິດຈະກຳຕ່າງໆ ເພື່ອລະນຶກວັນສ້າງຕັ້ງ ສາຍພົວພັນການທູດ
ລາວ- ຫວຽດນາມ ຄົບຮອບ 50 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືຮອບດ້ານລະ
ຫວ່າງສອງປະເທດ ຄົບຮອບ 35 ປີ ພ້ອມຂະບວນການເຄື່ອນໄຫວຕ່າງໆ ເພື່ອສະໜັບສະໜູນປີສາ
ມັກຄີມິດຕະພາບ ລາວ-ຫວຽດ ນາມ ແລະ ຫວຽດນາມ-ລາວ 2012 ຜ່ານມາ ຢ່າງມີຄວາມໝາຍ. ພິເສດແມ່ນທັງສອງກອງ
ທັບໄດ້ເພີ່ມທະວີການຮ່ວມມືຊ່ວຍເຫລືອກໍ່ສ້າງພະນັກງານ-ນັກຮົບ, ການແລກປ່ຽນຢ້ຽມຢາມເພື່ອຖອດຖອນບົດຮຽນດ້ານຕ່າງໆ
ເຊິ່ງສະແດງອອກໃຫ້ເຫັນແມ່ນສອງຝ່າຍໄດ້ມີຄວາມພະຍາຍາມສູງໃນການປະສານສົມທົບຊອກ
ແລະ ຂຸດຄົ້ນອັດ ຖິທະຫານອາສາສະໝັກ ແລະ ຊ່ຽວຊານຫວຽດ ນາມທີ່ໄດ້ເສຍສະລະຊີວິດໃນປາງສົງຄາມຢູ່ລາວຢ່າງມີຜົນສຳເລັດ
ຄືສະເພາະສົກປີ 2012- 2013, ສອງຝ່າຍສາມາດຊອກ ແລະ ຂຸດຄົ້ນອັດຖິດັ່ງກ່າວໄດ້ຕື່ມອີກ
413 ອັດຖິ ອັນໄດ້ເພີ່ມຍອດການຂຸດຄົ້ນອັດຖິນີ້ຂອງສອງຝ່າຍທີ່ໄດ້ດຳເນີນມາແຕ່ປີ
1994 ເພີ່ມເປັນ 16.042 ອັດຖິແລ້ວ.
ໃນກອງປະຊຸມພົບປະດັ່ງ ກ່າວ, ທັງສອງຝ່າຍຍັງໄດ້ເປັນເອກະພາບກັນສືບຕໍ່ເພີ່ມທະວີການພົວພັນຮ່ວມມືຊ່ວຍເຫລືອເຊິ່ງກັນ
ແລະ ກັນໃນສະພາບການໃໝ່ໃຫ້ມີປະສິດທິຜົນຍິ່ງຂຶ້ນ ໂດຍສະເພາະຈະໄດ້ປະສານສົມ
ທົບກັນຈັດຕັ້ງກິດຈະ ກຳຕ່າງໆ ເພື່ອລະນຶກວັນສ້າງຕັ້ງກອງທັບລາວ ຄົບຮອບ 65 ປີ
ແລະ ວັນສ້າງຕັ້ງກອງທັບຫວຽດນາມ ຄົບ ຮອບ 70 ປີ ໃຫ້ມີຄວາມໝາຍຍິ່ງຂຶ້ນ, ກະຕຸກຊຸກຍູ້ການພົວພັນຮ່ວມມືລະຫວ່າງກົມກອງຕ່າງໆຂອງສອງກອງທັບໃນດ້ານຄວາມສະຫງົບປອດໄພ,
ສ້າງບ້ານ ແລະ ກຸ່ມບ້ານພັດທະນາ, ສ້າງໃຫ້ຊາຍແດນສອງປະເທດກາຍເປັນເສັ້ນຊາຍແດນສັນຕິ
ພາບ, ມິດຕະພາບ, ການຮ່ວມມື ແລະ ພັດທະນາ, ສອງຝ່າຍເປັນເອກະພາບກັນເພີ່ມທະວີການຮ່ວມມືກໍ່ສ້າງ
ແລະ ພັດທະນາຊັບພະຍາກອນມະນຸດໃນກຳລັງປ້ອງກັນຊາດ-ປ້ອງກັນຄວາມສະຫງົບໃຫ້ແຂງແຮງກວ່າເກົ່າ,
ສົ່ງເສີມການພົວພັນຮ່ວມມືໃນຂົງເຂດວຽກງານສື່ມວນຊົນແລກ ປ່ຽນຂໍ້ມູນຂ່າວສານ
ແລະ ການໄປມາຫາສູ່ຢ້ຽມຢາມຖອດຖອນບົດຮຽນເຊິ່ງກັນ ແລະ ກັນໃຫ້ຫລາຍຂຶ້ນ. ພິເສດແມ່ນຈະໄດ້ເພີ່ມທະວີການປະສານສົມທົບແໜ້ນໃນການຊອກຫາ
ແລະ ຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ໄດ້ເສຍສະລະຊີວິດໃນປາງສົງຄາມຢູ່ລາວໃຫ້ໄດ້ກັບຄືນບ້ານເກີດເມືອງນອນຂອງຕົນໂດຍໄວໃນຈຳ
ນວນເກືອບ 1.000 ອັດຖິທີ່ຍັງເຫລືອຢູ່, ປະກອບສ່ວນເຂົ້າໃນການເພີ່ມທະວີຮັດແໜ້ນການພົວ
ພັນສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ກໍຄືສອງກຳລັງປະກອບອາວຸດ
ລາວ-ຫວຽດ ນາມ ໃຫ້ໝັ້ນຄົງທະນົງແກ່ນຕະ ຫລອດກາລະນານ.
No comments:
Post a Comment