ກອງປະຊຸມຜູ້ເຂົ້າຮ່ວມໄດ້ຮັບຟັງກ່ຽວກັບປະຫວັດຄວາມເປັນ ມາຂອງອົງການ ປະກັນສັງຄົມ,
ຄວາມສຳຄັນ ແລະ ພັນທະຂອງການເຂົ້າເປັນສະມາຊິກປະກັນ ສັງຄົມລວມເຖິງຜົນປະໂຫຍດທີ່ຈະໄດ້ຮັບຈາກປະກັນສັງຄົມເພື່ອໃຫ້ຜູ້ປະກອບການ
ຫົວໜ່ວຍທຸລະກິດທັງພາຍໃນ ແລະ ຕ່າງປະເທດທີ່ດຳເນີນທຸລະກິດຢູ່ລາວ ເວົ້າລວມ, ເວົ້າສະເພາະແມ່ນຜູ້ປະກອບການຢູ
ເມືອງສີໂຄດໄດ້ຮັບຮູ້ເຂົ້າໃຈ ແລະ ມີຄວາມຕື່ນ ຕົວເຂົ້າເປັນສະມາຊິກອົງການປະກັນສັງຄົມໃຫ້ຖືກຕ້ອງຕາມລະບຽບທີ່ລັດ
ຖະບານກຳນົດໄວ.
ທ່ານອຳນວຍການອົງການປະກັນສັງຄົມ ກ່າວວ່າ:
ພາຍ ຫລັງໄດ້ມີການສ້າງຕັ້ງອົງການປະກັນສັງຄົມ (ອປສ) ຂຶ້ນໃນປີ 2001 ເປັນຕົ້ນມາ,
ເຫັນວ່າມີບາດກ້າວເຕີບໃຫຍ່ຂຶ້ນເລື້ອຍໆ ເຊິ່ງສະແດງອອກໃນໂຕເລກເພີ່ມຂຶ້ນຂອງສະມາຊິກໃນແຕ່ລະໄລຍະ
ຄືປີ 2001 ມີວິສາຫະກິດເຂົ້າເປັນສະມາຊິກ 64 ຫົວໜ່ວຍ, ປີ 2005 ມີ 223 ຫົວໜ່ວຍ
ແລະ ເພີ່ມຂຶ້ນເປັນ 1.473 ຫົວໜ່ວຍ ໃນປີ 2014 ມີຜູ້ປະກັນຕົນ 80 ພັນກວ່າຄົນ.
ແຕ່ແນວໃດກໍຕາມ, ໂຕເລກດັ່ງກ່າວຖືວ່າຍັງໜ້ອຍຫຼາຍກວມພຽງ 1/3 ຂອງຫົວໜ່ວຍທຸ
ລະກິດທັງພາກລັດ ແລະ ເອກະຊົນທົ່ວປະເທດ ເຊິ່ງເຫັນວ່າຍັງມີຫລາຍຫົວໜ່ວຍວິສາຫະກິດຫລົບຫລີກການເຂົ້າເປັນສະມາ
ຊິກອົງການປະກັນສັງຄົມ ແລະ ມີຄວາມເຂົ້າໃຈພຽງວ່າການເຂົ້າເປັນສະມາຊິກປະກັນສັງຄົມນັ້ນແມ່ນການເສຍເງິນໂດຍເປົ່າປະໂຫຍດ
ແລະ ເມື່ອເວລາໄປປິ່ນປົວຢູ່ໂຮງໝໍກໍບໍ່ຄ່ອຍໄດ້ຮັບການເບິ່ງແຍງຮັກສາທີ່ດີ
ແລະ ມີຄວາມຫຍຸ້ງຍາກ ເຊິ່ງຄວາມຈິງແລ້ວການເຂົ້າປະກັນສັງຄົມແມ່ນມີປະໂຫຍດຫລາຍຢ່າງໃນການປົກປ້ອງຄຸ້ມຄອງສຸຂະພາບຜູ້ໃຊ້ແຮງງານ
ແລະ ຜູ້ອອກແຮງງານ ແລະ ທັງເປັນພັນທະຂອງທຸກຫົວໜ່ວຍວິສາຫະກິດທີ່ໄດ້ສ້າງຕັ້ງ
ແລະ ດຳເນີນທຸລະກິດໃນ ສປປ ລາວ, ຖ້າຫົວໜ່ວຍ ວິສາຫະກິດໃດບໍ່ປະຕິບັດການເຂົ້າເປັນສະມາຊິກກໍຖືວ່າລະເມີດລະບຽບທີ່ລະບຸໄວ້ໃນດຳລັດເລກທີ
207/ນຍ ວ່າດ້ວຍລະ ບອບປະກັນສັງຄົມສຳລັບຜູ້ອອກແຮງງານໃນພາກວິສາຫະກິດ.
ທ່ານອຳນວຍການອົງການປະກັນສັງຄົມ ໃຫ້ຮູ້ວ່າ:
ຕະ ຫລອດ 13 ປີຜ່ານມາ(ອປສ) ໄດ້ ຈ່າຍອຸດໜູນໃຫ້ສະມາຊິກໄປແລ້ວ 167 ຕື້ກວ່າກີບ, ໃນນັ້ນອຸດໜູນໄລຍະສັ້ນເຊັ່ນ:
ເຈັບປ່ວຍ, ເກີດລູກ ,ເສຍຊີວິດ ແລະ ເສຍແຮງງານຊົ່ວຄາວ 42 ຕື້ກວ່າກີບ, ຈ່າຍອຸດໜູນໄລຍະຍາວມີບຳນານ,
ເສຍອົງຄະ, ຄອບຄົວຜູ້ເສຍຊີວິດ 24 ຕື້ກວ່າກີບ, ຈ່າຍປິ່ນປົວສຸຂະພາບໃຫ້ແຕ່ລະໂຮງໝໍຄູ່ສັນຍາທົ່ວປະເທດ
72 ຕື້ກວ່າກີບ ແລະ ຈ່າຍອຸປະຕິເຫດແຮງງານຫລາຍກວ່າ 1 ຕື້ກີບ.
No comments:
Post a Comment