ເຖິງແມ່ນວ່າຈະມີຄວາມຫຍຸ້ງຍາກ ແລະ ສິ່ງທ້າທາຍຢູ່ບາງປະການອັນ ເນື່ອງມາຈາກຄວາມຈຳກັດດ້ານລາຍຮັບ
ແລະ ງົບປະມານທີ່ຮັບໃຊ້ເຂົ້າໃນການພັດ ທະນາ, ແຕ່ສຳນັກຂ່າວສານປະເທດລາວ ຫຼື (ຂປລ) ຈະສືບຕໍ່ຍົກສູງບົດບາດຂອງ ຕົນໃຫ້ສູງຂຶ້ນກວ່າເກົ່າໃນຖານະທີ່ເຮັດວຽກເປັນ
ກະບອກສຽງຂອງພັກ, ຂອງລັດ ແລະ ຂອງປະຊາຊົນລາວບັນດາເຜົ່າ, ໂດຍການຜັນຂະຫຍາຍ ແລະ ຈັດຕັ້ງປະຕິບັດ ເນື້ອ
ໃນ 4 ບຸກທະລຸໃຫ້ຕິດ ພັນກັບວຽກງານທົດລອງ 3 ສ້າງທີ່ພັກ ແລະ ລັດຖະ ບານວາງອອກເຂົ້າໃນຂົງເຂດວຽກງານຂອງຕົນພ້ອມທັງສືບຕໍ່ສະໜອງຂໍ້ມູນຂ່າວສານ
ແລະ ກະ ຈາຍສາລະຄວາມຮູ້ຕ່າງໆໃຫ້ແກ່ສັງຄົມ, ໂດຍຜ່ານໜັງສືພິມປະເທດລາວ (ທັງພາສາລາວ, ອັງກິດ
ແລະ ຝຣັ່ງ).
ທ່ານ ສູນທອນ ຄັນທະວົງ ຜູ້ອຳນວຍການໃຫຍ່ສຳນັກຂ່າວສານປະເທດລາວໃຫ້ສຳພາດຕໍ່ໜັງສືພິມລາວພັດທະນາ
ວ່າ: ຂປລ ເປັນອົງການຈັດ ຕັ້ງດ້ານວິຊາການໃນໂຄງປະກອບກົງຈັກການຈັດຕັ້ງຂອງກະຊວງຖະແຫຼງຂ່າວ,
ວັດທະນະທຳ ແລະ ທ່ອງທ່ຽວ, ມີພາລະບົດບາດເປັນສຳນັກຂ່າວທາງ ການເພື່ອສະໜອງຂໍ້ມູນຂ່າວສານ
ແລະ ຮູບພາບຕ່າງໆໃຫ້ແກ່ອົງການສື່
ມວນຊົນ ແລະ ການຈັດຕັ້ງຂອງສັງຄົມທົ່ວໄປ ເພື່ອໂຄສະນາແນວທາງນະໂຍ
ບາຍຂອງພັກ, ລະບຽບກົດໝາຍຂອງລັດ, ນຳສະເໜີເຫດການຕ່າງໆທີ່ເກີດຂຶ້ນທັງພາຍໃນ ແລະ ຕ່າງປະເທດ
ລວມທັງນຳເອົາຄຳຄິດຄຳເຫັນ ແລະ ຄວາມມຸ້ງມາດປາດ ຖະໜາຂອງປະຊາຊົນລາວ ມາເຜີຍແຜ່ໃຫ້ສັງຄົມໂດຍຜ່ານ:
ໃບຂ່າວປະຈຳວັນ 3 ພາສາ: ລາວ, ອັງ ກິດ ແລະ ຝຣັ່ງ, ໜັງ ສືພິມເອ ເລັກໂຕຣນິກປະເທດລາວ ແລະ
KPL news, ຂ່າວອອນລາຍຜ່ານທາງ ໂທລະ ສັບມືຖື, ໜັງສືພິມປະເທດລາວ ລາຍວັນ, ໃບຂ່າວຄົ້ນຄວ້າລາຍວັນ
ແລະ ວາລະສານປະເທດລາວລາຍໄຕມາດ.
