ກະຊວງສາທາລະນະສຸກ ໃຫ້ຮູ້ວ່າ: ປັດຈຸບັນ,
ການດຳເນີນທຸ ລະກິດກ່ຽວກັບຢາສູບພວມມີການແຂ່ງຂັນກັນຢ່າງແຂງແຮງໃນຫລາຍປະເທດ,
ຂະນະດຽວກັນນັ້ນ ຜູ້ປະກອບການຜະລິດສິນຄ້າອື່ນໆເຊັ່ນ: ເຂົ້າໜົມ, ກັບໄຟ ແລະ
ເຄື່ອງທີ່ລະນຶກຕ່າງໆ ກໍສ້າງຄວາມສົນໃຈຕໍ່ຜູ້ບໍລິໂພກ ດ້ວຍການລອກຮຽນແບບຮູບພາບຍີ່ຫໍ້ຂອງຜະລິດຕະພັນຢາ
ສູບໃສ່ວັດຖຸ ຫລື ສິນຄ້າຂອງຕົນ ເຊິ່ງຜະລິດຕະພັນເຫລົ່ານີ້ແມ່ນນຳເຂົ້າຈາກປະເທດເພື່ອນບ້ານໃກ້ຄຽງ
ແລະ ມີຈຳໜ່າຍແຜ່ຫລາຍໃນທົ່ວປະເທດ ໂດຍສະເພາະຢູ່ຕາມໂຮງຮຽນ ແລະ ຊຸມຊົນຕ່າງໆ.
ການກະທຳດັ່ງກ່າວຖືເປັນການຝ່າຝືນກົດໝາຍວ່າດ້ວຍການຄວບຄຸມຢາສູບແລ້ວ
ມັນຍັງແຝງໄປດ້ວຍການໂຄສະນາ
ເພື່ອຊັກຊວນ, ຫລອກລວງ, ຊວນເຊື່ອປະຊາຊົນ ໂດຍສະເພາະເດັກນ້ອຍ,
ເຍົາວະຊົນ ແລະ ຊາວໜຸ່ມໃຫ້ລຶ້ງເຄີຍກັບຜະລິດຕະພັນເຫລົ່ານີ້ຈົນເຫັນຊິນຕາວ່າຢາສູບເປັນສິນຄ້າທຳມະດາທົ່ວໄປ
ແລະ ຮຽນແບບພຶດຕິກຳການສູບຢາຂອງຜູ້ໃຫຍ່ ແລະ ເມື່ອມີໂອກາດກໍຈະຫັນໄປທົດລອງຢາສູບຈິງມາສູບ
ເພາະເດັກເຊື່ອວ່ານີ້ແມ່ນເລື່ອງປົກກະຕິ ແລະ ນີ້ຖືວ່າເປັນໄພອັນຕະ ລາຍຮ້າຍແຮງທີ່ສັງຄົມພວມເບິ່ງຂ້າມມັນຢູ່.
ກະຊວງສາທາລະນະສຸກ ໄດ້ຢືນຢັນໜັກແໜ້ນວ່າ:
ການລຶ້ງເຄີຍກັບຜະລິດຕະພັນລອກຮຽນແບບຢາສູບນັ້ນ ແມ່ນຈຸດເລີ່ມ ຕົ້ນຂອງການສູບຢາ
ແລະ ອາດກາຍເປັນຜູ້ສູບຢາໜ້າໃໝ່ ຈົນກ້າວໄປເປັນລູກຄ້າຖາວອນ ຂອງຜະລິດຕະພັນແຫ່ງຄວາມຕາຍໃນອະນາຄົດ
ເຊິ່ງຫວັງວ່າຜູ້ໃຫຍ່ ຫລື ຜູ້ປົກຄອງຂອງເດັກຜູ້ໃດຄົງບໍ່ຢາກເຫັນລູກຫລານຂອງຕົນຕິດຢາສູບແຕ່ຍັງນ້ອຍ
ເຖິງແມ່ນຕົນເອງສູບຢາກໍຕາມ.
No comments:
Post a Comment