ປະທານສານຢືນຢັນການແກ້ໄຂຄະດີຜ່ານມາໄດ້ຮັບຜົນດີແຕ່ຍັງມີອັນຊັກຊ້າ

        ໃນປີຜ່ານມາສານປະຊາ ຊົນທຸກຂັ້ນໄດ້ຮັບຄະດີທັງໝົດ 7.769 ເລື່ອງ, ຄ້າງມາແຕ່ປີ ກ່ອນ 1.613 ເລື່ອງ ລວມທັງໝົ ດຈຳນວນ 9.382 ເລື່ອງ, ທຽບໃສ່ ໄລຍະດຽວກັນຂອງປີກ່ອນເພີ່ມຂຶ້ນ 847 ເລື່ອງ. ຜ່ານການຕິດຕາມ, ຕີລາຄາ ການພິຈາ ລະນາຕັດສິນ ແລະ ພິພາກສາຄະດີ ຂອງຜູ້ພິພາກສາເຫັນວ່າດີຂຶ້ນ ເປັນ ກ້າວໆ, ອັນໄດ້ສ້າງຄວາມ ພໍໃຈແກ່ຄູ່ຄວາມຕໍ່ການໄກ່ ເກ່ຍ ແລະ ຄຳຕັດສິນພິພາກ ສາຂອງສານຫຼາຍຂຶ້ນຕາມລຳດັບ ຊຶ່ງ ເປັນການປະກອບສ່ວນສຳຄັນ ເຮັດໃຫ້ບ້ານ ເມືອງກ້າວໄປສູ່ຄວາມສະຫງົບ, ແຕ່ໃນຂະນະດຽວກັນການຄົ້ນຄວ້າພິຈາລະ ນາຄະດີຍັງມີຫຼາຍເລື່ອງພົບກັບຄວາມຫຍຸ້ງຍາກ ແລະ ຊັກຊ້າ ແກ່ຍາວເວລາ.

     ຕໍ່ບັນຫາດັ່ງກ່າວໄດ້ຮັບການ ຢືນຢັນຈາກ ທ່ານ ຄຳພັນ ສິດທິ ດຳພາ ປະທານສານປະຊາຊົນສູງສຸດທີ່ໄດ້ລາຍງານຕໍ່ກອງ ປະຊຸມສະໄໝສາມັນເທື່ອທີ 7 ຂອງ ສະພາແຫ່ງຊາດຊຸດທີ VII ເມື່ອ ວັນທີ 16 ກໍລະກົດນີ້ວ່າ: ການຄົ້ນຄວ້າພິຈາລະນາຕັດ ສິນຄະດີ ແລະ ພິພາກສາຄະດີໄດ້ເປັນຈຳ ນວນຫຼວງຫຼາຍ ແລະ ມີຄຸນນະ ພາບດີຂຶ້ນເລື້ອຍໆແຕ່ເມື່ອທຽບໃສ່ຄວາມຮຽກ

ຮ້ອງຕ້ອງການຂອງສັງຄົມທີ່ນັບມື້ສູງຂຶ້ນກໍຍັງ ເຫັນວ່າການແກ້ໄຂຄະດີຂອງ ສານຍັງຊັກຊ້າ, ແກ່ຍາວ, ເຮັດໃຫ້ຄູ່ຄວາມສົງ ໄສ, ລໍຄອຍ.  ນອກນັ້ນການຄົ້ນຄ້ວາຄະດີບາງເລື່ອງຍັງບໍ່ມີຫຼັກຖານຄົບຖ້ວນ- ພຽງພໍເພື່ອເປັນບ່ອນອີງໃນການຕັດສິນ ການດຳເນີນການພິສູດຫຼັກຖານຍັງພົບຄວາມຫຍຸ້ງຍາກ, ຊັກຊ້າ, ແກ່ຍາວບໍ່ທັນມີບັນຊີຊ່ຽວຊານລະອຽດ ແລະ ບາງກໍລະນີ ຂາດຊ່ຽວຊານສະ ເພາະດ້ານ, ການດຳເນີນຄະດີ ບາງເລື່ອງກໍບໍ່ທັນນຳເອົາບຸກຄົນທີສາມເຂົ້າຮ່ວມໃນການດຳເນີນຄະດີ ທັງນີ້ກໍເນື່ອງຈາກຄວາມ ຮັບຜິດຊອບໃນການຄົ້ນຄວ້າກຳ ນົດເຫດການຄະດີຂອງຜູ້ພິພາກສາຍັງບໍ່ທັນລະອຽດ, ຈະແຈ້ງ ເຮັດໃຫ້ບໍ່ສາມາດຮູ້ໄດ້ວ່າຄະດີ ດັ່ງກ່າວພົວພັນກັບບຸກຄົນທີ ສາມ. ພ້ອມດຽວກັນນັ້ນ ໂຈດ ແລະ ຈຳເລີຍເອງກໍປິດບັງ, ເຊື່ອງອຳບໍ່ລາຍງານຕໍ່ສານ, ຈຶ່ງ ເຮັດໃຫ້ບາງຄະດີບໍ່ໄດ້ນຳເອົາ ບຸກຄົນທີສາມເຂົ້າຮ່ວມໃນການດຳເນີນຄະດີ. ການຕັດສິນຍັງບໍ່ ທັນຮັບປະກັນລັກສະນະຄົບຖ້ວນ, ຮອບດ້ານ, ຄວາມເຂົ້າໃຈ ຕໍ່ຄວາມໝາຍຂອງກົດໝາຍບາງມາດຕາຍັງບໍ່ເປັນເອກະພາບ, ເຮັດໃຫ້ການຕັດສິນຂອງຜູ້ພິພາກສາຈຳນວນໜ້ອຍໜຶ່ງບໍ່ທັນດີເທົ່າທີ່ຄວນ. ສະແດງອອກ ສານຂັ້ນເທີງຍັງປ່ຽນແປງຄຳ ຕັດ ສິນ, ຄຳພິພາກສາຂອງສານຂັ້ນລຸ່ມຍັງກວມເປີເຊັນສູງຢູ່, ການກວດກາຄຳຕັດສິນ, ຄຳພິພາກສາກ່ອນຈະເຊັນອອກ ຍັງບໍ່ທັນ ລະອຽດ, ມີບາງຄຳຕັດສິນ ບໍ່ເຮັດຕາມໂຄງຮ່າງທີ່ກຳນົດ, ຍັງມີການນຳໃຊ້ມາດຕາກົດໝາຍ, ການວິນິດໄສບໍ່ຈະແຈ້ງ, ບໍ່ຄົບ ຖ້ວນ, ພາກວິນິດໄສກັບເນື້ອຄະດີ ຫຼື ພາກວິນິດໄສກັບພາກຕັດສິນຍັງບໍ່ສອດຄ່ອງກັນ. ຄຽງຄູ່ກັນນັ້ນບັນດາຂະແໜງການທີ່ ກ່ຽວຂ້ອງກັບການດຳ ເນີນຄະດີບາງຄັ້ງບາງບ່ອນຍັງບໍ່ທັນໃຫ້ການຮ່ວມມືເທົ່າທີ່ຄວນ, ຈຶ່ງພາໃຫ້ມີການດຳເນີນຄະດີຊັກຊ້າ ແລະ ມີການຕັດສິນລັບຫຼັງໃນບາງຄະດີກໍຍັງມີຢູ່.

