ຄະນະຜູ້ແທນກົມສາລະນິເທດໄທຢ້ຽມຢາມສຳນັກຂ່າວສານປະເທດລາວ

    ໃນຕອນບ່າຍວັນທີ 27 ສິງ ຫານີ້, ທ່ານ ສູນທອນ ຄັນທະວົງ ອຳນວຍການສຳ ນັກຂ່າວສານປະເທດລາວພ້ອມຄະນະ, ໄດ້ຕ້ອນຮັບການມາຢ້ຽມຢາມຂອງຄະນະ ຜູ້ແທນຈາກກົມສາລະນິເທດ, ກະຊວງການຕ່າງປະເທດແຫ່ງລາຊະອານາຈັກໄທ, ນຳ ໂດຍທ່ານນາງ ລີນນາ ຕັ້ງທະສິລິ ຮອງອະທິບໍດີກົມດັ່ງກ່າວພ້ອມຄະນະ.

    ໃນໂອກາດນີ້, ທ່ານອຳນວຍການສຳນັກຂ່າວສານປະເທດລາວ, ກໍໄດ້ສະແດງ ຄວາມຂອບໃຈຕໍ່ຄະນະຜູ້ແທນດັ່ງກ່າວທີ່ ເດີນທາງມາຢ້ຽມຢາມສຳນັກຂ່າວ ສານ ປະເທດລາວໃນຄັ້ງນີ້, ພ້ອມທັງໄດ້ລາຍງານໂດຍຫຍໍ້ກ່ຽວກັບສຳນັກຂ່າວສານປະເທດລາວວ່າ: ຂ່າວສານປະເທດລາວ (ຂປລ) ສ້າງຕັ້ງຂຶ້ນໃນວັນທີ 6 ມັງກອນ 1968 ເພື່ອເຮັດບົດບາດເປັນສຳນັກຂ່າວທາງການຂອງລັດຖະບານໃນການໂຄສະ ນະເຜີຍ ແຜ່ແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງລັດນຳສະເໜີສູ່ສັງຄົມ ດ້ວຍຫລາຍຮູບແບບເຊັ່ນ: ໃບຂ່າວ, ໜັງສືພິມປະເທດລາວ, ຮູບພາບ, ໂປສເຕີ, ວາລະສານ, ເວັບໄຊ ແລະ ປັດຈຸບັນມີພະ ນັກງານປະມານ 100 ກວ່າຄົນ.

    ໂອກາດນີ້, ທ່ານນາງ ລິນນາ ຕັ້ງທະສີລິ ໄດ້ສະແດງຄວາມຂອບໃຈຢ່າງສູງຕໍ່ທ່ານຫົວໜ້າສຳນັກຂ່າວສານປະເທດລາວ ພ້ອມຄະນະທີ່ໄດ້ໃຫ້ການຕ້ອນ ຮັບຢ່າງອົບອຸ່ນເປັນກັນເອງ, ພ້ອມທັງລາຍງານໃຫ້ຊາບໂດຍຫຍໍ້ກ່ຽວກັບບົດບາດຂອງກົມສາ ລະນິເທດວ່າ: ແມ່ນກົມໜຶ່ງທີ່ ຂຶ້ນກັບກະຊວງການຕ່າງປະເທດໄທ, ມີພາລະບົດບາດເຮັດໜ້າ ທີ່ຮູບແບບການທູດວັດທະນາ ທຳ, ສ້າງເຄືອຂ່າຍກັບສື່ມວນຊົນຕ່າງປະເທດກັບສື່ມວນຊົນໄທ, ໂຄສະນາປະຊາສຳພັນ ກ່ຽວກັບການເຄື່ອນໄຫວຂອງລັດ ຖະບານກໍຄືກະຊວງການຕ່າງປະເທດໄທ, ເປັນເວທີຖະ ແຫລ່ງຂ່າວຕໍ່ຕ່າງປະເທດ ແລະ ຕອບໂຕກະແສຂ່າວທີ່ບໍ່ຖືກຕ້ອງ ຕ່າງໆຈາກສາກົນ. ພ້ອມນີ້, ອະທິບໍດີກົມດັ່ງກ່າວຍັງເປັນໂຄສົກຂອງກະຊວງການຕ່າງປະເທດ ໃນການຖະແຫລ່ງຂ່າວຕ່າງໆ ທີ່ພົວພັນກັບຕ່າງປະເທດ, ປັດຈຸບັນມີໜ່ວຍງານສຳຄັນຢູ່ພາຍໃຕ້ການຄຸ້ມຄອງໂດຍກົງຂອງກົມ ດັ່ງກ່າວຄື: ປະມວນ ແລະ ວິ ເຄາະຂ່າວພາຍໃນ ແລະ ຕ່າງປະເທດ, ຕິດຕາມຂ່າວ, ບົດຄວາມຈາກໜັງສືພິມທັງພາຍໃນ ແລະ ຕ່າງປະເທດ ແລະ ການກະ ຈາຍສຽງທາງວິທະຍຸເປັນຕົ້ນ ແລະ ການເດີນທາງມາຢ້ຽມຢາມຄັ້ງນີ້, ເພື່ອເປັນການສ້າງຄວາມ ເຂົ້າໃຈ ແລະ ແລກປ່ຽນປະ ສົບການໃນວຽກງານສື່ມວນຊົນລະຫວ່າງສອງປະເທດເວົ້າລວມ, ເວົ້າສະເພາະແມ່ນລະຫວ່າງສຳນັກຂ່າວສານປະເທດລາວກັບ ກົມສາລະນິເທດ, ກະຊວງການຕ່າງປະເທດໄທເພື່ອກ້າວໄປສູ່ ການພົວພັນຮ່ວມມືໃນການແລກປ່ຽນຂໍ້ມູນຂ່າວສານ ແລະ ດ້ານວັດທະນາທຳຕ່າງໆເພື່ອເປັນການສົ່ງເສີມການຮ່ວມມື ແລະ ຄວາມເຂົ້າໃຈອັນດີລະຫວ່າງ ສອງປະເທດໃຫ້ເລິກເຊິ່ງແໜ້ນ ແຟ້ນຂຶ້ນ.