ສາທິດການເຝິກອົບຮົມຄົນພິການ |
ບັນດາສື່ມວນຊົນທຸກຂະແໜງການ ໄດ້ເຂົ້າຮ່ວມຝຶກອົບ
ຮົມຍົກລະດັບກ່ຽວກັບສິດທິ ຄວາມສະເໝີພາບຂອງຄົນພິ ການ ເພື່ອສົ່ງເສີມຄວາມສະເໝີພາບ
ແລະ ການມີສ່ວນຮ່ວມຢ່າງເຕັມສ່ວນສຳລັບຄົນພິການຢູ່ ສປປ.ລາວ ເຊິ່ງຈັດຂຶ້ນລະ
ຫວ່າງວັນທີ 30-31 ກໍລະກົດ 2013 ນີ້ ຢູ່ສະມາຄົມນັກຂ່າວ ແຫ່ງ ສປປ.ລາວ ໂດຍມີທ່ານ
ສີ ສະເໝີ ອິນທະວົງ ຫົວໜ້າໂຄງການສິດ ແລະ ຄວາມສະເໝີພາບຂອງຄົນພິການປະຈຳອົງການສາກົນເພື່ອຄົນພິການ,
ທ່ານ ຄຳເມືອງ ອຸດົມຮັກ ຫົວໜ້າຫ້ອງການສະມາຄົມນັກຂ່າວ ແຫ່ງ ສປປ.ລາວ ເຂົ້າຮ່ວມ.
ທ່ານ ສີສະເໝີ ອິນທະວົງ ກ່າວວ່າ: ໂຄງການການສົ່ງເສີມສິດທິ
ແລະ ຄວາມສະເໝີພາບຄົນພິການ ເຊິ່ງເລີ່ມແຕ່ປີ 2009 ເປັນຕົ້ນມາ ແລະ ຍັງມີແຜ່ນຈະສຶບຕໍ່ຮອດປີ
2016 ສະນັ້ນ ຈຸດປະສົງໃນການຈັດຝຶກອົບຮົມໃນຄັ້ງນີ້ ແມ່ນຜູ້ເຂົ້າຮ່ວມຈະໄດ້ຮຽນຮູ້ໃນການປະກອບຄຳຄິດຄຳເຫັນ
ແລະ ເຂົ້າຮ່ວມກິດຈະກຳຕ່າງໆ ທີ່ສື່ໃຫ້ເຫັນຄວາມຕ້ອງການຂອງຄົນພິການ, ທັດສະນະຄະຕິດ້ານລົບຂອງສັງຄົມທີ່ມີຕໍ່ຄົນພິການ,
ອຸປະສັກ ແລະ ສິ່ງກີດ ຂວາງ
ທີ່ເຮັດໃຫ້ຄົນພິການບໍ່ມີສ່ວນຮ່ວມໃນການພັດທະນາເສດ
ຖະກິດ- ສັງຄົມ, ການເຂົ້າເຖິງຂໍ້ມູນຂ່າວສານຂອງຄົນພິການ ໂດຍບັນດາຜູ້ເຂົ້າຮ່ວມຈະໄດ້ນຳເອົາຂໍ້ມູນຂ່າວສານຕ່າງໆ
ກ່ຽວກັບຄົນພິການມາສ່ອງແສງໃຫ້ສັງຄົມໄດ້ຮັບຮູ້, ໃນການເປີດໂອກາດໃຫ້ຄົນພິການມີສ່ວນຮ່ວມໃນສັງຄົມຫລາຍຂຶ້ນ.
ສິ່ງສຳຄັນ ທຸກຄົນໃນສັງຄົມຕ້ອງເຂົ້າໃຈ ແລະ ໃຫ້ຄວາມສຳຄັນຕໍ່ຄົນພິການ
ໂດຍສ້າງໃຫ້ເຂົາເຈົ້າໄດ້ມີໂອກາດສຶກສາຮ່ຳຮຽນ, ເຝິກວິຊາຊິບໂດຍເຮັດໃຫ້ເຂົາເຈົ້າມີວີຊາອາຊິບລ້ຽງຕົນເອງ
ແລະ ຄອບຄົວ ເພື່ອຈະໄດ້ປະ ກອບສ່ວນໃນການສ້າງສາພັດທະນາປະເທດຊາດ.
No comments:
Post a Comment