ກອງປະຊຸມຜູ້ບໍລິຫານການສຶກສາ ແລະ ກິລາ
ທົ່ວປະເທດ ປະຈຳປີ 2013 ໄດ້ໄຂຂຶ້ນແຕ່ວັນທີ 24-26 ມິຖຸນານີ້ ທີ່ ເມືອງຊຳເໜືອ
ແຂວງຫົວພັນ ໂດຍການເປັນປະທານຮ່ວມ ຂອງທ່ານ ຄຳຮຸ່ງ ເຮືອງວົງສີ ກຳມະການສູນກາງພັກ,
ເລຂາພັກແຂວງ, ເຈົ້າແຂວງໆຫົວພັນ ແລະ ທ່ານ ທອງຜິວ ບຸດສະດີ ຄະນະປະຈຳພັກກະຊວງ,
ຫົວໜ້າກົມຈັດຕັ້ງພະນັກງານກະຊວງສຶກສາທິການ ແລະ ກິລາ, ມີບັນດາບັນດາເຈົ້າແຂວງ,
ເຈົ້າເມືອງ, ຫົວໜ້າກົມ, ຫົວໜ້າພະແນກສຶກສາທິການ ແລະ ກິລາ 16 ແຂວງ.
1 ນະຄອນຫລວງ,ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານເຈົ້າແຂວງໆຫົວພັນ ໄດ້ກ່າວໄຂກອງປະຊຸມ
ວ່າ: ສຳລັບແຂວງຫົວພັນໄດ້ກຳນົດວິໄສທັດ ເພື່ອການພັດທະນາໃນໄລຍະຍາວ, ໜຶ່ງໃນນັ້ນ
ກໍແມ່ນການພັດທະນາຊັບພະຍາ ກອນມະນຸດ ໃນໄລຍະຜ່ານມາເຖິງວ່າ ພັກ- ລັດ ແຕ່ລະຂັ້ນ,
ໂດຍສະເພາະ ແມ່ນການນຳຂອງກະຊວງສຶກ ສາທິການ ແລະ ກິລາ ໄດ້ເອົາໃຈ ໃສ່ຕໍ່ວຽກງານສຶກສາ
ແລະ ກິລາ ແລ້ວກໍຕາມ ແຕ່ເມື່ອທຽບກັບຄວາມຮຽກຮ້ອງຕ້ອງການຂອງສັງຄົມແລ້ວເຫັນວ່າ
ຍັງມີຄວາມຈຳເປັນ ແລະ ຮີບຮ້ອນ ຕ້ອງໄດ້ສືບຕໍ່ການປະຕິຮູບ ແລະ ພັດທະນາຂະແໜງການສຶກສາ
ເພື່ອແນ່ໃສ່ສ້າງຊັບພະຍາກອນມະນຸດໃນໄລຍະຍາວ. ສະນັ້ນ ກອງປະຊຸມຜູ້ບໍລິ ຫານການສຶກສາທົ່ວປະເທດຄັ້ງນີ້
ຈະປະກອບສ່ວນອັນສຳຄັນ ເຂົ້າໃນການພັດທະນາຂະແໜງການສຶກສາຂອງປະເທດເຮົາ
ເວົ້າລວມ,ເວົ້າສະເພາະ ແມ່ນຂະແໜງ ການສຶກສາຢູ່ແຂວງຫົວພັນ ໃຫ້ມີບາດກ້າວອັນໃໝ່
ເພື່ອບັນລຸຄາດ ໝາຍສະຫັດສະວັດ ດ້ານການສຶກສາ ໃຫ້ສຳເລັດຕາມແຜນການທີ່ວາງໄວ້.
