ປັດຈຸບັນ ການຕົວະຍົວະຫລອກລວງເພື່ອຢັກຢອກເອົາຊັບສິນຂອງພົນລະເມືອງຂອງກຸ່ມຄົນບໍ່ດີແມ່ນມີຫລາຍຮູບແບບ,
ຫລາຍວິທີການ ມີທັງຕົວະຍົວະແບບເຊິ່ງໜ້າແລະບໍ່ເຊິ່ງໜ້າ ແລະ ການຕົວະຍົວະຫລອກລວງທີ່ພວມແຜ່ຫລາຍຢູ່ໃນສັງຄົມຂະນະນີ້ແມ່ນຜ່ານລະບົບອິນເຕີເນັດ
ແລະ ເວັບໄຊຕ່າງໆທີ່ກຸ່ມຄົນບໍ່ດີຈຳນວນໜຶ່ງເຮັດຂຶ້ນ ໂດຍຮູບການແຈກໂຊກຜ່ານລະບົບອິນເຕີເນັດ
ເຊິ່ງຜ່ານມາພວກເຮົາມັກຈະໄດ້ຍິນຂ່າວຈາກປະເທດເພື່ອນບ້ານກ່ຽວກັບການມ້າງຂະບວນ
ການຕົວະຕົ້ມດັ່ງກ່າວຫລາຍເທື່ອມາແລ້ວ, ແຕ່ຢູ່ປະເທດເຮົາກໍເຫັນວ່າມີຫລາຍເຊັ່ນດຽວກັນ.ດັ່ງເຈົ້າ
ໜ້າທີ່ຕຳຫລວດເສດຖະກິດໄດ້ໃຫ້ຮູ້ວ່າ: ໃນປີຜ່ານມາ ການກໍ່ອາດ ຊະຍາກຳຜ່ານທາງເອເລັກໂຕຣ
ນິກໄດ້ເກີດຂຶ້ນຢ່າງຫລວງຫລາຍ ເຊິ່ງໄດ້ສ້າງຄວາມເສຍຫາຍຕໍ່ຊັບສິນຂອງພົນລະເມືອງບໍ່ໜ້ອຍ
ຄືມີຄະດີເກີດຂຶ້ນ 9 ເລື່ອງ, ມີຜົນເສຍຫາຍ 1,7 ລ້ານກວ່າໂດລາສະຫະ ລັດ ໂດຍກຸ່ມຄົນບໍ່ດີໄດ້ໃຊ້ເຄື່ອງມືສື່ສານປະເພດອິນເຕີເນັດ,
ໂທລະ ສັບ, ໂທລະສານ ແລະ ອື່ນໆ ເພື່ອຫລອກລວງແອບອ້າງວ່າເປັນບໍ ລິສັດມອບໂຊກຈາກຕ່າງປະເທດທີ່ຈະມາມອບເງິນໃຫ້
ເນື່ອງຈາກທ່ານເປັນຜູ້ໂຊກດີຕ່າງໆ. ນອກ ຈາກນີ້ ພວກເຂົາຍັງປອມແປງໃບຢັ້ງຢືນຖານະການເງິນຢູ່ຕາມທະນາຄານທີ່ມີຄວາມໜ້າເຊື່ອຖື
ເພື່ອເປັນສິ່ງອ້າງອີງໃຫ້ແກ່ການໂຄສະນາຊວນເຊື່ອ ເພື່ອໃຫ້ບຸກ ຄົນອື່ນຫລົງເຊື່ອ
ແລະ ມອບເງິນໃຫ້ພວກເຂົາໄປໃນທີ່ສຸດ.
No comments:
Post a Comment