ຜ່ານການຈັດຕັ້ງປະຕິບັດວຽກງານຕ່າງໆຕາມພາລະບົດບາດ,
ສິດ ແລະ ໜ້າທີ່ທີ່ກ່າວມາຂ້າງເທິງໃນໄລຍະໜຶ່ງປີຜ່ານ ມາ ຂປລ ໄດ້ສູ້ຊົນ, ບຸກບືນ ແລະ ພັດທະນາຜະລິດຕະພັນຂອງຕົນຄືນໃໝ່ໂດຍສະເພາະແມ່ນວາລະສານປະເທດລາວ
ແລະ ໃບຂ່າວລາຍວັນ ໂດຍການປັບປຸງເນື້ອໃນ, ຮູບແບບ, ວິທີການ ແລະ ກົນ ໄກຕ່າງໆໃຫ້ແທດເໝາະກັບເງື່ອນໄຂ
ແລະ ສະພາບ ຄວາມກ້າວໜ້າຂອງການພັດທະນາສັງຄົມໃນປັດຈຸບັນ ພ້ອມນັ້ນ ຂປລ ຍັງເປັນຜູ້ສັງລວມເອົາຮູບພາບ
ແລະ ຂໍ້ມູນຂ່າວສານ ກ່ຽວກັບສະພາບການພັດທະນາເສດຖະ ກິດ - ສັງຄົມໃນຂອບເຂດທົ່ວປະເທດໃຫ້ສື່ຕ່າງໆ
ເພື່ອແຈກຢາຍກັນຕໍ່. ຂະນະດຽວກັນກໍໄດ້ສ້າງເວັບໄຊ ແລະ ປັບປຸງລະບົບການບໍລິການຂໍ້ມູນຂ່າວສານຜ່ານທາງເຄື່ອຄ່າຍອິນເຕີເນັດໃຫ້ສັງ
ຄົມໄດ້ຮັບຮູ້. ໄປພ້ອມໆກັບການນຳສະເໜີຜົນງານການເຄື່ອນໄຫວຂອງບັນດາການນຳພັກ
ແລະ ລັດຖະບານທັງພາຍໃນ ແລະ ຕ່າງປະເທດນັ້ນ ຂປລ ຍັງໄດ້ປັບ ປຸງເນື້ອໃນຂ່າວໃຫ້ມີລັກສະນະກວ້າງຂວາງ,
ເລິກເຊິ່ງ ແລະ ສ້າງສັນ ທີ່ເປັນປະໂຫຍດໃຫ້ແກ່ຜູ້ໃຊ້ບໍລິການ ແລະ ສັງ ຄົມ.
ຜູ້ອຳນວຍການໃຫຍ່ສຳນັກຂ່າວສານປະເທດລາວກ່າວອີກວ່າ:
ເຖິງແມ່ນວ່າການຈັດຕັ້ງປະຕິບັດວຽກງານການເຄື່ອນໄຫວຂອງ ຂປລ ມີບາດກ້າວທີ່ຕັ້ງໜ້າ
ແລະ ຂະຫຍາຍຕົວກໍຕາມ ແຕ່ກໍຍັງມີຄວາມຫຍຸ້ງຍາກບາງປະການຕໍ່ການຈັດຕັ້ງປະ ຕິບັດວຽກງານ
ອັນເນື່ອງມາຈາກ: ຄວາມຈຳກັດດ້ານງົບ ປະມານ ແລະ ເຄື່ອງມືທີ່ສຳຄັນ ແລະ ຈຳເປັນເຂົ້າໃນການດຳເນີນງານ
ເຊິ່ງ ຕາມທິດທາງແຜນການແລ້ວ ອະ ນາຄົດ ທາງ ຂປລ ຈະສືບຕໍ່ປັບ ປຸງ ແລະ ພັດທະນາວຽກງານຂອງຕົນໃຫ້ດີຂຶ້ນກວ່າເກົ່າ
ໂດຍການຜັ່ນຂະຫຍາຍ ແລະ ຈັດຕັ້ງ ປະຕິບັດເນື້ອໃນ 4 ບຸກທະລຸໃຫ້ຕິດພັນກັບວຽກງານທົດລອງ
3 ສ້າງ ທີ່ພັກ ແລະ ລັດຖະບານວາງອອກເຂົ້າໃນຂົງເຂດວຽກງານຂອງຕົນ, ໃນການເປັນກະບອກສຽງຂອງພັກ,
ຂອງລັດ ແລະ ຂອງປະຊາຊົນລາວບັນດາເຜົ່າ ເພື່ອຍົກສູງບົດບາດຂອງຕົນໃຫ້ສູງຂຶ້ນກວ່າເກົ່າ.
No comments:
Post a Comment