ທ່ານຮອງນາຍົກລັດຖະມົນຕີ ອາຊາງ ລາວລີ
ໄດ້ເນັ້ນໃຫ້ຄະນະອຳນວຍການ ແລະ ພະນັກງານສະຖານີໂທລະພາບ ແຫ່ງຊາດ ຈົ່ງເພີ່ມທະວີຍົກສູງຄຸນນະພາບ ຂອງຕົນໃຫ້ມີຄວາມທັນສະໄໝ
ແລະ ມີເນື້ອໃນເລິກເຊິ່ງ ຫລາກຫລາຍກວ່າເກົ່າ ເພື່ອຕອບສະໜອງຄວາມຕ້ອງການດ້ານໜ້າທີ່ການເມືອງຂອງພັກ,
ການພັດທະນາ ເສດຖະກິດ-ສັງຄົມ, ສ່ອງແສງເຖິງຄວາມ ມຸ່ງມາດປາດຖະໜາຂອງປະຊາຊົນ ກໍຄື ສັງຄົມໃນໄລຍະໃໝ່
ໃນໂອກາດທ່ານຮອງນາຍົກລັດຖະມົນຕີໃຫ້ກຽດເຂົ້າຮ່ວມພິທີສະເຫລີມສະຫລອງວັນສ້າງຕັ້ງສະຖານີໂທລະພາບແຫ່ງຊາດຄົບຮອບ
30 ປີ (1 ທັນວາ 1983 - 1 ທັນວາ 2013) ຢູ່ຫໍວັດ ທະນາທຳແຫ່ງຊາດ ໃນວັນທີ 29 ພະຈິກຜ່ານມາ
ໂດຍມີທ່ານ ສາສະດາ ຈານ ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ, ພ້ອມດ້ວຍຜູ້ຕາງໜ້າຈາກອົງການສື່ຕ່າງໆເຂົ້າຮ່ວມເປັນຈຳນວນ
ຫລາຍ ແລະ ໃນໂອກາດນີ້, ທ່ານຮອງນາຍົກລັດຖະມົນຕີ ອາຊາງ ລາວລີ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະນຳ
ແລະ ພະນັກງານລັດຖະກອນໂທລະພາບແຫ່ງຊາດທີ່ໄດ້ເອົາໃຈໃສ່ປະຕິບັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບ
ສູງ
ແລະ ມີຜົນສຳເລັດຫລາຍດ້ານ, ໂດຍສະເພາະໄດ້ປະກອບສ່ວນໂຄສະນາເຜີຍແຜ່ແນວທາງນະໂຍບາຍຂອງພັກ,
ກົດໝາຍຂອງລັດ, ສ່ອງແສງຄວາມມຸ່ງມາດປາຖະໜາ ແລະ ຂະບວນການເຄື່ອນໄຫວຂອງປະຊາຊົນ,
ປຸກລະດົມຂົນຂວາຍຊັ້ນຄົນຕ່າງໆເຂົ້າຮ່ວມຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນແຕ່ລະໄລຍະ,
ສ່ອງແສງວຽກດີຄົນເດັ່ນ, ຍົກລະດັບຄວາມຮູ້ຕ່າງໆຂອງປະຊາຊົນ ປະກອບສ່ວນຕ້ານປາກົດການ
ຫຍໍ້ທໍ້ ແລະ ຕອບຕ້ານການໂຄສະ ນາບິດເບືອນ ແລະ ໃສ່ຮ້າຍປ້າຍສີຂອງຄົນບໍ່ດີຕໍ່ລະບອບໃໝ່
ແລະ ຕໍ່ແນວທາງນະໂຍບາຍຂອງພັກເຮົາໄດ້ເປັນຢ່າງດີຕະຫລອດມາ, ແຕ່ຄຽງຄູ່ກັບຜົນງານ
ແລະ ຈຸດດີກ່າວມານັ້ນ ໂທລະພາບແຫ່ງຊາດຍັງມີຂໍ້ຄົງຄ້າງຈຳນວນໜຶ່ງທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂ,ໂດຍສະເພາະແມ່ນຄຸນນະພາບຂອງລາຍການຕ່າງໆຍັງບໍ່ທັນດີເທົ່າທີ່ຄວນ,
