ລັດຖະບານໄດ້ວາງຍຸດທະສາດ ເພື່ອຫລຸດຜ່ອນຄວາມສ່ຽງຕໍ່ຄວາມບໍ່ໝັ້ນຄົງຂອງເສດຖະ
ກິດ ໂດຍໄດ້ກຳນົດ 3 ຍຸດທະສາດ ຄືສຸມໃສ່ຕ້ານແລ້ງ, ຕ້ານຖ້ວມ ແລະ ຮັບມືກັບການປ່ຽນແປງດິນຟ້າອາກາດ
ໂດຍສະເພາະໃນຂະແໜງກະສິກຳໃຫ້ເຂັ້ມແຂງຂຶ້ນ ກວ່າເກົ່າ; ສຸມໃສ່ສ້າງໂຄງປະ
ກອບການສົ່ງອອກສິນຄ້າໃຫ້ມີຄວາມຫລາຍຮູບການເຊັ່ນ: ສົ່ງເສີມຄວາມສາມາດແຂ່ງຂັນຂອງບັນດາຂະແໜງການເສດຖະກິດ
ທີ່ບໍ່ແມ່ນຊັບພະຍາກອນທຳມະຊາດ ເປັນຕົ້ນອຸດສາຫະກຳປຸງແຕ່ງກະສິກຳ-ປ່າໄມ້, ອຸດສາຫະ
ກຳການທ່ອງທ່ຽວ, ອຸດສາຫະ ກຳຕັດຫຍິບ, ອຸດສາຫະກຳວັດສະດຸກໍ່ສ້າງ ແລະ ສົ່ງເສີມກິດຈະ
ກຳການສ້າງມູນຄ່າເພີ່ມໃນຂະແໜງບໍ່ແຮ່, ຫັດຖະກຳແຜ່ນແພ ແລະ ວຽກງານສົ່ງເສີມຫົວຄິດປະດິດສ້າງອື່ນໆ;
ສຸມໃສ່ພັດທະນາພື້ນຖານໂຄງລ່າງເສັ້ນທາງ ທາງບົກ, ທາງນ້ຳ ແລະ ທາງອາ ກາດທີ່ເຊື່ອມຕໍ່ປະເທດໃກ້ຄຽງ
ແລະ ປະເທດທີສາມໃຫ້ສະດວກຫລາຍຂຶ້ນ ເພື່ອຫລຸດຜ່ອນຄ່າສິ້ນເປືອງຕົ້ນທຶນຂົນສົ່ງ,
ປັບປຸງໂຄງລ່າງການບໍລິການ ແລະ ສິ່ງອຳ ນວຍຄວາມສະກວດດ້ານການຄ້າໃນຂົງເຂດ
ແລະ ພາກພື້ນ.
ການຫລຸດຜ່ອນຄວາມສ່ຽງ ຕໍ່ຄວາມບໍ່ໝັ້ນຄົງທາງເສດຖະ
ກິດແມ່ນມາດຕະຖານໜຶ່ງທີ່ສຳ ຄັນສຳລັບການຫລຸດພົ້ນອອກຈາກຄວາມດ້ອຍພັດທະນາທີ່ອົງການສະຫະປະຊາຊາດໄດ້ກຳນົດ
ເປັນຕົ້ນຫລຸດຜ່ອນຄວາມບໍ່ມີສະຖຽນລະພາບຂອງການຜະລິດກະ ສິກຳ ອັນເນື່ອງມາຈາກການປ່ຽນແປງດິນຟ້າອາກາດໃນແຕ່
ລະປີ ເປັນຕົ້ນໄພແຫ້ງແລ້ງ, ໄພນ້ຳຖ້ວມ, ອາ ກາດໜາວ, ອາກາດຮ້ອນຜິດປົກກະຕິ
ແລະ ຫລຸດ ຜ່ອນຄວາມສ່ຽງຕໍ່ຄວາມບໍ່ຮັບ ປະກັນສະຖຽນລະພາບຂອງການສົ່ງເສີມສິນຄ້າອຸດສາຫະກຳ
ແລະ ບໍລິການ ອັນເນື່ອງມາຈາກລາຍຮັບຕົ້ນຕໍຈາກການສົ່ງອອກ ຂຶ້ນກັບບາງລາຄາສິນຄ້າ
ເມື່ອປະເທດນຳເຂົ້າສິນຄ້າດັ່ງກ່າວມີວິກິດການກໍຈະສົ່ງຜົນກະທົບຕໍ່ເສດ
ຖະກິດແຫ່ງຊາດຢ່າງງ່າຍດາຍ.
ຍຸດທະສາດດັ່ງກ່າວ ໄດ້ກຳນົດ ຢູ່ໃນແຜນຍຸດທະສາດການພັດ
ທະນາເສດຖະກິດ-ສັງຄົມ ໄລຍະ 2016-2020 ເຊິ່ງໄດ້ຮັບການລາຍງານຈາກກະຊວງແຜນການ
ແລະ ການລົງທຶນ ໃນກອງປະຊຸມເຜີຍແຜ່ແນະນຳການຈັດຕັ້ງປະຕິ ບັດແຜນພັດທະ ນາເສດຖະກິດ-
ສັງຄົມ ແລະ ແຜນການສົ່ງເສີມການລົງທຶນສົກປີ 2013-2014 ເມື່ອບໍ່ດົນຜ່ານມາ.
No comments:
Post a Comment