ສະພາບການຊີງຊັບຂອງພົນລະເມືອງຍັງແມ່ນປາກົດການຫຍໍ້ທໍ້ໜຶ່ງທີ່ເກີດຂຶ້ນໃນສັງຄົມ
ແລະ ເປັນໄພໃກ້ຕົວທີ່ຕ້ອງມີສະຕິລະມັດລະ ວັງເຊິ່ງຈາກການລາຍງານຂອງເຈົ້າໜ້າທີ່
ປກສ ນະຄອນ ຫລວງວຽງຈັນ ໃຫ້ຮູ້ວ່າ: ໃນອາທິດຜ່ານມາສະເພາະຢູ່ ນະຄອນຫລວງວຽງຈັນ
ໄດ້ເກີດເຫດການຊີງຊັບຂອງພົນລະເມືອງຫລາຍຄັ້ງຄືເມື່ອວັນທີ 17 ມິຖຸນາ,
ເກີດເຫດການຄົນຮ້າຍ 2 ຄົນ ຂີ່ລົດຈັກເວບສີດຳ
ດຶງກະເປົາຢູ່ເສັ້ນທາງຄູວຽງ ເມືອງສີສັດຕະນາກ, ວັນທີ 18 ມິຖຸນາ,
ມີຄົນຮ້າຍ 2 ຄົນ ຂີ່ລົດຈັກເວບສີດຳ ດຶງສາຍຄໍຄຳພົນລະເມືອງ
ຢູ່ເສັ້ນທາງບ້ານໜອງດ້ວງ ເມືອງຈັນທະບູລີ, ໃນວັນທີ 19 ມິຖຸນາ,
ມີຄົນຮ້າຍ 2 ຄົນ ຂີ່ລົດຈັກເວບສີດຳ ກໍ່ເຫດດຶງກະເປົາພົນລະເມືອງ
ຢູ່ເສັ້ນທາງເຂດບ້ານໜອງດ້ວງ ເມືອງຈັນທະບູລີ ແລະ ໃນວັນທີ 24 ມິຖຸນາ,
ມີຄົນຮ້າຍ 2 ຄົນ ຂີ່ລົດຈັກຊູຊູກິສະແມດດຶງ ກະເປົາພົນລະເມືອງ ຢູ່ເສັ້ນ ທາງໂຮງກາຍະສິນ
ເມືອງຈັນທະບູລີ. ຈາກເຫດການດັ່ງກ່າວໄດ້ສ້າງຄວາມເສຍຫາຍຕໍ່ຊັບສິນຂອງພົນ
ລະເມືອງເປັນຈຳນວນບໍ່ໜ້ອຍ. ແນວໃດກໍຕາມ
ເຈົ້າໜ້າທີ່ຮຽກຮ້ອງມາຍັງປະຊາຊົນກໍຄືສັງຄົມຈົ່ງມີສະຕິລະວັງຕົວ ແລະ
ເປັນເຈົ້າການຮ່ວມກັນຕ້ານປາກົດການຫຍໍ້ທໍ້ດັ່ງກ່າວໃຫ້ມີຜົນ.
No comments:
Post a Comment