ບໍ່ທັນຕອບສະໜອງໄດ້ຄວາມຮຽກຮ້ອງຕ້ອງການຕົວຈິງຂອງຍຸກສະໄໝເປັນຕົ້ນດ້ານເຕັກນິກ,
ເນື້ອໃນ ແລະ ການດຶງດູດຄວາມສົນໃຈຂອງຜູ້ເບິ່ງຜູ້ຊົມ. ການສະເໜີຂໍ້ມູນ-ຂ່າວສານຍັງຈຳ
ກັດ, ການສ່ອງແສງສະພາບຄວາມເປັນຈິງທາງດ້ານເສດຖະກິດ ແລະ ຊີວິດສັງຄົມບໍ່ທັນເລິກເຊິ່ງ,
ການໂຄສະນາຕົວແບບ ແລະ ບົດຮຽນທີ່ເປັນປະໂຫຍດທີ່ເກີດຂຶ້ນໃນສະພາບການວຽກງານຕົວຈິງຂອງສັງຄົມຍັງເຮັດໄດ້ໜ້ອຍ,
ການປັບປຸງຍົກລະ ດັບພື້ນຖານວັດຖຸເຕັກ ນິກ ແລະ ການກໍ່ສ້າງຖັນແຖວພະນັກງານວິຊາການກໍຍັງບໍ່ທັນສາມາດຕອບສະໜອງກັບການຂະ
ຫຍາຍຕົວຂອງວຽກງານ. ການໂຄສະນາເຜີຍແຜ່ວັດທະນະ ທຳອັນດີງາມຂອງຊາດຍັງເຮັດບໍ່ທັນໄດ້ດີ,
ຖັນແຖວຊາວໜຸ່ມເຍົາ ວະຊົນຈຳນວນໜຶ່ງຍັງບໍ່ຮູ້ຈັກທຳ ນຽມ, ປະເພນີ ແລະ ວັດທະນະ
ທຳອັນດີງາມຂອງຊາດ, ຍັງນິ ຍົມຊົມຊອບແບບແຜນການດຳ ລົງຊີວິດຂອງຊາດອື່ນ. ສະນັ້ນ
ເພື່ອສືບຕໍ່ເສີມຂະຫຍາຍມູນເຊື້ອ ທີ່ດີງາມຂອງຕົນ, ເພື່ອເຮັດຫລ້ອນໜ້າທີ່ການເມືອງທີ່ ໄດ້ຮັບມອບໝາຍຂໍຮຽກຮ້ອງມາຍັງຄະນະພັກຮາກຖານ,
ຄະນະອຳນວຍການໂທລະພາບແຫ່ງຊາດພະນັກງານທຸກຄົນຈົ່ງ ອອກແຮງເຝິກຝົນຫລໍ່ຫລອມຄຸນທາດການເມືອງຄຸນສົມບັດສິນທຳປະຕິວັດ,
ເພີ່ມທະວີຄວາມສາມັກຄີເປັນເອກະພາບພາຍ ໃນ, ຍົກສູງສະຕິລະວັງຕົວຕໍ່ກົນອຸບາຍທຳລາຍມ້າງເພຂອ
ສັດຕູ ແລະ ພວກຄົນບໍ່ດີ; ເອົາໃຈໃສ່ສຶກສາອົບຮົມການເມືອງແນວ ຄິດຢ່າງເປັນປົກກະຕິ ແລະ ຕໍ່ເນື່ອງແນໃສ່ຮັບປະກັນໃຫ້ຖັນແຖວພະນັກງານ-ລັດຖະກອນນັກຂ່າວນັກຖ່າຍທຳ,
ໂຄສົກພິທີ ກອນຜູ້ຈັດລາຍການທີ່ພວມປະຕິບັດໜ້າທີ່ບໍລິການຮັບໃຊ້ຢູ່ໜ່ວຍງານຕ່າງໆໄດ້ມີຄວາມຮັບຮູ້ເຊື່ອມຊຶມແນວທາງນະໂຍບາຍ
ຂອງພັກ, ລະບຽບກົດໝາຍຂອງລັດ, ມີທັດສະນະຫລັກໝັ້ນການເມືອງທີ່ຖືກຕ້ອງ, ມີຄຸນສົມບັດທີ່ດີ,
ມີທັດສະນະມະຫາ ຊົນຈິງໃຈປະກອບສ່ວນຮັບໃຊ້ທຸກໜ້າທີ່ວຽກງານໂດຍສະເພາະປະກອບສ່ວນເຂົ້າໃນການຈັດຕັ້ງປະຕິບັດຄາດໝາຍມະຕິ
ກອງປະຊຸມໃຫຍ່ຄັ້ງທີ 9 ຂອງພັກວາງອອກຄືປັບປຸງຄຸນນະພາບຂອງລາຍການໂທລະພາບຢູ່ບັນດາແຂວງ ແລະ
ຂະຫຍາຍເວ ລາອອກອາກາດຢ່າງໜ້ອຍໃຫ້ ໄດ້ 10 ຊົ່ວໂມງຕໍ່ມື້, ຂະ ຫຍາຍສະຖານີຮັບສົ່ງສັນຍານພາບໃຫ້ສາມາດກວມເອົາ
