ປັດຈຸບັນ, ບັນດາກົມ-ກອງສິ ລະປະການສະແດງອ້ອມຂ້າງສູນກາງມີຄວາມ ພ້ອມຫລາຍເພື່ອກຽມສະແດງສິລະປະວັດທະນະທຳຮັບໃຊ້ກອງປະຊຸມສະມັດ ຊາລັດຖະສະພາລະຫວ່າງຊາດ
ອາຊຽນ (AIPA) ເຊິ່ງຈະຈັດຂຶ້ນໃນເດືອນກັນຍາທີ່ ຈະເຖິງນີ້, ທີ່ ສປປ ລາວ ແລະ ໃນວັນທີ
27 ສິງຫານີ້, ກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວ, ກໍຄືບັນ ດາກົມ-ກອງສິລະປະການສະແດງ
ໄດ້ຈັດ ພິທີຊ້ອມໃຫຍ່ການສະແດງດັ່ງກ່າວທີ່ໂຮງຮຽນສິລະປະແຫ່ງຊາດ, ໂດຍມີທ່ານ ນາງ ປານີ ຢາທໍ່ຕູ້ປະທານສະພາແຫ່ງຊາດ
ແລະ ມີຮອງປະທານສະພາແຫ່ງຊາດ ເຂົ້າຮ່ວມຊົມ.
ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງ
ຖະແຫລງຂ່າວ, ວັດທະນະທຳ ແລະ ທ່ອງທ່ຽວໃຫ້ຮູ້ວ່າ: ການຝຶກຊ້ອມສິລະປະການສະແດງ ເພື່ອກະກຽມສະແດງຮັບໃຊ້ກອງປະຊຸມດັ່ງກ່າວໄດ້ເລີ່ມຊ້ອມມາ
ເປັນເວລາ 1 ເດືອນ
ແລ້ວ, ມາ ຮອດປັດຈຸບັນແມ່ນມີຄວາມ ພ້ອມ 100% ເຊິ່ງມີນັກສະແດງ ເຂົ້າຮ່ວມ
400 ກວ່າຄົນທີ່ຈາກກົມ-ກອງຕ່າງໆ ອ້ອມຂ້າງສູນກາງ. ໂດຍມີຫລາຍລາຍການສະແດງທີ່ໜ້າປະທັບໃຈລ້ວນແຕ່ສ່ອງແສງໃຫ້ເຫັນເຖິງວັດທະນະທຳຮີດຄອງປະ
ເພນີຂອງປະຊາຊົນລາວບັນດາເຜົ່າ ແລະ ຂອງປະເທດເພື່ອນມິດອາຊຽນໂດຍສະເພາະບັນດາປະເທດໄອປາ.
No comments:
Post a Comment