ຜົນສຳເລັດການປັກຫລັກຫມາຍຖີ່ ແລະ ບູລະນະລະບົບຫລັກຫມາຍຊາຍແດນລາວ-ຫວຽດນາມ

          ໃນວັນທີ 19 ສິງຫານີ້, ສະຫາຍ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງ ປະເທດແຫ່ງ ສປປ ລາວ ໄດ້ນຳພາຄະນະຜູ້ ແທນລາວເຂົ້າຮ່ວມກອງປະຊຸມສະຫລຸບຜົນສຳເລັດການປັກ ຫລັກໝາຍຖີ່ ແລະ ບູລະນະ ລະບົບຫລັກໝາຍ ຊາຍແດນ ລາວ-ຫວຽດນາມຢູ່ພູມປະ ເທດຕົວຈິງ ຢູ່ເທສະບານ ເມືອງເກືອລໍ ແຂວງ ເຫງະ ອານ ສສ ຫວຽດນາມ ພາຍຫລັງສອງປະເ ທດລາວ ຫວຽດນາມ ໄດ້ຈັດພິທີສະ ເຫລີມສະຫລອງຜົນສຳເລັດ ວຽກງານດັ່ງກ່າວມາ ແລ້ວຢູ່ ດ່ານນ້ຳອອນ(ບໍລິຄຳໄຊ)- ແທງຖຸຍ (ເຫງະອານ) ເມື່ອ ວັນທີ 9 ກໍລະກົດຜ່ານມາ ແລະ ຝ່າຍຫວຽດນາມນຳໂດຍສະ ຫາຍ ຟາມ ບິ່ງ ມິງ ລັດຖະມົນ ຕີວ່າການກະຊວງ ການຕ່າງປະເທດແຫ່ງ ສສ ຫວຽດນາມ ພ້ອມນີ້ຍັງມີບັນດາລັດຖະມົນຕີ ຊ່ວຍວ່າການ, ການນຳບັນດາຄູ່ ແຂວງຊາຍແດນຮ່ວມກັນ ຂອງສອງປະເທດ ແລະ ພະນັກງານວິຊາການທີ່ກ່ຽວຂ້ອງຂອງ ທັງສອງຝ່າຍເຂົ້າຮ່ວມ.

          ກອງປະຊຸມຄັ້ງນີ້ ໄດ້ຕີລາ ຄາຄືນຜົນການຈັດຕັ້ງປະຕິບັດ ໂຄງການປັກຫລັກໝາຍຖີ່ ແລະ ບູລະນະຫລັກໝາຍຊາຍ ແດນໃນໄລຍະຜ່ານມາຊຶ່ງນັບແຕ່ສອງ ຝ່າຍໄດ້ເລີ່ມຕົ້ນປະຕິບັດວຽກ ງານຢູ່ບໍລິເວນຕົວຈິງໃນປີ 2008 ມາເຖິງປັດຈຸບັນ, ໜ່ວຍປັກຫລັກໝາຍ 12 ໜ່ວຍຂອງ 10 ຄູ່ ແຂວງ ຊາຍແດນ ສາມາດກຳນົດຈຸດທີ່ ຕັ້ງ ແລະ ກໍ່ສ້າງຫລັກໝາຍຢູ່ບໍລິເວນຕົວ ຈິງສຳເລັດທັງໝົດ 835 ຫລັກໝາຍຕະຫລອດເສັ້ນຊາຍ ແດນສອງປະເທດ 2.067 ກິ ໂລແມັດ ແລະ ສອງຝ່າຍໄດ້ຕີລາຄາ ສູງຕໍ່ການປະກອບສ່ວນຂອງບັນດາອົງການຈັດຕັ້ງ ແລະ ເຈົ້າໜ້າທີ່ກ່ຽວຂ້ອງຂອງສອງຝ່າຍທີ່ໄດ້ປະສານສົມທົບກັນຢ່າງສະ ໜິດແໜ້ນຈົນເຮັດໃຫ້ການປັກຫລັກໝາຍປະສົບຜົນສຳເລັດຢ່າງຈົບງາມ. ຜົນສຳເລັດດັ່ງ ກ່າວແມ່ນມີຄວາມໝາຍທາງປະ ຫວັດສາດເປັນການຢັ້ງຢືນເຖິງມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການ ຮ່ວມມືຮອບດ້ານລະຫວ່າງ ສອງປະເທດ ລາວ-ຫວຽດນາມນັບມື້ຂະຫຍາຍຕົວຢ່າງເລິກເຊິ່ງ ແລະ ມີຊີວິດຊີວາ, ເປັນການສ້າງເງື່ອນໄຂອຳນວຍຄວາມສະ ດວກໃຫ້ແກ່ການຄຸ້ມຄອງຊາຍແດນ ສ້າງຄວາມໄວ້ເນື້ອເຊື່ອໃຈເຊິ່ງກັນ ແລະກັນ ໃນການສົ່ງເສີມການຮ່ວມມື ແລະ ການພັດ ທະນາເສດຖະກິດ-ສັງຄົມ ເພື່ອຍົກລະດັບຊີ ວິດການເປັນຢູ່ຂອງປະຊາຊົນ ສອງຊາດ ຢູ່ຕາມບໍລິເວນຊາຍແດນໃຫ້ດີຂຶ້ນ ເລື້ອຍໆ.

        ພາຍຫລັງສອງປະເທດ ໄດ້ ສຳເລັດການປັກຫລັກໝາຍຖີ່ ແລະ ບູລະນະລະບົບຫລັກໝາຍ ຊາຍແດນ ລາວ-ຫວຽດ ນາມຢູ່ພູມປະເທດຕົວຈິງນີ້ແລ້ວ, ສອງຝ່າຍຍັງຈະໄດ້ສືບຕໍ່ຮ່ວມກັນສ້າງອະນຸສັນຍາວ່າດ້ວຍການ ກຳນົດເສັ້ນຊາຍແດນ ແລະ ຫລັກ ໝາຍຊາຍແດນປະເທດ, ສ້າງລະບຽບການວ່າດ້ວຍການຄຸ້ມຄອງຊາຍແດນ, ລະບຽບການຄຸ້ມຄອງ ດ່ານຊາຍແດນ ແລະ ສ້າງແຜນ ທີ່ເສັ້ນຊາຍແດນສອງປະເທດ ລາວ-ຫວຽດນາມໃນມາດຕາ ສ່ວນ  1/50.000 ໃຫ້ສຳເລັດໃນປີ 2014.ໃນ ໂອກາດເຂົ້າຮ່ວມກອງປະຊຸມດັ່ງກ່າວ, ລັດຖະມົນຕີວ່າການກະຊວງການຕ່າງປະເທດທັງສອງຕ່າງກໍໄດ້ມອບໃບຍ້ອງ ຍໍຂອງ ກະຊວງການຕ່າງປະເທດໃຫ້ບັນດາກົມກອງ ແລະ ບຸກຄົນ ດີເດັ່ນ ທີ່ໄດ້ອອກແຮງຢ່າງຕັ້ງໜ້າປະກອບສ່ວນເຂົ້າໃນຜົນສຳ ເລັດຂອງວຽກງານດັ່ງກ່າວໂດຍ ຝ່າຍລາວໄດ້ມອບໃຫ້ຝ່າຍຫວຽດ ນາມ 16 ກົມກອງ ແລະ 50 ສະຫາຍ, ສ່ວນຝ່າຍຫວຽດ ນາມກໍໄດ້ ມອບໃຫ້ຝ່າຍ ລາວ 15 ກົມກອງແລະ 48 ສະຫາຍ.