ຕົວແທນກະຊວງກະສິກຳ-ປ່າໄມ້ຂອງລາວ,
ກຽມເຂົ້າຮ່ວມກອງປະຊຸມລະດັບໂລກ ກ່ຽວກັບການສະກັດກັ້ນ ແລະ ຕ້ານການຄ້າສັດປ່າທີ່ຜິດກົດໝາຍ
ຊຶ່ງຈະຈັດຂຶ້ນຢູ່ລອນດອນ ປະເທດອັງກິດ ໃນລະຫວ່າງວັນທີ 11-13 ກຸມພາ 2014, ໂດຍການສະໜັບສະໜູນຈາກສະຖານທູດອັງກິດປະຈຳລາວທີ່ວຽງຈັນ,
ທັງນີ້ເພື່ອປະກອບສ່ວນຊຸກຍູ້ຕໍ່ຄວາມພະຍາຍາມໃນທົ່ວໂລກ ໃນການຕໍ່ຕ້ານການຄ້າສັດປ່າທີ່ຜິດກົດໝາຍ.
ທ່ານຟີລິບ ມາລອນ(Mr Philip Malone) ທູດອັງກິດປະຈຳລາວ
ກ່າວຕໍ່ສື່ມວນຊົນໃນຕອນຄ່ຳຂອງວັນທີ 5 ກຸມພາ 2014 ຢູ່ໂຮງແຮມເສດຖາປະລາຊລະບຸວ່າ:
ກອງປະຊຸມຈະວາງເປົ້າສຳຄັນໝາຍການປຶກສາຫາລືກ່ຽວກັບບັນຫາການຄ້າສັດປ່າທີ່ຜິດກົດໝາຍຄ້າຍກັບບັນຫາສິ່ງແວດລ້ອມ.
ໃນຕົວຈິງແລ້ວການຄ້າສັດປ່າທີ່ຜິດກົດໝາຍຂ້ອນຂ້າງເປັນອຸດສາຫະ ກຳ ແລະ ສ້າງລາຍຮັບເປັນຈຳນວນຫລາຍໃນແຕ່ລະປີ,
ຊຶ່ງເປັນສິ່ງຈູງໃຈເຮັດໃຫ້ເກີດການສໍ້ລາດບັງຫລວງ ແລະ ຄວາມບໍ່ໝັ້ນຄົງ,
ເປັນບັນຫາໜຶ່ງທີ່ທ່ວງດຶງຄວາມພະຍາຍາມໃນການຫລຸດຜ່ອນຄວາມທຸກຍາກ ແລະ ຄວາມຍືນຍົງຂອງການພັດທະນາ
ທັງເປັນການເຊື່ອມໂຍງໄປສູ່ການກໍ່ການຮ້າຍນຳອີກ. ສະນັ້ນກອງປະຊຸມຄັ້ງນີ້ ຈະເນັ້ນປັບປຸງການບັງຄັບໃຊ້ກົດ
ໝາຍ, ພາລະບົດບາດຂອງລະບົບຍຸຕິທຳທາງອາຍາ, ຫລຸດຜ່ອນທາງດ້ານຜະລິດຕະພັນສັດປ່າ
ແລະ ສະໜັບສະໜູນການພັດ ທະນາທາງດ້ານວິຖີການທຳມາຫາກິນທີ່ມີຄວາມຍືນຍົງສຳລັບຊຸມຊົນ ທີ່ໄດ້ຮັບຜົນກະທົບຈາກການຄ້າສັດປ່າທີ່ຜິດກົດໝາຍ. ກອງປະຊຸມຍັງຈະເນັ້ນໜັກການປົກປ້ອງສັດສາມສາຍພັນທີ່ໂດດເດັ່ນ ແລະ ກຳລັງຈະສູນພັນນັ້ນຄື: ຊ້າງ, ເສືອ ແລະ ໂຕແຮດ ຊຶ່ງສັດເຫລົ່ານີ້ເປັນເປົ້າໝາຍຫລັກຂອງການກະທຳທີ່ມີຄວາມຜິດທາງອາຍາ.
ສປປ ລາວ ໄດ້ຖືສຳຄັນຕໍ່ບັນຫາດັ່ງກ່າວ ແລະ
ກໍມີຜົນກະທົບຈາກການຄ້າສັດປ່າທີ່ຜິດກົດໝາຍ ໂດຍທ່ານ ດຣ ພວງປະ ຣິສັກ ປຣະວົງວຽງຄຳ
ລັດຖະມົນຕີຊ່ວຍວ່າການກະຊວງກະສິກຳ-ປ່າໄມ້ ຊຶ່ງຈະເປັນຕົວແທນຂອງລັດຖະບານລາວນຳພາຄະ
ນະໄປຮ່ວມກອງປະຊຸມດັ່ງກ່າວ ແລະ ໄດ້ແຈ້ງໃຫ້ນັກຂ່າວວ່າ: ລັດຖະບານຍາມໃດກໍໄດ້ມີຄວາມພະຍາຍາມໃນການສະໜັບ
ສະໜູນນະໂຍບາຍຕ້ານສະກັດກັ້ນການຄ້າສັດປ່າທີ່ຜິດກົດໝາຍ ເພື່ອໃຫ້ມີການພັດທະນາແບບຍືນຍົງ
ແລະ ປົກປັກຮັກສາສະພາບແວດລ້ອມຕະຫລອດມາ. ໃນໂອກາດເຂົ້າຮ່ວມກອງປະຊຸມຄັ້ງນີ້
ຈະໄດ້ສະແດງຈຸດຢືນຂອງລັດຖະບານຕໍ່ບັນຫາການຄ້າສັດປ່າທີ່ຜິດກົດໝາຍ ແລະ ເປັນການແລກປ່ຽນ
ແລະ ຖອດຖອນບົດຮຽນເພື່ອນຳມາສືບຕໍ່ປະຕິບັດຢູ່ລາວຢ່າງເໝາະສົມ.
No comments:
Post a Comment