ເຈົ້າໜ້າທີ່ຫ້ອງຕຳຫຼວດ
ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 28 ກໍລະກົດນີ້, ເຈົ້າໜ້າທີ່ ປກສ ເມືອງ ຈັນທະບູລີ
ນະຄອນຫຼວງວຽງຈັນ ສາມາດຈັບຕົວແກ໊ງລັກລົດຕົວອັນຕະລາຍໄດ້ 9 ຄົນຄື: ທ້າວ ແສງສະຫວ່າງ
ອາຍຸ 25 ປີ ຢູ່ບ້ານວຽງແກ້ວ ເມືອງ ທຸລະຄົມ ແຂວງ ວຽງຈັນ, ທ້າວ ລາດ ວິໄຊ ອາຍຸ
20 ປີ ຢູ່ບ້ານ ໜອງບົວທອງເໜືອ ເມືອງສີໂຄດຕະບອງ, ທ້າວ ແອນ້ອຍ ອາຍຸ 27 ປີ ຢູ່ບ້ານ
ໜອງບົວທອງເໜືອ ເມືອງ ສີໂຄດຕະບອງ, ທ້າວ ຄຳປະສິດ ອາຍຸ 16 ປີ ຢູ່ບ້ານ ດົງປ່າແຫຼບ
ເມືອງ ຈັນທະບູລີ, ທ້າວ ພັນທະລາດ ອາຍຸ 24 ປີ ຢູ່ບ້ານ ດອນແດງ ເມືອງ ຈັນທະບູລີ,
ທ້າວ ໄພວັນ ອາຍຸ 32 ປີ ຢູ່ບ້ານ ໜອງບົວທອງເໜືອ, ທ້າວ ພອນອາຍຸ 18 ປີ ຢູ່ບ້ານ ດອນແດງ
ເມືອງ ຈັນທະບູລີ, ທ້າວ ພັນທະບູນ ອາຍຸ 35 ປີ ຢູ່ບ້ານ ໂພນຕ້ອງຈອມມະນີ ເມືອງ ຈັນທະບູລີ
ແລະ ທ້າວ ໜຸ່ມ ອາຍຸ 17 ປີ ຢູ່ບ້ານ ທົ່ງຂັນຄຳ ເມືອງ ຈັນທະບູລີ ນະຄອນຫຼວງວຽງ ຈັນ
ມາດຳເນີນຄະດີ, ພາຍຫຼັງພວກເຂົາໄດ້ຮ່ວມກັນຈັດຕັ້ງເປັນກຸ່ມແກ໊ງລັກລົດຈັກຕາມຕົວເມືອງ.
ເຈົ້າໜ້າທີ່ ປກສ ເມືອງ ຈັນທະບູລີ ກ່າວວ່າ:
ກຸ່ມແກ້ງດັ່ງ ກ່າວທາງເຈົ້າໜ້າທີ່ໄດ້ມີການຕິດ ຕາມສືບສວນ ແລະ ສາມາດຮູ້ວ່າກຸ່ມຄົນຮ້າຍປະກອບມີ
9 ຄົນ ທີ່ຮ່ວມກຸ່ມແກ໊ງການລັກລົດຈັກຕາມຕົວເມືອງ ອັນໄດ້ສ້າງປະກົດການຫຍໍ້ທໍ້ແກ່ສັງຄົມ,
ໂດຍສ່ວນໃຫຍ່ແມ່ນພວກເຂົາຈະຂີ່ລົດອອກຊອກຫາເປົ້າໝາຍຕາມສະຖານທີ່ຊຸມຊົນ,
ຕະຫຼາດ ແລະ ສະຖານທີ່ທາງລັດຖະການຕ່າງໆ ພາຍຫຼັງເຫັນລົດຈັກທີ່ຈອດປະໄວ້ຊະຊາຍກໍຈະລົງມືລັກທັນທີໃນເວລາບໍ່ເທົ່າໃດກໍສາມາດລັກເອົາລົດໄປໄດ້
ເຊິ່ງລົດທີ່ພວກໂຈນດັ່ງກ່າວ ລັກສ່ວນຫຼາຍຈະເປັນລົດຈັກທີ່ຜະລິດຈາກໄທ, ທີ່ມີຄ່ານິຍົມໃນສັງຄົມ, ແລະ ພາຍຫຼັງ ລັກແລ້ວກໍຈະມີການຕິດຕໍ່ສົ່ງຂາຍໄປຕ່າງແຂວງ,
ປັດຈຸບັນທາງເຈົ້າໜ້າທີ່ກຳລັງເລັ່ງສືບສວນ-ສອບສວນ ເພື່ອຂະຫຍາຍຜົນ ແລະ ເກັບກູ້ລົດທີ່ເສຍນັ້ນມາໃຫ້ໄດ້.
ຫ້ອງຕຳຫຼວດ ນະຄອນ ຫຼວງວຽງຈັນ ໃຫ້ຮູ້ວ່າ:
ສະພາບລົຈັກເສຍຫາຍເປັນປະກົດການຫຍໍ້ທໍ້ ທີ່ພົ້ນເດັ່ນ ແລະ ເກີດຂື້ນ ຫຼາຍເຊິ່ງໃນ
6 ເດືອນຕົ້ນປີ ຢູ່ ນະ ຄອນຫຼວງວຽງຈັນ ມີລົດຈັກເສຍຫາຍຫຼາຍກ່ວາ 300 ຄັນ ແລະ ສະເພາະໃນ
ອາທິດຜ່ານມາ ນີ້ ນັບແຕັ່ວນທີ 24 ຫາ 30 ກໍລະກົດ ມີຄະດີລັກຊັບເກີດຂື້ນ 23 ເລື່ອງ
ໃນນັ້ນແມ່ນລັກລົດຈັກ 15 ຄັນ ຄື: ໃນວັນທີ 23 ກໍລະກົດ ນີ້, ເຈົ້າໜ້າ ທີ່ໄດ້ຮັບແຈ້ງເກີດເຫດຄົນຮ້າຍລັກລົດຂອງປະຊາຊົນ
ຢູ່ບ້ານ ສີຖານເໜືອ ເມືອງ ສີໂຄດຕະບອງນະຄອນຫຼວງວຽງຈັນ ໂດຍຄົນຮ້າຍງັດເຂົ້າເຮືອນ
ແລະ ໄດ້ລັກເອົາລົດຈັກປະເພດ ຮອນດາ ເວບ ສີແດງ ຫຼົບໜີໄປ ເຊິ່ງທາງເຈົ້າ ໜ້າ
ທີ່ພວມເລັ່ງມືນຳຈັບຄົນຮ້າຍມາດຳເນີນຄະດີໃຫ້ໄດ້.
No comments:
Post a Comment