ລັດຖະບານຝຣັ່ງ ແລະ ອົງ ການສະຫະປະຊາຊາດເພື່ອການພັດທະນາ
(UNDP) ສືບຕໍ່ໃຫ້ ການຊ່ວຍເຫຼືອລາວ ໃນການສ້າງຄວາມເຂັ້ມແຂງໃຫ້ແກ່ການສ້າງລັດໃຫ້ກາຍເປັນລັດແຫ່ງກົດ
ໝາຍ ໂດຍລ້າສຸດລັດຖະບານແຫ່ງສາທາລະນະລັດ ຝຣັ່ງ ໄດ້ເຊັ່ນສັນຍາຮ່ວມກັບ
UNDP ເພື່ອສະໜອງເງິນຈຳນວນ 4 ແສນກວ່າໂດລາສະຫະລັດເຂົ້າໃນແຜນແມ່ບົດພັດທະນາລັດໃຫ້ເປັນລັດແຫ່ງກົດໝາຍຂອງ
ສປປ ລາວ ໃນຕໍ່ໜ້າ.
ພິທີເຊັ່ນສັນຍາມອບເງິນຊ່ວຍເຫຼືອລ້າດັ່ງກ່າວ
ມີຂຶ້ນໃນຕອນເຊົ້າວັນທີ 25 ມິຖຸນານີ້ ທີ່ໂຮງແຮມລາວພລາຊາ ນະ ຄອນຫຼວງວຽງຈັນ
ລະຫວ່າງທ່ານ ອີຟ ຄາຣໂມນາ ເອກອັກຄະລັດ ຖະທູດສາທາລະນະລັດ ຝຣັ່ງ ປະ ຈຳ ສປປ ລາວ
ຮ່ວມກັບທ່ານ ມິງ ຟາມ ຜູ້ຕ່າງໜ້າອົງການ UNDP ປະຈຳລາວ ແລະ ທ່ານ ສຈ. ເກດ ກຽດຕິສັກ
ລັດຖະມົນຕີຊ່ວບວ່າ ການ ກະຊວງຍຸຕິທຳ, ມີບັນດາເຈົ້າໜ້າທີ່ອາວຸໂສ ແລະ ບັນດາປະເທດຄູ່ຮ່ວມພັດທະນາເຂົ້າຮ່ວມເປັນສັກຄີພິຍານ.
ເອກອັກຄະລັດຖະທູດສາ ທາລະນະລັດ ຝຣັ່ງ
ປະຈຳ ສປປ ລາວ ກ່າວວ່າ: ການສົມທົບທຶນສະ ໜັບສະໜູນດັ່ງ ກ່າວແມ່ນສ່ວນໜຶ່ງຂອງການຊ່ວຍເຫຼືອ
ຂອງລັດຖະບານຝຣັ່ງ ເຂົ້າໃນການສ້າງລັດໃຫ້ເປັນລັດແຫ່ງກົດ ໝາຍຕາມການລົງນາມຂອງເຈົ້າໜ້າທີ່ຂັ້ນສູງລາວ
ແລະ ຝຣັ່ງໃນເດືອນ ພະຈິກ ຂອງປີຜ່ານມາ ເຊິ່ງມີຄວາມສຳຄັນເປັນຢ່າງຍິ່ງສຳລັບ
ສປປ ລາວ ໃນການສ້າງຄວາມປອດໃສ ແລະ ຍຸຕິທຳໃນສັງຄົມລາວພາຍໃຕ້
ລະບຽບກົດ ໝາຍ.
ສ່ວນຜູ້ຕ່າງໜ້າອົງການ UNDP ປະຈຳລາວ ກໍໄດ້ສະແດງຄວາມຍິນດີທີ່ໄດ້ສົມທົບທຶນສະໜັບສະໜູນລັດຖະບານຝຣັ່ງ
ເຂົ້າໃນການພັດທະນາລັດໃຫ້ເປັນລັດແຫ່ງກົດໝາຍຢ່າງແທ້ຈິງໃນ ສປປ ລາວ. ໃນປີ
2020 ນັ້ນ ແມ່ນກົງກັບເປົ້າໝາຍ ຂອງການຫຼຸດພົ້ນອອກຈາກການເປັນປະເທດດ້ອຍພັດທະນາ
ເຊິ່ງແຜນການດັ່ງກ່າວເນັ້ນເຖິງຄວາມຕ້ອງ ການພື້ນຖານອັນສຳຄັນໃນການສ້າງຄວາມເຂັ້ມແຂງຂອງສະຖາບັນກໍຄືຄວາມອາດສາມາດໃນການປົກປ້ອງ
ແລະ ສົ່ງເສີມສິດທິຂອງປວງຊົນລາວໃນການເຂົ້າເຖິງຂະບວນການຍຸຕິທຳ.
ໂອກາດດັ່ງກ່າວ ລັດຖະ ມົນຕີຊ່ວບວ່າການ
ກະຊວງຍຸຕິທຳກໍໄດ້ສະແດງຄວາມຮູ້ບຸນຄຸນ ແລະ ຂອບອົກຂອບໃຈຕໍ່ລັດຖະ ບານຝຣັ່ງ
ແລະ ອົງການ UNDP ທີ່ໄດ້ໃຫ້ການຊ່ວຍເຫຼືອ ແລະ ສະ ໜັບສະ ໜູນ ສປປ ລາວ ເຂົ້າໃນການສ້າງລັດໃຫ້ເປັນລັດແຫ່ງກົດໝາຍ
ເຊິ່ງການຊ່ວຍເຫຼືອດັ່ງ ກ່າວຈະສ້າງຄວາມເຂັ້ມແຂງໃຫ້ແກ່ການດຳເນີນງານດ້ານກົດ
ໝາຍຂອງລາວຫຼາຍຂຶ້ນ ແລະ ຫວັງວ່າການຊ່ວຍເຫຼືອຄັ້ງນີ້ ຈະເກີດໃຫ້ມີການຊ່ວຍເຫຼືອໃນຄັ້ງ
ຕໍ່ໆໄປ.
ແຜນແມ່ບົດພັດທະນາລັດໃຫ້ກາຍເປັນລັດແຫ່ງກົດໝາຍນັ້ນ
ແມ່ນໄດ້ເລີ່ມດຳເນີນພາຍໃນໄຕມາດທີ່ສາມຂອງປີ 2013 ເຊິ່ງເປັນແຜນການກົດໝາຍແບບຄວບຄຸມສະບັບທຳອິດໃນປະເທດ
ແລະ ຈະຖືກຈັດຕັ້ງປະຕິບັດໂດຍກະຊວງຍຸຕິທຳ, ກະ ຊວງການຕ່າງປະເທດ, ກະຊວງປ້ອງກັນປະເທດ,
ອົງການໄອຍະການປະ ຊາຊົນສູງສຸດ ແລະ ອົງການສານປະຊາຊົນສູງສຸດ ມີເປົ້າໝາຍເພື່ອຕອບສະໜອງການຮັບປະກັນການນຳໃຊ້ສິດທິຂອງປະຊາຊົນລາວໃນການເຂົ້າເຖິງຂະບວນ
ການຍຸຕິທຳ.
No comments:
Post a Comment