ໃນໂອກາດນີ້ ທ່ານ ແສງສົມພອນ ວິລະວຸດ
ຫົວໜ້າກົມແຜນ ການ,ກະຊວງສຶກສາທິການ ແລະ ກິລາ ໄດ້ຂຶ້ນຜ່ານບົດສະຫລຸບຕີລາຄາການຈັດຕັ້ງປະຕິບັດແຜນ
ການພັດທະນາການສຶກສາ ແລະ ກິລາ ປະຈຳສົກ 2012-2013 ແລະ ທິດທາງແຜນການພັດທະ
ນາການສຶກສາ ແລະ ກິລາປະຈຳ ສົກປີ 2013-2014 ເຊິ່ງທ່ານໄດ້ຍົກໃຫ້ເຫັນ ໃນສົກປີ
2012-2013 ມີຫລາຍດ້ານທີ່ພົ້ນເດັ່ນ ເປັນຕົ້ນການສຶກສາກ່ອນໄວຮຽນໄດ້ຮັບການພັດທະນາດີຂຶ້ນໃນທົ່ວປະເທດມີໂຮງຮຽນລ້ຽງເດັກ
ແລະ ອະນຸບານ 1.802 ແຫ່ງ, ເພິ່ມຂຶ້ນ 225 ແຫ່ງ,ຈຳນວນນັກຮຽນລ້ຽງເດັກ ແລະ ອະນຸບານ
ພາກລັດ ແລະ ເອກະຊົນ ມີເກືອບ 1 ແສນ 4 ໝື່ນຄົນ, ທຽບໃສ່ປີຜ່ານມາເພີ່ມຂຶ້ນເກຶອບໝື່ນຄົນ;
ໂຮງຮຽນຊັ້ນປະຖົມ ທັງພາກລັດ ແລະ ເອກະຊົນ ເພີ່ມຂຶ້ນຈາກ 8.912 ແຫ່ງເປັນ
8.927 ແຫ່ງ.ໂຮງຮຽນມັດ ທະຍົມສຶກສາທັງພາກລັດ ແລະ ເອກະຊົນ ມີ 1.494 ແຫ່ງ,
ເພີ່ມຂຶ້ນ 85 ແຫ່ງ, ມີນັກຮຽນທັງໝົດ 5 ແສນ 4 ໝື່ນກວ່າຄົນ, ທຽບໃສ່ປີຜ່ານມາ
ເພີ່ມຂຶ້ນ 3 ໝື່ນກວ່າຄົນ. ວຽກງານການສຶກສານອກໂຮງຮຽນ ໄດ້ເລັ່ງໃສ່ການລົບລ້າງຄວາມບໍ່ຮູ້ໜັງສື
ໃຫ້ປະຊາ ຊົນໃນເກນອາຍຸ 6 ຫາ 14 ປີ, 15 ປີ ຂຶ້ນໄປ. ປະຈຸບັນທົ່ວປະເທດ ສາມາດປະກາດຈົບຊັ້ນປະຖົມບຳລຸງທົ່ວແຂວງ
ໄດ້ 6 ແຂວງ ຄື: ນະຄອນຫລວງວຽງຈັນ, ຈຳປາສັກ, ຊຽງຂວາງ, ອຸດົມໄຊ, ຫລວງ ພະບາງ ແລະ
ຫລວງນ້ຳທາ. ສ່ວນວຽກງານກິລາກາຍະກຳເດັ່ນກວ່າໝູ່ ໃນສົກປີ 2012-2013 ແມ່ນການເປັນເຈົ້າພາບ
ຈັດມະ ຫະກຳກິລາ ມະຫາວິທະຍາໄລອາຊຽນ ຄັ້ງທີ 16, ການຈັດງານ ແຂ່ງຂັນກິລາ ເພື່ອສະເຫລີມສະ
ຫລອງວັນສ້າງຕັ້ງກິລາລາວ ຄົບ ຮອບ 46 ປີ ທີ່ແຂວງຄຳມວ່ນ, ການ ຈັດງານແຂ່ງຂັນກິລາພື້ນເມືອງທົ່ວປະເທດ
ຄັ້ງທີ 8 ທີ່ແຂວງ ເຊກອງ ແລະ ອື່ນໆ.
ສຳລັບແຜນພັດທະນາການສຶກສາ ແລະ ກິລາ
ສົກປີ 2013- 2014 ເພື່ອພັດທະນາຊັບພະຍາ
ກອນມະນຸດ ໃຫ້ເທດ ເໝາະກັບຍຸດທະສາດແຫ່ງການພັດທະນາ ແລະ ໂຄງປະກອບເສດຖະກິດຂອງປະເທດກໍຄືຄວາມຮຽກຮ້ອງຕ້ອງການ
ຂອງການເຊື່ອມໂຍງເຂົ້າກັບປະຊາຄົມເສດຖະກິດອາຊຽນ ໃນປີ 2015 ການສຶກສາ ກ່ອນໄວຮຽນ
ເດັກອາຍຸ 3 ປີໃຫ້ບັນລຸອັດຕາເຂົ້າຮຽນໃຫ້ໄດ້ 25%, ເດັກນ້ອຍອາຍຸ 5 ປີໃຫ້ໄດ້ເຂົ້າຮຽນອະນຸບານ
ແລະ ຫ້ອງກຽມປະຖົມ 54%, ເພີ່ມອັດຕາການເຂົ້າຮຽນຊັ້ນມັດທະຍົມຕອນຕົ້ນໃຫ້ບັນລຸ
72% ແລະ ເພີ່ມອັດຕາການເຂົ້າຮຽນລວມໃນຊັ້ນມັດທະຍົມຕອນປາຍ ໃຫ້ບັນລຸ
40%, ສູ້ຊົນໃຫ້ນັກຮຽນທີ່ຈົບຊັ້ນມັດທະຍົມສຶກສາຕອນຕົ້ນເຂົ້າຮຽນຕໍ່ຊັ້ນມັດທະຍົມຕອນປາຍທົ່ວໄປ
80% ແລະ ສາຍວິຊາຊິບໃຫ້ໄດ້ 20%.
No comments:
Post a Comment