ໃນວັນທີ 9 ເມສານີ້, ລັດວິສາຫະກິດການບິນລາວໄດ້ຈັດພິທີສະເຫລີມສະຫລອງວັນສ້າງຕັ້ງຄົບຮອບ
25 ປີ (23/5/ 1989 - 23/5/2014) ຂຶ້ນທີ່ສຳນັກງານຂອງຕົນໃນນະ ຄອນຫລວງວຽງຈັນ ໂດຍການເຂົ້າຮ່ວມຂອງທ່ານ
ລັດຕະນະມະນີ ຄູນນີວົງ ລັດຖະມົນຕີຊ່ວຍວ່າການກະຊວງໂຍທາທິການ ແລະ ຂົນສົ່ງ.
ໃນໂອກາດດັ່ງກ່າວ, ທ່ານອຳນວຍການລັດວິສາຫະກິດການບິນລາວ
ດຣ. ສົມພອນ ດວງດາລາ ໄດ້ກ່າວຄຳເຫັນວ່າ: ລັດວິສາຫະກິດການບິນລາວ ແມ່ນຫົວໜ່ວຍທຸລະກິດໜຶ່ງທີ່ລັດ
ຖະບານໄດ້ສ້າງຕັ້ງຂຶ້ນ ເຊິ່ງແຍກອອກຈາກກົມການບິນພົນລະເຮືອນເພື່ອມາດຳເນີນທຸລະກິດແບບເອກະລາດທາງດ້ານການເງິນ
ແລະ ຕະຫລອດໄລຍະ 25 ປີຜ່ານມານັ້ນ ໄດ້ຮັບການພັດທະນາຢ່າງລຽນຕິດໃນການດຳເນີນທຸລະກິດໃຫ້ມີການຂະຫຍາຍຕົວ
ຄືທຶນເພີ່ມຂຶ້ນຈາກ 400 ຕື້ກີບ ໃນປີ 2006 ມາເປັນ 2.000 ຕື້ກີບ ໃນປີ 2013, ມີເຮືອບິນເພີ່ມຂຶ້ນຈາກ
2 ລຳ ມາເປັນ 15 ລຳ ໃນປີ 2014, ໃນນັ້ນມີແອບັດ A320 ຈຳ ນວນ 4 ລຳ. ພະນັກງານກຳມະ
ກອນເພີ່ມຂຶ້ນຈາກ 400 ຄົນ ມາເປັນ 875 ຄົນ, ໃນນັ້ນ ຈຸບິນເພີ່ມຂຶ້ນ 6 ເທົ່າ;
ຕົວແທນຂາຍປີ້ເພີ່ມຂຶ້ນເປັນ 360 ຕົວແທນ, ມີການຮ່ວມມືກັບ 25 ສາຍການບິນຂອງ
23 ປະເທດໃນໂລກ. ບໍລິການຜູ້ໂດຍສານ
ເພີ່ມຂຶ້ນຈາກ 275.000 ເທື່ອຄົນ ມາເປັນ
743.000 ເທື່ອຄົນ, ລາຍຮັບທຸລະກິດເພີ່ມຂຶ້ນ ຈາກ 199 ຕື້ກີບ ມາເປັນ 926 ຕື້ກີບ.
ລະບົບການບໍລິຫານຄຸ້ມຄອງມີຄວາມໜັກແໜ້ນເຂັ້ມແຂງ ແລະ ໄດ້ຮັບລາງວັນຈາກອົງ
ການຈັດຕັ້ງສາກົນ BID & BIZZ ຈຳນວນ 5 ປີຊ້ອນ ນັບແຕ່ປີ 2007 ເປັນຕົ້ນມາ, ໄດ້ຮັບຮອງເປັນອົງການທີ່ມີມາດຖານ
ISO ດ້ານບໍລິການ ແລະ ກຳລັງກວດສອບເພື່ອຮັບຮອງເປັນອົງການທີ່ມີມາດຖານຄວາມປອດໄພສາກົນ
IOSA ໃນປີນີ້.
ຜົນສຳເລັດດັ່ງກ່າວນັ້ນ, ມັນໄດ້ສ້າງພາບພົດອັນໃໝ່
ທັງເປັນນິມິດໝາຍທີ່ເອກອ້າງແກ່ລັດວິສາຫະກິດການບິນລາວ ກໍຄືຂອງປະເທດພວກເຮົາ.
ມັນສ່ອງແສງເຖິງຄວາມຖືກຕ້ອງຕາມແນວ ທາງຂອງພັກ ແລະ ລັດຖະບານໃນການປັບປຸງ
ແລະ ພັດ ທະນາລັດວິສາຫະກິດໄລຍະໃໝ່, ສ່ອງແສງເຖິງຄວາມພະຍາຍາມອົດ ທົນ, ຄວາມສະດຸ້ງໄວ
ແລະ ຄວາມມີສະຕິເປັນເຈົ້າຕົນເອງ ເພິ່ງຕົນເອງທີ່ມີຄວາມຮັບຜິດ ຊອບສູງຂອງພະນັກງານກຳມະ
ກອນພວກເຮົາ ແລະ ໃນຕໍ່ໜ້ານີ້ ພວກເຮົາຈະພະຍາຍາມນຳໃຊ້ບົດຮຽນ ແລະ ປະສົບການທີ່ມີ
ເພື່ອສືບຕໍ່ປັບປຸງ ແລະ ພັດທະນາການບິນລາວໃຫ້ບັນລຸເປົ້າໝາຍຫັນເປັນທັນສະໄໝ,
ມີມາດຖານ ແລະ ເຊື່ອມໂຍງກັບສາກົນ ໃນປີ 2020 ເຊິ່ງເປັນປີທີ່ປະເທດຊາດຂອງເຮົາໄດ້ຫລຸດພົ້ນອອກຈາກບັນຊີປະເທດດ້ອຍພັດທະນາ.
No comments:
Post a Comment