ເມື່ອບໍ່ດົນມານີ້, ທ່ານ ສົມມາດ ພົນເສນາ ລັດຖະມົນຕີວ່າການກະຊວງໂຍທາທິການ
ແລະ ຂົນສົ່ງ ພ້ອມຄະນະວິຊາການ ໄດ້ໄປກວດກາການກໍ່ສ້າງຂົວມິດຕະພາບ ລາວ-ໄທ
ແຫ່ງທີ 4 (ຫ້ວຍຊາຍ-ຊຽງຂອງ) ເປັນຂົວເຊື່ອມຕໍ່ແລວເສດຖະກິດລະ ຫວ່າງປະເທດເໜືອ-ໃຕ້
(ຄຸນໝິງ- ບາງ ກອກ) (The GMS North-South Economic Corridor International Bridge
Project) ເຊິ່ງເປັນໂຄງການເຊື່ອມໂຍງເຄືອຂ່າຍການຄົມມະນາຄົມ ຂົນສົ່ງລະຫວ່າງ
ສາທາລະນະລັດ ປະຊາຊົນຈີນ, ສາທາລະນະລັດ ປະຊາທິ ປະໄຕ ປະຊາຊົນລາວ ແລະ ຣາຊະອານາຈັກໄທ
ພ້ອມທັງເປັນການເຊື່ອມໂຍງກັບພາກພື້ນ ນຳອີກ.
ຂົວແຫ່ງນີ້ມີຄວາມຍາວທັງໝົດ
680 ແມັດ,ກວ້າງ 14,70 ແມັດ,ມີສອງຊ່ອງຈະລາຈອນໄປ-ກັບ ແລະ ທາງຄົນຍ່າງສອງຂ້າງ
ແລະ ມີເສັ້ນທາງເຊື່ອມຕໍ່ສອງສົ້ນ ລວມມູນຄ່າການກໍ່ສ້າງຈຳນວນ 44 ລ້ານກວ່າໂດລາສະຫະລັດ
ເຊິ່ງລັດຖະ
ບານໄທຮັບ ຜິດຊອບ 50% ແລະ ການສຳຫລວດອອກແບບ,ອີກ 50%ລັດ ຖະບານລາວຮັບຜິດຊອບ
ໂດຍ ໄດ້ຮັບການຊ່ວຍເຫລືອລ້າຈາກລັດຖະບານ ສປ ຈີນ ເຊິ່ງໄດ້ເລີ່ມລົງມືກໍ່ສ້າງໃນເດືອນມິຖຸນາ
2010 ເປັນຕົ້ນມາ. ສະເພາະເບື້ອງລາວມີຖະໜົນເຊື່ອມຕໍ່ກັບເສັ້ນທາງ R3 ດ້ວຍຄວາມຍາວປະມານ
10.800 ແມັດ ແລະ ອາຄານຫ້ອງການດ່ານ.
ປັດຈຸບັນ ໂຄງການກໍ່ສ້າງຂົວມິດຕະພາບແຫ່ງດັ່ງກ່າວໃກ້ຈະສຳເລັດທຸກໜ້າວຽກ
ໂດຍສະເພາະໃນສ່ວນເບື້ອງຂອງຝ່າຍລາວ ການກໍ່ສ້າງຂົວ ແລະ ການກໍ່ສ້າງອາຄານດ່ານ
ໄດ້ສຳເລັດແລ້ວ 100%. ສຳລັບເສັ້ນທາງເຊື່ອມຕໍ່ກັບຂົວໄລຍະ 3 ກິໂລແມັດ ສຳເລັດແລ້ວ
99% ແລະ ຄາດວ່າການກໍ່ສ້າງທັງໝົດຈະສຳເລັດໃນທ້າຍເດືອນກັນຍາ 2013 ນີ້.ສຳລັບກຳນົດວັນເວລາເປີດການນຳໃຊ້ຂົວແຫ່ງນີ້ຢ່າງເປັນທາງການແມ່ນຝ່າຍລາວໄດ້ກຽມພ້ອມແລ້ວ,ຍັງລໍຖ້າແຕ່ການກໍ່ສ້າງວຽກແຕ່ລະດ້ານຂອງຝ່າຍໄທໃຫ້ສຳເລັດເທົ່ານັ້ນ
ເຊິ່ງຈະຕ້ອງໄດ້ປຶກສາຫາລືຄວາມພ້ອມກັບຝ່າຍໄທຕໍ່ໄປ.
No comments:
Post a Comment