80% ຂອງ ເນື້ອທີ່ທົ່ວປະເທດ, ສືບຕໍ່ເອົາໃຈໃສ່ຍົກສູງຄຸນນະພາບວຽກງານໂທລະພາບໃຫ້ໄປຕາມທິດທັນສະໄໝ,
ສ້າງໃຫ້ພາກຂ່າວ ແລະ ລາຍການຕ່າງໆກາຍເປັນເຄື່ອງມືອັນແຫລມຄົມໃນການໂຄສະນາເຜີຍແຜ່ແນວທາງນະໂຍບາຍຂອງພັກ
ແລະ ກົດໝາຍ ຂອງລັດ, ສາມາດປຸກລະດົມຊຸກຍູ້ປະຊາຊົນບັນດາເຜົ່າປະກອບສ່ວນເຂົ້າໃນການປະຕິບັດພາລະກິດປ່ຽນແປງໃໝ່ກໍຄືພາລະ
ກິດປົກປັກຮັກສາ ແລະ ສ້າງສາພັດທະນາປະເທດຊາດ, ຕຳນິວິຈານບັນຫາຫຍໍ້ທໍ້ໃນສັງຄົມກໍຄືການພັດທະນາເສດຖະກິດ-ສັງ
ຄົມຢ່າງສ້າງສັນ ແລະ ເປັນປະໂຫຍດ, ຕອບຕ້ານການໂຄສະນາບິດເບືອນ ແລະ ໃສ່ຮ້າຍປ້າຍສີຂອງຄົນບໍ່ດີຕໍ່ລະບອບໃໝ່ຕໍ່
ແນວທາງນະໂຍບາຍຂອງພັກເຮົາ, ເຮັດໃຫ້ວຽກງານໂທລະພາບເປັນກະບອກສຽງທີ່ແຫລມຄົມຂອງພັກ, ເປັນສາຍໄຍຜູກພັນ
ລະຫວ່າງພັກກັບປະຊາຊົນ ແລະ ເປັນເວທີຂອງການເສີມຂະຫຍາຍປະຊາທິປະໄຕສິດເປັນ ເຈົ້າປະເທດຊາດຂອງປະຊາຊົນ
ບັນດາເຜົ່າຢ່າງແທ້ຈິງ, ສືບຕໍ່ຈັດຕັ້ງປະຕິບັດມະຕິ 7 ສະໄໝທີ 8 ຂອງສູນກາງໃຫ້ໄດ້ດີ ກວ່າເກົ່າທັງນີ້ເພື່ອເປັນກຳລັງແຮງ
ໃຫ້ແກ່ການເຄື່ອນໄຫວຜະລິດລາຍການ ແລະ ຫລຸດຜ່ອນການແບກຫາບຂອງລັດ. ສະເພາະແມ່ນການປະຕິບັດພາລະບົດ
ບາດ, ສິດ ແລະ ໜ້າທີ່ຂອງໂທລະພາບໃຫ້ຖືກຕ້ອງ ແລະ ຄົບຖ້ວນ, ເອົາໃຈໃສ່ບຳລຸງຍົກລະດັບ ແລະ
ກໍ່ສ້າງພະນັກງານໂທ ລະພາບໃຫ້ມີລະດັບຄວາມຮູ້ທາງດ້ານເຕັກນິກວິຊາການ, ມີຄວາມຫ້າວຫັນ, ເປັນເຈົ້າການ
ແລະ ມີສະຕິຄວາມຮັບຜິດຊອບ ສູງຕໍ່ໜ້າທີ່ວຽກງານຂອງຕົນ, ເອົາໃຈໃສ່ວຽກງານກໍ່ສ້າງພື້ນຖານໂຄງລ່າງ,
ການນຳໃຊ້ເຕັກນິກໃໝ່ທີ່ກ້າວໜ້າທັນສະໄໝຢ່າງ ເປັນລະບົບຄົບຊຸດສາມາດເຊື່ອມໂຍງດ້ານຂໍ້ມູນຂ່າວສານກັບສາກົນຢ່າງກົມກືນ
ແລະ ສອດຄ່ອງ, ເພີ່ມທະວີການຮ່ວມມື ກັບປະເທດເພື່ອນມິດສາກົນເພື່ອພັດທະນາວຽກງານໂທລະພາບໃຫ້ເຂັ້ມແຂງຂຶ້ນເລື້ອຍໆ
ແລະ ມີບາດກ້າວຫັນປ່ຽນໃໝ່ ຢ່າງໜັກແໜ້ນ, ເຮັດໃຫ້ໂທລະພາບຢູ່ປະເທດເຮົາກ້າວໜ້າທັນສະໄໝສົມກັບຄຳຂວັນຕັ້ງໄວ້ໂທລະພາບແຫ່ງຊາດລາວ
“ແຫລ່ງຂ່າວ ສານຄວາມຮູ້ສາລະບັນເທີງຂອງທຸກຄົນ”.