         ປະທານສານປະຊາຊົນສູງ ສຸດ ໃຫ້ທັດສະນະວ່າ: ໂດຍແນ ໃສ່ເຮັດໃຫ້ການປະຕິບັດໜ້າທີ່ໃນການພິຈາລະນາຕັດສິນ, ພິພາກ ສາຄະດີຂອງສານມີຄວາມວ່ອງໄວ, ໂປ່ງໃສ, ຖືກຕ້ອງ ແລະ ເປັນ ທຳພ້ອມທັງສົ່ງເສີມດ້ານຕັ້ງໜ້າ ແລະ ແກ້ໄຂດ້ານ ອ່ອນໃນຜ່ານ ມາ, ສະນັ້ນ ໃນສົກປີ 2014-2015 ສານປະຊາຊົນຈະສຸມໃສ່ວຽກ ຕົ້ນຕໍຄື:  ບຳລຸງສ້າງພະນັກງານ ໃນຂະ ບວນການວຽກງານຕົວ ຈິງດ້ວຍການເຮັດຕົວຈິງໃຫ້ ຫຼາຍເປັນຕົ້ນວຽກງານຈ່າສານຕ້ອງເລັ່ງໃສ່ການຮັບ ແລະ ກວດ ກາຄຳ ຮ້ອງຟ້ອງ, ການປະກອບ ສຳນວນຄະດີ, ການປະຊຸມສານ, ການສົ່ງສຳນວນຄະດີ ແລະ ອື່ນໆໃຫ້ມີຄວາມລະອຽດ, ຮອບ ຄອບໃນເບື້ອງຕົ້ນ. ສຳລັບຜູ້ພິ ພາກສາຕ້ອງເລັ່ງໃສ່ຄົ້ນຄວ້າສຳນວນຄະດີໂດຍເອົາໃຈໃສ່ຄົ້ນ ຄວ້າກວດກາຮູບຄະດີໃຫ້ລະ ອຽດ, ຄົ້ນຄວ້າເຫດການເນື້ອ ຄະດີໃຫ້ມຄວາມຈະແຈ້ງ, ຮັດ ກຸມ, ໃຫ້ຄວາມສຳຄັນຕໍ່ການນຳ ເອົາໂຈດ, ຈຳເລີຍ ແລະ ບຸກ ຄົນທີສາມມີສ່ວນຮ່ວມໃນການດຳ ເນີນຄະດີໃຫ້ຫຼາຍຂຶ້ນ, ກວດ ສອບ ແລະ ປະກອບຫຼັກຖານ, ການເອົາຄຳໃຫ້ການ ຕ້ອງ ຄົບຖ້ວນ, ພຽງພໍ ແລະ ເຮັດຢ່າງຮອບດ້ານ, ການໄຕ່ສວນຕ້ອງ ເຮັດຕາມຂັ້ນຕອນຂອງກົດໝາຍ, ໃຫ້ເປັນທີ່ເຄົາລົບເຊື່ອ ຖືຈາກສັງຄົມ, ການຂຽນຄຳຕັດສິນຕ້ອງໃຫ້ລະອຽດ, ຈະແຈ້ງໃຫ້ຄຳ ຕອບທຸກຂໍ້ສະເໜີຂອງຄູ່ຄວາມ ແລະ ສືບຕໍ່ຍົກສູງຄຸນ ນະພາບຂອງການພິຈາລະນາແກ້ໄຂຄະດີ ທີ່ເຂົ້າມາສານທຸກຂັ້ນໃຫ້ໄດ້ 85% ເພື່ອສ້າງຄວາມຍຸຕິທຳ ແລະ ປະກອບສ່ວນ ເຮັດໃຫ້ບ້ານເມືອງກ້າວໄປສູ່ຄວາມສະຫງົບ.