ລາວມີຄວາມຫລາກຫລາຍດ້ານຊີວະນາໆພັນ

    ທ່ານນາງ ມອນມະນີ ຍອຍ ບົວກ່ອງ ເຈົ້າໜ້າທີ່ອາວຸໂສອາ ຊຽນດ້ານສິ່ງແວດລ້ອມຂອງ ລາວ, ຫົວໜ້າກອງເລຂາຄະນະ ກຳມະການແມ່ນ້ຳຂອງແຫ່ງ ຊາດລາວໃຫ້ຮູ້ໃນກອງປະຊຸມ ສະພາບໍລິຫານງານຂອງສູນຊີ ວະນາໆພັນອາຊຽນຄັ້ງທີ 16 ເມື່ອ ວັນທີ 25 ສິງຫານີ້ວ່າ: ສປປ ລາວ, ໄດ້ມີການຄົ້ນພົບສາຍພັນ ດອກໄມ້ປະມານ 8-11 ພັນຊະ ນິດ, ນອກຈາກນີ້, ຍັງມີສັດ ສາຍ ພັນເລືອຄານ ແລະ ເຄິ່ງບົກເຄິ່ງ ນ້ຳມີ 150-200 ຊະນິດ, ນົກ ຫລາຍກວ່າ 700 ຊະນິດ, ເຈຍ ຫລາຍກວ່າ 90 ຊະ ນິດ, ສັດລ້ຽງ ລູກດ້ວຍນ້ຳນົມຂະໜາດໃຫຍ່ ຫລາຍກວ່າ 100 ຊະນິດ ແລະ ປາມີຫລາຍກວ່າ 500 ຊະນິດ. ພ້ອມນີ້ ຍັງມີເຂດປົກ ປັກຮັກສານົກທີ່ສຳຄັນປະມານ 44 ແຫ່ງທີ່ນອນໃນເຂດປ່າສະ ຫງວນທົ່ວປະເທດ, ຈາກຄວາມ ອຸດົມສົມບູນ ແລະ ຄວາມ ຫລາກຫລາຍດ້ານຊີວະນາໆພັນຄືດັ່ງ ກ່າວ, ຈຶ່ງໄດ້ຮັບການຂະໜານ ນາມຈາກບັນດາປະເທດອາຊຽນວ່າ: ສປປ ລາວ, ເປັນ ຂຸມສົມບັດ ດ້ານຊັບພະຍາກອນທຳມະຊາດ,ຊີວະນາໆພັນ ແລະ ລະບົບນິເວດ ທີ່ສຳຄັນຂອງອາຊຽນ ແລະ ມາ

ຮອດປັດຈຸ ບັນ, ການບັນທຶກດ້ານພຶກສາຊາດຍັງບໍ່ທັນເຮັດ ຢ່າງຕໍ່ເນື່ອງ ແລະ ການສຶກສາ ຂຶ້ນບັນຊີຊະນິດພືດຍັງມີຈຳນວນ ໜ້ອຍຢູ່ ແລະ ໄປຄຽງຄູ່ກັບ ຄວາມອຸດົມສົມບູນດັ່ງກ່າວນັ້ນ,ສປປ ລາວ, ກໍຄືບັນດາປະເທດ ໃນຂົງເຂດອາຊຽນແມ່ນໄດ້ຜະ ເຊີນກັບ ການສູນເສຍດ້ານທີ່ຢູ່ອາໄສ ແລະ ພັນພືດ, ເນື່ອງຈາກ ການປ່ຽນແປງດ້ານສິ່ງແວດ ລ້ອມຢ່າງໄວວາ ແລະ ການກະ ທຳຂອງ ມະນຸດໂດຍສະເພາະແມ່ນການຕັດໄມ້ທຳລາຍປ່າ, ການລ່າສັດເພື່ອເປັນອາຫານ, ການປຸງແຕ່ງຢາ, ການປ່ຽນ ແປງດ້ານທີ່ຢູ່ອາ ໄສ, ການຊອກ ຄົ້ນທີ່ຫລາຍເກີນໄປ, ການເຕີບໂຕທາງດ້ານປະຊາກອນ ແລະ ອື່ນໆ.