ໃນພິທີດັ່ງກ່າວ, ທ່ານຮອງນາຍົກລັດຖະມົນຕີ
ອາຊາງ ລາວລີ ແລະ ທ່ານ ສຈ.ດຣ ບໍ່ແສງຄຳ ວົງດາລາ ລັດຖະ ມົນຕີ ວ່າການກະຊວງຖະແຫລງຂ່າວ, ວັດທະນະທຳ
ແລະ ທ່ອງທ່ຽວ ໄດ້ໃຫ້ກຽດປະດັບຫລຽນ ແລະ ມອບໃບຍ້ອງໃຫ້ ແກ່ກົມກອງລວມໝູ່ ແລະ ບຸກຄົນທີ່ມີຜົນງານດີເດັ່ນໃນການປະກອບສ່ວນວຽກງານຂອງໂທລະພາບແຫ່ງຊາດໃນໄລຍະຜ່ານ
ມາກໍຄືປະຈຸບັນລວມມີ:ຫລຽນໄຊອິດສະຫລະຊັ້ນ II ຈຳນວນ 2 ຄົນ ແລະ 1 ກົມກອງ, ຫລຽນໄຊອິດສະຫລະ
ຊັ້ນ III ຈຳ ນວນ 6 ຄົນ; ຫລຽນໄຊ ແຮງງານຊັ້ນ I ມີ 28 ຄົນ ແລະ 1 ກົມກອງ, ຫລຽນໄຊແຮງງານ
ຊັ້ນ II ມີ 19 ຄົນ ແລະ 3 ກົມ ກອງ; ຫລຽນໄຊແຮງງານຊັ້ນ III ມີ 29 ຄົນ ແລະ 3 ກົມກອງ; ຫລຽນກາ
ແຮງງານ 50 ຄົນ ແລະ 13 ກົມກອງ;ຫລຽນໄຊ ມິດ ຕະພາບ 4 ຫລຽນ; ຫລຽນກາມິດ ຕະພາບ 1 ຫລຽນ. ພ້ອມດຽວກັນ
ນີ້,ຜູ້ຕາງໜ້າໂທລະພາບແຫ່ງ ຊາດຫວຽດນາມ ກໍໄດ້ມອບ ຫລຽນໄຊເອກະລາດຊັ້ນ III ໃຫ້ ແກ່ໂທ ລະພາບແຫ່ງຊາດລາວ,
ມອບຫລຽນກາມິດຕະພາບ ໃຫ້ 5 ພະແນກ ແລະ ໃບຍ້ອງຍໍ 3 ພະ ແນກ.ສ່ວນ ຫລຽນໄຊ ມິດຕະ ພາບແມ່ນໄດ້ມອບໃຫ້ທ່ານ
ດຣ. ບຸນຈອມ ວົງເພັດ ຜູ້ອຳນວຍການ ໂທລະພາບແຫ່ງຊາດລາວ;ມອບ ຫລຽນກາມິດຕະພາບໃຫ້ 8 ຄົນ ແລະ
ຫລຽນທີ່ລະນຶກ 23 ຄົນ.
No comments:
Post a Comment